Jeremaia 5:8 - Intas Etipup

⁸ Era mun idivaig hors atamaig an nuhialeg ara: era mun ilmu ara asega vai ehgai ilpu atimi eblaamnem ura, athi um athi ehni.

Jeremaia 5:8 Iomraidhean Croise

Jenesis 39:9

et eti esjilid irak tah an nimnim inigki; is eti imiaaij tah nitai vai nyak aien, aiek ache, nai idim ehgan aiek: Et ehka vai nyak nago vaig nedo has esjilid inigki, um imipalea Atua.

Nitaasviitai u Job 31:9

El is imiahnag nyak intakata; el ekis aitgaig ainyak an neucse neom u natimi eblaamnem unyak;

Eksotus 20:14

Namu jim ago ingeijid aiek.

Eksotus 20:17

Etmu jim has iram aiek neom u atimi eblaamnem unyum, etmu jim has iram aiek ehgai atimi eblaamnem unyum, ka naheca atamaig o un, ka naheca atahig o un, ka kurimatau o un, ka togke o un, ka tah nitai u natimi eblaamnem unyum.

Niji tas Arapakau 6:29

Et idim uco vai yin et apan ehele ehgai natimi eblaamnem o un aien; etpu leh neruvaig a natimi inig et amen ehelen aien.

Jeremaia 13:27

Ek mun ecetai ingeijid unyum ainyak, im inlaav unyum, im nacitak unyum, im nedo has esjilid unyum, im nedo unyum er amcel vaig irai edoon, im lep anliin pece. Kaiheuc vai euc, ak Jerusalem, napu esjum aiek mika eri ago adicinadicin euc um yetpan an nahopan?

Jeremaia 23:10

Et ohua ingeijid an pece; et taig inpece vai ilpu atimi asaig intas ahlaijaig; et mese nefelelicai upene an lelitai, et has nedo ura, et eti atoh nemda ura.

Jeremaia 29:23

vaig inig nikavaig, erau mun ago nedo maumau an pece Isreel arau, um ago ingeijid ehele ehga atimi eblaamnem urau, um asuptecnaig intas ahcil an nidak, kis eti abrai rau ainyak par asaig; et ika a Ihova, ek idim ato ainyak, ekpu lep asuptecnaig ainyak.

Jeremaia 50:11

Vaig inig nikavaig, akis imiacitak aijaua, ak ilpu atimi atoraliak itai u ilpu atimi unyak, vaig inig nikavaig, akis cediaig aijaua, eka mun idim alupas aijaua um idivaig kurimatau atahig inig et caig nomotmot upene, eka ilmu aijaua um idivaig niji hois atamaig;

Jeremaia 9:2

Ek merit alupas ainyak mika yi eteuc irak niim uricai an namasacen par atumop iran; mika ki udei ilpu atimi unyak ainyak, um apan au taka uarin! vaig inig nikavaig, era ilpu atimi ago ingeijid ara asega; um ilpu atimi efaifa.

Esikiel 22:11

Et mun ago nedo er amcel vaig iramia tah ra ehele ehgai napa o un; et mun lep ago ingeijid iramia tah ra ehele ehgai inhal o un; et mun lep ago nedo has iramia tah ra ehele natahig iran, inhalav atahig u etman: era mun ago nedo iji igki ara asega, athi um athi ehni.

Tyuteronome 5:18

Namu jim ago ingeijid aiek.

Tyuteronome 5:21

Etmu jim has iram aiek ehgai natimi eblaamnem unyum, um jim has iram neom o natimi eblaamnem unyum, im uman, im naheca atamaig o un, im naheca atahig o un, im kurimatau o un, im togke o un, im tah nitai et eteuc ehele natimi eblaamnem unyum.