Jeremaia 8:1 - Intas Etipup

¹ ET ika a Ihova, An nopan iyehki erupu ahyausei niji eduei ilpu atimarid an pece Juta irai etheso ura im niji eduei ilpu atimi alupas ura, im niji eduei ilpu atimi ahlap, im niji eduei ilpu profeta, im niji eduei nup u Jerusalem:

Jeremaia 8:1 Iomraidhean Croise

1 Ilpu Atimarid 13:2

Is efehtas aien va natau irai tas o Ihova, um ika, Ak natau, ak natau, et ika a Ihova; Uhpu idim apos inhalav irai ilpu mapoi Tevit, nidan Josaia; etpu ahlap iram aien irai ilpu atimi ahlap iji ig irai iji uarin itap era ahlap an nitai auanipin upene iram ara, uhpu lep atnamud niji eduei atimi iram.

2 Ilpu Atimarid 23:16

Is ahidai yin a Josaia, um ecetai niji etheso eahki an nedoon, um abrai atimi, um iknipagki neduei atimi iraili etheso, um atnamud an natau, um auahas, is idivaig intas o Ihova is asaig a natimi u Atua, is asaig intas iji ehki aien.

2 Ilpu Atimarid 23:20

Is atgei ilpu atimi ahlap irai iji tap aien irai iji atau eahki, um atnamud niji eduei atimi iran, um adumoij pan Jerusalem.

2 Ilpu Atimarid 9:37

etpu idivaig nohok an nobohtan nohui Jesebel an nuarin nobohtan Jesriil; va eri jim ika ara, Jesebel mun igki.

Saam 53:5

Is esjilid acen nimtitaig ura eahki, is wat ti nitai imtitaig vaig: is idim imiterimterim niji eduei natimi iji igki a Atua, eris ati nedoa vai euc ara: na mun auoh ehcamai ra aiek, nikavaig, et mun esjum vai ra a Atua.

Jeremaia 14:16

Uhpu erekhaig irai efalaig Jerusalem ilpu profeta iji ig era asuptecnaig intas ehele ra ara, va numlaig has im nedoa; etpu eti eteuc tah par atelmoi ra, ara marom, im ilpu ehgara, im ilpu halav atamaig ura, im ilpu halav atahig ura: vaig inig nikavaig, ekpu atladwi nedo has ura ira ra ainyak.

Esikiel 37:1

IS amen irak nikmai Ihova, um imiapan itac nyak an Nesgai Ihova, um atise nyak juju an niskanse is ohua niji eduei atimi iran.

Esikiel 6:4

Etpu ucaucai niji atau unyimia, uhpu ahtagrei niji almui nagesega unyimia: ekpu ika ainyak eri emesmas a ilpu atimi unyimia eris ahcai ra an nuhup u niji atmasimai unyimia.

Esikiel 6:5

Ekpu ikni nohui ilpu atimi emesmas u nup Isreel ainyak an nuhup u niji atmasimai ura; ekpu imiterimterim niji eduomia ainyak um arehed irai iji atau unyimia.

Emos 2:1

ET ika a Ihova; Inki eti atipagki ainyak nimtan nedo has et dri ka et for u nup u Moab; va nedo ura, nikavaig, eris atnamud niji eduei natimarid u nup Itom ara um ago nubrei iran: