Jeremaia 5:7 - Intas Etipup

⁷ Et ehka vai nyak par ohpodohpod nedo has unyimia va nitai inigki; era mun udei nyak a ilpu hal unyimia, um asig yi aktit intas vai ra sji igki era eti atua ara: kis wat alaa ra upene nitai caig ainyak, eris ago ingeijid ara, um asjapicnaig irai eom u ilpu takata has, eris ahinag ara.

Jeremaia 5:7 Iomraidhean Croise

2 Niji Tas Eled 13:9

Akis idim ahlo ilpu atimi ahlap u Ihova aijaua, ilpu mapoi Eron, im ilpu mapoi Livai, um ikni ilpu atimi ahlap imi caua et idivaig nedo o nup urai pece; et wat ham tah par imiitap yin an hakli kurimatau atamaig et ethi im siip atamaig et seven, et atimi ahlap vai ilpu atua ahcil aien.

Nitaasviitai u Job 31:12

Et idim incap nigki et atnamud um auahas ehni itai; inyi atecrei niji itai asega unyak.

Saam 50:18

Akis wat ecet natimi ehneg itai aijaua, akis lep ethi ache pan iran aijaua; akis lep asipiaig nedo o ilpu atimi ago ingeijid aijaua.

Jeremaia 12:16

Etpu idim uco, el era emda ara um ato nedo o ilpu atimi unyak, um asig yi aktit intas va nidak, um ika, Et idim umoh a Ihova; et idivaig eris esege imi ilpu atimi unyak par asig yi aktit intas vai Beal; erupu amen aktit ara ehele ilpu atimi unyak.

Jeremaia 13:27

Ek mun ecetai ingeijid unyum ainyak, im inlaav unyum, im nacitak unyum, im nedo has esjilid unyum, im nedo unyum er amcel vaig irai edoon, im lep anliin pece. Kaiheuc vai euc, ak Jerusalem, napu esjum aiek mika eri ago adicinadicin euc um yetpan an nahopan?

Jeremaia 16:11

Namu ika ehele ra aiek, Et ika a Ihova, Vaig inig nikavaig, eris udei nyak a ilpu retpomia im ilpu atmil unyimia, um apitac ilpu atmas irai iji pece, um aheca ura, um atpuse an nuhup ura, um udei nyak, um eti imiaiji intas alep unyak;

Jeremaia 16:20

Et ehka va atimi par ago ilpu atua imi ra; era idim eti ilpu atua ara.

Jeremaia 2:11

Eris idim eti ika a nup uran tah inpece eri lucsei ilpu atmas et eche, ja eris lep idim takitai a ilpu atmas ura; ja eris asjapigmoig natimi alupas ura a ilpu atimi unyak vai itai iji ig et takitai ache.

Jeremaia 2:31

Ak ilpu atimi an nopan inig, akumu aktaktai intas o Ihova aijaua. Ek mun idim eti idivaig namasacen ainyak vai nup Isreel, um eti idivaig inpece u napat; eris idim ika a ilpu atimi unyak van he, Ecra ilpu atimi alupas aijama, ecrupu eti lep adumoij pam ehelum aijama?

Jeremaia 23:10

Et ohua ingeijid an pece; et taig inpece vai ilpu atimi asaig intas ahlaijaig; et mese nefelelicai upene an lelitai, et has nedo ura, et eti atoh nemda ura.

Jeremaia 3:19

Ja kis ika ainyak, Ekpu ehvati euc ainyak ehele ilpu halav unyak, um alupai euc inpece esjilid, nuarin upene mika eri ahtag pam iran a nup urai iji pece? kis lep ika ainyak, Namu anvi nidak aiek par ika Etmak, um eti lep adumoij pan vai nyak.

Jeremaia 3:8

Im lep inig, kis wat atcijaig intakata imipalea iyehki Isreel ainyak, um alupai yin nitaasviitai vai nabraig pagki yin, va nitai iji igki asega is ago ingeijid vaig aien; kis ecetai ainyak mika et mun eti imtitaig a etwan efaifa Juta, ja et mun lep apan aien um ago ingeijid.

Jeremaia 7:9

Eka idim ehnegitai aijaua, um atgei atmas, um ago ingeijid, um asig yi aktit intas ahcil, um atnamud nitai auanipin upene vai Beal, um apitac ilpu atmas u nup urai taka pece eka eti ato ra aijaua;

Jeremaia 9:1

EK merit alupas ainyak mika yi idivaig inwai yah nidjinik, um idivaig nimtanwai nidiimtak, mika ki taig ainyak irai iji adiat im niji epig, vai ilpu atimi eris atgei u inhalav atahig u nup urau pece unyak!

Jeremaia 9:2

Ek merit alupas ainyak mika yi eteuc irak niim uricai an namasacen par atumop iran; mika ki udei ilpu atimi unyak ainyak, um apan au taka uarin! vaig inig nikavaig, era ilpu atimi ago ingeijid ara asega; um ilpu atimi efaifa.

Niji tas taigtai 3:42

Ecra mun ago nedo acalacal aijama um imipalea: na mun eti ohpodohpod nedo has unyima aiek.

