Jeremaia 5:6 - Intas Etipup

⁶ Va nitai inigki etpu atgei ra laion ahes an nesei, etpu atoraliak itai ura a kuri aleg an namasacen, etpu imiiris niji maliyum ura a lepart: uhpu ces yi oplecoplec ra asega erupu apan itac ara: vaig inig nikavaig, et ahinag nedo imipalea ura, et lep esjilid nedo has ura.

Jeremaia 5:6 Iomraidhean Croise

2 Niji Tas Eled 36:14

Im lep inig, eris ago nedo has is ahinag a ilpu atimi esjilid asega irai ilpu atimi ahlap, im lep ira atimi, is idivaig nedo asega u ilpu atimi apat er amcel vaig: um auahas neom u Ihova is imiitap aien Jerusalem.

Esra 10:10

Is atidai a Esra natimi ahlap, um ika ehele ra, Akis ahnag aijaua, um lucsei ilpu takata irai pece ehgamia, et lep esjilid nedo ahnag u nup Isreel vaig.

Esra 9:6

um ika, Ak Atua unyak, ek ehcamai ainyak um imtitaig neas jipan vaig au nesganimtak ehelum, ak Atua unyak: et ahinag nedo has unyima um ataluopni pam cama, et lep aridjipan an nohatag nedo has unyima.

Nitaasviitai u Job 10:16

Na ahau nyak aiek et idivaig laion; na adumoij pam aiek um ago nedo imiali irak.

Saam 104:20

Na ago napat aiek, et um epig: era edo sjipe iran niji itai eklim edo irai pece aleg asega.

Saam 80:13

Era auahas iran niji picad aleg et ahes an nese, era lep caig niji itai eklim edo irai pece aleg.

Aiseya 1:23

era atimi imipalea a ilpu atimi alupas unyum; era atau imi ilpu atimi atoraliak itai ara; era merit va niji itai tup ahtai ara asega, um ahilek nimtan: era eti imiatamaig ilpu umnij ara, et eti yetpan ira ra jutas ugyi ra u ilpu takata iji ig era emesmas a ilpu atumnyura.

Aiseya 59:12

Et ahinag acen nauatatimi unyima an nuhup unyum, et asuptecnaig vai cama nedo has unyima: et idim amen ehelema nauatatimi unyima; ecra lep ato nedo has unyima aijama;

Jeremaia 14:7

Ak Ihova, et idim asuptecnaig vai cama nedo has unyima, ja namu ago nitai inigki aiek va nidam ache: ecra mun ecahinag adumoij pan aijama; ecra mun ago nedo has vai euc aijama.

Jeremaia 2:15

Eris aunyauwaig vai yin niji laion takuras, is ijinies nohrara, eris mun auahas inpece o un: eris mun atnamud niji maliyum o un, et eti amen iran tah natimi.

Jeremaia 2:17

Era mun ago nedo inigki vai euc ara, vaig inig nikavaig, as mun udei Ihova Atua unyum aiek, is wat atau iram an nikman aien an nefalaig.

Jeremaia 2:19

Napu lucsei nohocred aiek va nedo has unyum, mika an ato nadumoij pan unyum aiek: et ika a Ihova Natimarid esjilid acen, Namu ato aiek um ecetai mika et itai has um acen, mika na mun udei Ihova Atua unyum aiek, im lep mika na eti imtitai nyak aiek.

Jeremaia 2:31

Ak ilpu atimi an nopan inig, akumu aktaktai intas o Ihova aijaua. Ek mun idim eti idivaig namasacen ainyak vai nup Isreel, um eti idivaig inpece u napat; eris idim ika a ilpu atimi unyak van he, Ecra ilpu atimi alupas aijama, ecrupu eti lep adumoij pam ehelum aijama?

Jeremaia 25:38

Et mun udei nuarin atpuh iran aien, et idivaig laion: et idim umaruma inpece ura va nedemda u natimi ehcerucai ra, im lep vai intavaitap alupas o un.

Jeremaia 30:14

Era mun ahnag iram a ilpu apa unyum asega; era eti ahodai euc ara; ek mun ahcai euc ainyak et idivaig nedo o natimi tak atimi iram, ek mun aredei euc ainyak et idivaig nedo o natimi edemda vai euc, vaig inig nikavaig, et ahinag acen nedo has unyum; et lep alupas acen nauatatimi unyum.

Jeremaia 30:15

Na a uri aiek par taig vai nuarin opapig iram? et ehka par ago upene nuarin opapig iram, ek mun ago nedo inigki vai euc ainyak, vaig inig nikavaig, et ahinag acen nedo has unyum; et lep alupas acen nauatatimi unyum.

