Jeremaia 7:8 - Intas Etipup

⁸ Et idim uco, eka ateuc irai tas ahcil aijaua, ja et takitai.

Jeremaia 7:8 Iomraidhean Croise

Aiseya 28:15

Vaig inig nikavaig, eka ika aijaua, Ecra mun asaig intas etipup ehele Inmas aijama, um asaig intas jipe im Umaatmas; etu wit ahced inpece nitai auahas atimi um ataluopni, etpu eti yetpam irama; vaig inig nikavaig, ecra mun ika aijama yi uarin atpuh iran vai cama intas ahcil, ecra mun lep atpuh aijama an nedo efaifa:

Aiseya 30:10

era ika ara ehele ilpu atimi alum itai, Akumu jim alum itai aijaua; im lep ehele ilpu profeta, Akumu jim asuptecnaig intas atoh ehelema aijaua, akumu asaig intas updak ehelema aijaua, um asuptecnaig intas efaifa:

Aiseya 59:4

Et eti ahlaig vai nedo upene tah, et eti imiisjis vai intas inveijec tah: era asgeig irai takitai ara, um asan tas ahcil; era aktaktai itai has ara, um ago nedo has.

Jeremaia 13:25

Et ika a Ihova, Nimtan imi euc nigki, neruvaig inig et ahes ehelek ek mun asjaaicnaig iran imtam ainyak; vaig inig nikavaig, na mun ahnag irak aiek, um ateuc an tas ahcil.

Jeremaia 23:26

Etpu amen nitai inigki an liinmopoi ilpu profeta iji ig era asuptecnaig intas ahcil ara um yetpan au nahopan? maiya, era asuptecnaig intas efaifa inig ara et ahes an liinmopora.

Jeremaia 23:32

Et ika a Ihova, Ek idim esjum ainyak vai ilpu profeta iji ig era asuptecnaig niji umjeg ahnag ura ara et ahcil, um imiahnag ilpu atimi unyak an tas ahcil ura im nedo efaifa ura; ja kis eti abrai ra ainyak, um eti ikni ra: va nitai inigki et ika a Ihova, Erupu eti upene a nup igcaki vai ra.

Jeremaia 28:15

Ja is par ika a Jeremaia naprofeta ehele Hananaia naprofeta, Ak Hananaia, namu atahaijeg aiek; Et mun eti abrai euc a Ihova; ja na ika aiek eri ateuc an tas ahcil a nup igcaki.

Jeremaia 4:10

Kis um ika ainyak, Awe! ak Ihova Natimarid, na mun idim ika aiek eri ahnag esjilid a nup igcaki im lep nup u Jerusalem; eris ika a ilpu profeta efaifa, Akupu amen igpa aijaua; ja uhpu atgei atimi an nedoa.

Jeremaia 5:31

Era mun asuptecnaig intas ahcil a ilpu profeta, era mun atau ira ra a ilpu atimi ahlap; era lep merit vai nedo inigki a ilpu atimi unvak: ja aki ago inhe aijaua an nehni o un?

Jeremaia 7:4

Akumu jim asgeig irai ra sji igki aijaua era asan tas ahcil ara, um ika, Neom ahlap u Ihova, Neom ahlap u Ihova, Neom ahlap u Ihova nigki.

Jeremaia 8:10

Va nitai inigki ekpu alupai ilpu atimi an taka uarin ilpu ehgara ainyak, im ilpu atimi atoraliak itai niji uarin obohtan ura: vaig inig nikavaig, era aktaktai alupas niji itai an nobohtan ara asega, ilpu atimi alupas im tup atimi, era ago nedo efaifa ara asega, ilpu profeta im lep ilpu atimi ahlap.