Jeremaia 8:10 - Intas Etipup

¹⁰ Va nitai inigki ekpu alupai ilpu atimi an taka uarin ilpu ehgara ainyak, im ilpu atimi atoraliak itai niji uarin obohtan ura: vaig inig nikavaig, era aktaktai alupas niji itai an nobohtan ara asega, ilpu atimi alupas im tup atimi, era ago nedo efaifa ara asega, ilpu profeta im lep ilpu atimi ahlap.

Jeremaia 8:10 Iomraidhean Croise

Nitaasviitai u Job 31:10

etmu aheca u intak atamaig a ehgak; etmu ehgai intak atamaig aien.

Aiseya 28:7

Im lep inig, era mun ago nedo acalacal ara sji igki vai waina, era mun ahnag ara vai kava itoga; era mun ago nedo acalacal a ilpu atimi ahlap im ilpu profeta vai kava itoga, eris auahas ra vai waina, eris imiahnag ra vai kava itoga; eris wat asuptecnaig intas o Atua ara eris tas maumau ara, eris wat tas alep ara eris ago nedo acalacal ara.

Aiseya 57:17

Ek edemda ainyak va nedo has o un, inmerit has o un marom, ekpu lep auud yin ainyak, ekpu adenaig nyak ainyak, ekpu lep edemda ainyak; vaig inig nikavaig, is imiisjis aien um idumdumoij pam u nedo o inliinmopon.

Jeremaia 14:14

Is um ika ehelek a Ihova, Era asuptecnaig intas ahcil an nidak a ilpu profeta; kis eti abrai ra ainyak, kis eti ikni ra ainyak, kis eti tas ehele ra ainyak: era asuptecnaig ehelemia ara nitai ahuumtidec ahcil, im intas apat, im intakitai, im intas efaifa inig et ahes an liinmopora.

Jeremaia 14:18

El ek apan itac ainyak anliin pece, el ek alum ra sji igki ainyak eh mun atgei ra an nedoa! el ek apan an maliyum ainyak, el ek a alum ra sji igki ainyak era areci ara vai numlaig has! maiya era atga jipe a ilpu profeta im ilpu atimi ahlap an pece inigki ja era eti ato itai ara.

Jeremaia 17:11

Natimi inig et leh naga aien ja eti va nedo atoh, et idivaig inman inig aien et aibuthan nohwai man et eche; etpu udei naga o un an nohoigmeto o un, etpu atimi ahnag aien an nopan mas o un.

Jeremaia 22:17

Ja na almoi nitai inigki ache aiek, um aktaktai nedo inigki ache, um lep ago, nikavaig, et has iram itai, na atgei ilpu atimi et ti nedo has ura aiek, um ehcerucai atimi, um atoraliak itai ura.

Jeremaia 32:32

va nedo has asega inig u nup Isreel, im nup u Juta, era mun ago ara par auahas inliinmopok, ara marom, im lep ilpu atimarid ura, im ilpu atimi alupas ura, im ilpu atimi ahlap ura, im ilpu profeta ura, im lep ilpu atimi an pece Juta, im ilpu atimi iji ig era amen Jerusalem ara.

Jeremaia 38:22

Namu lep ato aiek mika, uhpu imiapan itac ilpu takata asega iji ig, era eti fi atga ura ara jam amen an nimnim u natimarid an pece Juta, ehele ilpu atimi alupas u natimarid an pece Babelon, erupu lep ika a ilpu takata, iji igki, Era mun imiisjis ehelum a ilpu apa unyum, um esjilid iram: era mun imiasuol neduom ero an nosal ara, ja era mun adumoij pan ara.

Jeremaia 42:1

ERIS apam ubutpotet a ilpu atimi alupas asega u ilpu eucsupo, im Johenan inhal u Karia, im Jesanaia inhal a Hoseaia, im lep natimi asega ahes ehele ilpu atimi alupas um yetpan irai tup atimi,

Jeremaia 5:31

Era mun asuptecnaig intas ahcil a ilpu profeta, era mun atau ira ra a ilpu atimi ahlap; era lep merit vai nedo inigki a ilpu atimi unvak: ja aki ago inhe aijaua an nehni o un?

Niji tas taigtai 4:13

Et mun yetpam nohocred inigki va nedo has u ilpu profeta ura, im nedo acalacal u ilpu atimi ahlap ura, eris atgei ilpu atimi upene ara anliin maliyum inigki.

Esikiel 33:31

Era asjapicnaig ehelum ara et idivaig nasjapicnaig u ilpu atimi unyak, era ateuc ara an nuhup unyum, et idivaig ilpu atimi unyak, era lep ahgei intas unyum ara, ja era eti imiaiji ara: et idim upene intas ura, ja et aktaktai niji itai an nobohtan inliinmopora.

Emos 5:11

Vaig inig nikavaig, eka auwihi ilpu ihki atimi aijaua, um leh ira ra inuarin u hwiit ura: va nitai inigki eka mun actai iyum irai hat eris ates aijaua, jai akupu eti amen iran aijaua; eka mun ahwaig ahapol vaine upene aijaua, jai akupu eti umnyi nide vaine iran aijaua.

Maika 2:4

An nopan iyehki etpu acesaces nohranitai ehtigtaig vai caua tah, um imitaig alupas caua, um ika, Eh mun auahas alupas caija: Et ika a Ihova eri asjeupigmoig ilpu atirai unyak hal, um ohuun niji itai uja: et mun atipagki inpece uja aien, et mun ahaig niji uari obohtan uja aien um alupai ilpu atimi imipalea.

Maika 3:11

Era tas alep a ilpu atimi alupas iran va nimtan, era esege imi atimi a ilpu atimi ahlap iran va naga, era ahidan tas a ilpu profeta iran vai mune: ja era lep asgeig irai Ihova ara, um ika, Et idim amen eheleija a Ihova; inyi eti yetpam iraija tah nohocred.

Maika 3:5

Intas o Ihova nigki vai ilpu profeta iji ig era imiahnag ilpu atimi unyak ara, Era ahidan tas igpa ara ehele atimi iji ig era alaa ra nitai caig ara; ja era anvaijai atimi iji ig ara era eti alaa ra nitai hegaig ara.

Habakuk 1:6

Ekpu idim ikni nup u Kaltia ainyak, natimi iji ig et ipjin nedo ura, era auroauro alupas ara, era apaahni irai iji pece asega ara, par ohuun niji uarin ui tak atimi mika eri amen iran ara.

Sefanaia 1:13

Uhpu atoraliak inpadiaig ura an nedoa, etpu ahyuahyu niji imnim ura: eri actai iyum ara, jam eti amen iran; erupu ago ahapol vaine ara, jam eti umnyi nide vaine iran.

Taitus 1:11

eris idim ika uhpu auud yi aijiraig intas ura; era imyiahnag atimi asega irai imnim et ahinag ara, um esege nitai iji eigki et eti upene, mika eri leh inpadiaig has vaig.

Taitus 1:7

Eris idim ika va natimi aminjina nakalasia, er eti acaiji yin vaig tah nitai, et idivaig naheca u Atua; um eti imyiisjis itai, um eti fi auroauro um atavaitap, um eti umnyi alupas waina, um eti abli atimi, um eti merit alupas vai inpadiaig has vaig;