Esikiel 22:11

Et mun ago nedo er amcel vaig iramia tah ra ehele ehgai napa o un; et mun lep ago ingeijid iramia tah ra ehele ehgai inhal o un; et mun lep ago nedo has iramia tah ra ehele natahig iran, inhalav atahig u etman: era mun ago nedo iji igki ara asega, athi um athi ehni.

Hosia 11:8

Ak nup Ifreem, ekpu atcijaig caua ainyak um uauo? ak nup Isreel, ekpu atcijaig caua ainyak um uauo ek auanehvago iramia ainyak yi idivaig irai nup Atma? ekpu ehvikni caua ainyak yi idivaig nup u Siboem? et taigtaig inliinmopok ainyak vai caua, et esjilid naiheuc unyak vai caua.

Hosia 13:6

Eris geije ara va nitai caig alupas kis alaa ra ainyak; eris geije ara ja is par ijinies inliinmopora ara; va nitai inigki eris ahnag irak ara.

Hosia 4:2

Et eti eteuc nedo et eche ehele ra, nikavaig, era asan tas inig ache ara et itap, um asan tas ahcil, um atgei atimi, um ehnegitai, um ago ingeijid, era lep ago nedo ipjin ara, um atgei jipe ra.

Hosia 7:4

Era ago ingeijid ara asega; era idivaig stov ara, et ika a natimi ahen nareto yi ehri; inyi eti lep ago upene incap aien, eh wat aplamud ehni flaur, um yetpan au nopan iyehki etpu aridjai asega.

Levitikus 20:10

El et ago ingeijid tah natimi ehele ehgan tah, uhmu idim atgei natamaig inig im intakata inig, erau mun ago ingeijid arau.

Emos 8:14

Erupu eropropse um eti lep atidai ara sji igki, era asig yi aktit intas ara va natmas has u nup u Sameria, um ika, Ak nup u Tan, et umoh a natmas unyimia; um lep ika, Et idim umoh a natmas u nup u Biersiba.

Sefanaia 1:5

im lep ra sji ig era alaigaheni ara vai niji itai an nohatag an nijintin eom ura; im lep ra sij ig era alaigaheni vai Ihova ara um asig yi aktit intas vai yin, um lep asig yi aktit intas vai Molok;

Malakai 3:5

Et ika a Ihova esjilid acen; Ekpu apam ubutpotet ehelemia ainyak par aru iramia; ekpu auroauro ainyak um asuptecnaig vai nedo o ilpu atimi araces, im ilpu atimi ago ingeijid, im ilpu atimi asig yi aktit intas jam ahcil, im lep vai ilpu atimi iji ig era ehtipidai ilpu aheca ura ara va nimtan, im ilpu takata iji ig eris emesmas a ilpu atamnyu ura, im ilpu umnij, im lep vai ra era eti ago nedo atoh vai nup urai taka pece, um eti imtitaig nyak.

1 Nupu Korindus 6:9

Eka idim ato aijaua, mika eri ti apan an nelcau o Atua a ilpu atimi auatatimi: akumu jim efaifa vai caua aijaua: eri idim eti apan an nelcau o Atua a ilpu atimi ago nedo has, im ilpu atimi alaigaheni vai ilpu atmas, im ilpu atimi ago ingaijid, im ilpu atimi ahilek nedo has, im ilpu atimi auarobotpotedo,

1 Nupu Korindus 8:4

Vai inhegaigvaig nitai iji eigki er ahlap iran vai ilpu atmas, inta ato akaija mika et tup takitai natmas an nobohtan, et idim eteuc a Atua et ethi ache, um eti lep eteuc tah.

Nupu Calesya 4:8

Im lep ineig, an naopan iyehki akis wat eti ato Atua aijaua, akis aheca ura aijaua era idim eti atua ara.

Tyuteronome 32:15

Ja eris hag a ilpu mapoi Jekob, eris lep geije ara; is lep alupas nohui nup u Jesurun, eris lep atgeig pan itac neduora ara: is alupas nohura ara, eris emda ara, um geije; eris udei Atua inig ara is ago ra aien, um amcel vaig Inhehteuc inig is imiatamai ra aien.

Tyuteronome 32:21

Eris atupun nedemda unyak ara vai nitai inig et eti Atua; eris auahas inliinmopok ara vai ilpu atmas ura: ekpu lep ika ainyak eri auatitai va atimi era takitai ara; ekpu lep auahas inliinmopora ainyak vai ilpu atimi ahnag.

Ilpu Hibru 13:4

Etmu upene natmehgan unyimia an niji itai asega, um jim ago ingaijid: etpu idim aru nedo o ilpu atimi acitak a Atua, im ilpu atimi ago ingaijid.

Jakobus 4:4

Ak ilpu atamaig im ilpu takata ago ingaijid, eka idim ato aijaua, nikavaig, nedemda vai Atua neigki, naiyu u inliinmopja va nobohtan; aien et ika aien yi aiyu inliinmopon va nobohtan, et atimi tak atimi vai Atua aien.

Josua 23:7

va aki jim tup ethi ache pan irai up urai pece iji igki aijaua era amen ehelemia ara; um jim anvi nidai ilpu atmas ura, um jim asan tas aktit unyimia vai ra, um jim aheca ura, um jim atpuse an nuhup ura: