Jeremaia 7:2 - Intas Etipup

² Namu aiji aiek an neucse nathatahau u nimnim u Ihova, um efehtas an tas inigki eahki, um ika, Akumu atahaijeg intas o Ihova aijaua asega, ak nup u Juta, eka apam irai eucse athatahau iji igki aijaua mika aki alaigaheni vai Ihova.

Jeremaia 7:2 Iomraidhean Croise

1 Ilpu Atimarid 22:19

Is ika aien, Namu atahaijeg intas o Ihova aiek: Kis ecet Ihova ainyak nateuc vaig irai dorona o un, eris lep aiji ehelen a ilpu agelo asega, an matan im lep an mauun.

Saam 122:2

Ak Jerusalem, et aiji neduoma irai eucse athatahau unyum.

Aiseya 1:10

Ak ilpu atimi alupas an pece Sotom, akumu atahaijeg intas o Ihova aijaua; ak nup u Comora, akumu imiaiji intas alep u Atua uja aijaua.

Jeremaia 10:1

AK nup Isreel, akumu atahaijeg intas inig aijaua et asaig ehelemia a Ihova:

Jeremaia 11:6

Is um ika ehelek a Ihova, Namu asuptecnaig intas iji igki asega aiek irai iji maliyum an pece Juta, im lep irai iji efalaig Jerusalem, um ika, Akumu atahaijeg niji tas an tas etipup inigki aijaua, um imiaiji.

Jeremaia 19:14

Ja is ahes Tofet a Jeremaia, inuarin inig is abraig yiu a Ihova, mika yi apan iran um asuptecnaig intas, um apam, um aiji an noko… u neom u Ihova, um ika ehele atimi asega,

Jeremaia 2:2

Namu apan aiek um tas ijinies ehele Jerusalem, um ika. Ak intakata, et ika a Ihova. Ek mun imiehva euc ainyak im lep naiheuc unyak vai euc an natahig unyum, im naiyu u inliinmopok vai euc, kis wat aniv euc vai nyak ainyak, as wat ahced nyak aiek an namasacen, an pece iyehki eris eti ahapol iran.

Jeremaia 2:4

Akumu atahaijeg intas o Ihova aijaua, ak ilpu mapoi Jekob, im niji tehet asega u nup Isreel:

Jeremaia 26:2

Et ika a Ihova; Namu aiji aiek an nokoro o neom u Ihova, um imiabrai nup urai maliyum asega iji ig an pece Juta, era apam ara mika eri alaigaheni an nimnim u Ihova, intas asega iji ig kis abrai euc ainyak par asaig ehele ra; namu jim ateri tah intas aiek:

Jeremaia 28:5

Is um ika a Jeremaia naprofeta ehele Hananaia naprofeta an nuhup u ilpu atimi ahlap, im lep an nuhup u atimi asega eris aiji ara an nimnim u Ihova,

Jeremaia 34:4

Ja namu atahaijeg intas o Ihova aiek, ak Setekaia natimarid an pece Juta; Et ika a Ihova vai euc, Napu eti mas aiek an nedoa:

Jeremaia 36:10

An nopan iyehki is esvi a Beruk an nitaasviitai niji tas u Jeremaia an nimnim u Ihova, an nuarin neom u Cemaraia inhal u Sefan natimi aged itaasviitai, an nokoro ijinies, an nuhup u neucse nathatahau mat u nimnim u Ihova, ehele atimi asega.

Jeremaia 36:6

va nitai inigki namu apan aiek, um esvi an nitaasviitai inig, ek mun asaig intas iran ainyak, nikavaig, niji tas o Ihova ehele atimi an nimnim u Ihova an nadiat atwakam: namu lep esvi intas iji igki aiek ehele nup u Juta asega era ahes irai maliyum ura ara um apam Jerusalem.

Jeremaia 44:24

Im lep inig, is ika a Jeremaia ehele atimi asega, im lep ehele ilpu takata asega, Akumu atahaijeg intas o Ihova aijaua, ak nup u Juta asega eka amen an pece Ijipt aijaua:

Jeremaia 7:1

INTAS inig is ahes irai Ihova um yetpam ehele Jeremaia nigki, um ika,

Esikiel 37:1

IS amen irak nikmai Ihova, um imiapan itac nyak an Nesgai Ihova, um atise nyak juju an niskanse is ohua niji eduei atimi iran.

Hosia 5:1

AK ilpu atimi ahlap, akumu atahaijeg nitai inigki aijaua; ak nup Isreel, akumu atahaijeg aijaua; ak ilpu atimi amen au nimnim u natimarid, akumu atgeig pam intikgamia aijaua; uhpu idim aru iramia, akis itai apro itai an nedoon Mispa aijaua, im nopoig inig er elgelgei an nedoon Tebor.

Emos 7:16

Im lep inig, namu atahaijeg intas o Ihova aiek; Nai ika ehelek aiek, Namu jim ahidan tas aiek vai nup Isreel, um jim tas pam ehele ilpu mapoi Aisak.

Maika 1:2

Akumu atahaijeg aijaua, ak nup urai iji pece asega; namu atgeig pam intikgam aiek, ak nobohtan, im niji itai asega amen iran: etmu asuptecnaig nedo unyimia a Ihova Natimarid, Natimarid marom an neom itap o un.

Maika 3:1

KIS ika ainyak, Akumu atahaijeg aijaua, ak ilpu atimi alupas u ilpu mapoi Jekob, im lep caua ilpu atimi tas alep vai nup Isreel; Eris idim ika aki ato nedo atoh aijaua.

Maika 3:9

Akumu atahaijeg intas inigki aijaua, ak ilpu atimi alupas u ilpu mapoi Jekob, im lep caua ilpu atimi tas alep vai nup Isreel, eka amcel van tas atoh aijaua, um imiacal nedo atoh asega.

Madius 13:9

Aien et eteuc intikgan aien par ahgei itai, etmu atahaijeg aien.

Joanes 18:20

Is um ika ehelen a Iesu, Kis tas ainyak an nuhup o atimi asega; kis idim esege ainyak irai eom alaigaheni im lep anliin neom ahlap, era apan iran a nupu Jutaia irai iji adiat; kis eti adenan tas unyak ainyak:

Niji auritai o ilpu Apostolo 5:20

Apan aijaua, um aiji anliin neom ahlap, um asuptecnaig ehele atimi niji tas asega va nitai umoh iran ineigki.

Niji auritai o ilpu Apostolo 5:42

Eris eti atumop ara anliin neom ahlap, im lep irai iji eom asega, irai iji adiat, par esege um asuptecnai Iesu mika et Kristo aien.

Nitai ehvaig 2:11

Aien et eteuc intikgan aien, etmu atahaijeg aien intas iji eigki et asaig a Nesgan Upene ehele ekalasia. Aien et esjilid aien, inyi ti auahas yin inmas apitac.

Nitai ehvaig 2:17

Aien et eteuc intikgan aien, etmu atahaijeg aien intas iji eigki et asaig a Nesgan Upene ehele ekalasia. Aien et esjilid aien, ekpu alaan manna ainyak er adenaig, ekpu lep alupai yin inhat ahi ainyak, et amen nidan mat iran hat iyehki er aged, ja et eti ato tah natimi, aien ache et leh aien.

Nitai ehvaig 2:29

Aien et eteuc intikgan aien, etmu atahaijeg intas iji eigki aien, et asaig a Nesgan Upene ehele ekalasia.

Nitai ehvaig 2:7

Aien et eteuc intikgan aien, etmu atahaijeg aien intas iji eigki et asaig a Nesgan Upene ehele ekalasia: Aien et esjilid aien, ekpu alaan ainyak, mika yi caig aien nohoan cai ineig er umumoh vaig, juju a paratais u Atua.

Nitai ehvaig 3:13

Aien et eteuc intikgan aien, etmu atahaijeg intas iji eigki aien, et asaig a Nesgan Upene ehele ekalasia.

Nitai ehvaig 3:22

Aien et eteuc intikgan aien, etmu atahaijeg intas iji eigki aien, et asaig a Nesgan Upene ehele ekalasia.

Nitai ehvaig 3:6

Aien et eteuc intikgan aien, etmu atahaijeg intas iji eigki aien, et asaig a Nesgan Upene ehele ekalasia.