Jeremaia 5:9 - Intas Etipup

⁹ Et ika a Ihova, Ekpu idim aru ira ra ainyak va nitai iji igki; ekpu lep aru ainyak vai nup urau pece et uce nedo ura.

Jeremaia 5:9 Iomraidhean Croise

Niji tas Arapakau 6:29

Et idim uco vai yin et apan ehele ehgai natimi eblaamnem o un aien; etpu leh neruvaig a natimi inig et amen ehelen aien.

Aiseya 1:24

Va nedo inigki et ika a Natimarid, Ihova esjilid acen, Atua emda u nup Isreel marom, Kaiheuc vai ra, ekpu atcijaig ilpu atimi tak atimi irak ainyak; ekpu aru nedo o ilpu atimi edemda vai nyak ainyak.

Aiseya 57:6

nitai merit unyum nigki, nikavaig, niji hat an nepaig irai auiwai; nitai merit unyum nigki, nigki marom: na mun atdadwi nitai tup ahtai er umnyi aiek imi ra, na mun imiapam nitai tup ahtai eh caig aiek. Et ehka mika yi eropse inliinmopok ainyak va nitai iji igki.

Jeremaia 23:2

Va nitai inigki et ika a Ihova Atua u nup Isreel, vai ilpu atimi asgi siip iji ig era aminjinaig ilpu atimi unyak ara; Eka mun imiterimterim inpak irai siip unyak aijaua, um ahau pan ra, um eti aminjinai ra: et lep ika a Ihova, Akumu ato aijaua mika, ekpu aru nedo has unyimia inig ainyak eka mun ago aijaua.

Jeremaia 32:31

Kis edemda ainyak um atavaitap vai inmaliyum inigki ahes an nopan iyehki eris uctaig um imihum pam an nopan inig; mika ki atipagki an nuhup unyak,

Jeremaia 44:22

va nitai inigki is ehka vai Ihova par ago nedo eti auatiemda vai caua, va nedo has unyimia, im lep va nedo inig er amcel vaig, akis ago aijaua; va nitai inigki et umaruma inpece unyimia, um itai imiali, um lep itai er asaig intas ahlaijaig vaig, et eti amen tah natimi iran, et idivaig an nopan inig.

Jeremaia 5:10

Akumu aridjipan aijaua irai athatahau o un, um alcapdicraig; jam jim auahas ehni: akumu iknipagki niji eom emda o un aijaua, et idim eti ohuun ra a Ihova.

Jeremaia 5:29

Et ika a Ihova, Ekpu idim ara ira ra ainyak va nitai iji igki; ekpu idim ara ainyak vai nup uran pece et uce nedo ura.

Jeremaia 6:11

Va nitai inigki et ohua nedemda u Ihova irak; et esvi nyak par anaijiraig: ekpu atladwi ainyak irai ilpu hadi irai efalaig, im lep irai ilpu takuras era mun ehrasjapicnaig ara: uhpu arop irai natamnyu un im lep ehgan, im lep nefatimi im natimi ohoigmeto.

Jeremaia 6:6

Et ika a Ihova esjilid acen, Akumu attai niji cai o un aijaua, um uctaig uarin ijinies par ati nedoa vai Jerusalem: eris idim ika eri ara nedo o nup uran maliyum inigki; et esjilid nedo ehcerucai atimi iran.

Jeremaia 9:8

Et efana eh mas vaig nipjineucsera; et asaig intas efaifa: et asaig intas igpa ehele napa o un tah an nipjineucsen, ja et imiiris yiu an liinmopon aien.

Jeremaia 9:9

Et ika a Ihova, Ekpu idim aru ira ra ainyak va nitai iji igki; ekpu idim aru ainyak irai nup uran pece et uce nedo ura.

Niji tas taigtai 3:42

Ecra mun ago nedo acalacal aijama um imipalea: na mun eti ohpodohpod nedo has unyima aiek.

Niji tas taigtai 4:22

Eh mun ago ehni neruvaig nedo has unyimia, ak nup u Saion; etpu eti lep imiapan caua an taka pece aieu: etpu aru nedo has unyimia aien, ak nup Itom; etpu imiapan caua an taka pece aien va nedo has unyimia.

Esikiel 7:9

Ekpu eti aiheuc vai caua ainyak, um eti itai vai caua: ekpu aru iramia ainyak et idivaig nedo unyimia, etpu apol iramia nedo unyimia er amcel vaig; akupu ato aijaua mika, ainyak Ihova aigki et auud caua aien.

Hosia 2:13

Et ika a Ihova, Ekpu aru iran ainyak vai niji adiat u ilpu atmas o un, is atnamud itaiauanipin upene ehele ra aien, is yecrei yin aien irai teijig o un im nitaahnaig o un, is apitac aien ira atimi merit vai yin, jam ahnag irak.

Hosia 8:13

Era ahlap irai itai eklim edo irai pece imi nyak ara, um hegaig; ja et eti upene inliinmopoi Ihova vai ra; etpu auroauro aien um imiehva nedo acalacal ura aien, um aru nedo has ura: erupu adumoij pan an pece Ijipt ara.

Levitikus 18:25

et has inpece: ekpu aru iran ainyak va nedo has iran, etpu lep alo ira atimi inpece.

Levitikus 26:25

Ekpu ati nedoa vai caua ainyak, um aru nimipalea intas etipup unyak unyimia: aku wit asjapicnaig aijaua irai maliyum unyimia, ekpu ati inmas has iramia ainyak; uhpu lep atcijaig caua imi ilpu atimi tak atimi iramia.

Nehum 1:2

Et edemda a Ihova Atua uja, um idivaig natimi oporei; et aru ira atimi a Ihova, um edemda alupas vai ra; etpu aru irai ra sji igki a Ihova era aat iran ara, et ati nedemda o un aien vai ilpu atimi tak atimi iran.

Tyuteronome 32:35

Et amen ehelek neruva nedo has, ekpu aru ainyak; etu wit weiyilyik neduora, et ubutpotet nadiat an nohocred ura, et um auroauro nitai iji igki etpu yetpam ira ra.

Tyuteronome 32:43

Akumu imiahpas ilpu atimi o un aijaua, ak nup urai iji pece: etpu aru inmas u ilpu aheca o un aien, um ago neruvaig vai ilpu atimi tak atimi iran, um aiheuc vai inpece o un, im ilpu atimi o un.