Jeremaia 30:24

Etpu eti adumoij pam intavaitap ere u Ihova, um yetpan an nopan iyehki etpu ago ehni aien, um atiid naktaktai u inliinmopon: an nopan apitac akupu ato aijaua.

Jeremaia 4:7

Et mun ahes anliin tucjip laion um ehcohos pam, et atga an nefalaig a natimi auahas nup urai iji pece; et mun ahes an nuarin o un aien, mika yi auahas inpece unyimia; uhpu alcapdicraig niji maliyum unyimia, mika yi jim amen iran tah natimi.

Jeremaia 49:19

Akumu ato aijaua mika, etpu aridjipam aien et idivaig laion et wat ahes an nuarin ahgarero nofowai Jortan aien, um aat an nuarin amen iran u ilpu atimi emda; ja ekpu ika ainyak yi fi auroauro aien um aat iran: ja et atimi esjilid a di mika yi imiaras ra? Et idivaig nyak a di? etpu tas alep ehelek a di? im lep natimi asgi siip yek eda et emda aien par imiisjis ehelek?

Jeremaia 8:5

Era a uri a nup u Jerusalem par adumoij pan? era adumoij pan ara um imiisjis; era apol aktit an nedo efaifa ara, era mun esjum ara par adumoij pam.

Jeremaia 8:7

Maiya, et ato nopan o un inman an nohatag; et aminjinaig nopan napam o un inhop-paig im nohopcap im nije; ja era eti ato neruvaig atoh u Ihova a ilpu atimi unyak.

Niji tas taigtai 1:5

Era esjilid ira ra a ilpu atimi; edemda vai ra, era amen upene a ilpu atimi tak atimi ira ra; vaig; inig nikavaig, et mun auoh ohocred ra a Ihova va nedo has et ahinag ura: era mun imiapan ilpu hal ura an taka pece a ilpu atimi tak atimi ira ra.

Esikiel 16:25

As uctaig nuarin itap unyum aiek irai iji ihtag u efalaig asega, as ago aiek et uce, um ika eri amcel vaig neklim upene u nesganimtam, as ika aiek eri ago nedo has ehelum ara asega as ecet ra aiek um ika yi ahinag ingeijid unyum.

Esikiel 22:27

Era idivaig kuri aleg era wat ces yi oplecoplec nitai caig incara a ilpu atimi alupas era amen iramia mika eri atgei atmas, um auahas atimi, mika eri atoraliak itai ara um lucsei imi ra.

Esikiel 23:19

Ja is ecahinag ago ingeijid aien, is wat imiehva intakuras atahig o un aien, is wat ago ingeijid aien an pece Ijipt.

Taniel 7:4

Is idivaig laion nitai aleg uhup, is eteuc iran nehpai meijcop alupas: kis yasyas ainyak um almoi mika eris atgeig yi amud nehpan ehro, eris lep alcacsei jai yin ijinies an uobohtan, eris um ika yi atidai jai um idivaig natimi, eris lep alupai yin inliinmopoi atimi.

Taniel 7:6

Kis par apitac ainyak um yasyas, um lep ecetai nitai aleg is eche is idivaig pander aien, is eteuc nehpai man is for an cehen; is lep for nidjini nitai aleg iyehki; eris um ika yi atimarid aieu.

Hosia 5:14

Ekpu idivaig laion ainyak vai nup Ifreem, um idivaig laion tupko vai nup u Juta: ekpu ces yi oplecoplec ra ainyak, idim ainyak, ja par atga unyak; ekpu iknipagki ra ainyak, ja inyi eti imialep ra tah.

Habakuk 1:8

Et lep esjilid nathut u hors ura irai pander, um esjilid nedo ipjin ura irai kuri aleg an jupura: era apaahni an nobohtan a ilpu eucsupo ura era ateuc irai hors ara, era lep ahes itac acen um apam a ilpu eucsupo ura era ateuc irai hors ara; era auroauro ara et idivaig inmeijcop alupas et wat aepan aien mika yi hag.

Sefanaia 3:3

Era idivaig laion aunyauwaig a ilpu atimi alupas ura era amen ehelen ara; era idivaig kuri aleg irai iji jupura a ilpu atimi tas alep ura; era eti ehtoplecoplec niji eduei itai an nuhialeg.

Numera 32:14

Ja eka mun atidai aijaua, um isjeupigmoig ilpu retpomia an nauatatimi ura, mika yi lep esjilid intavaitap u Ihova vai nup Isreel.

Nitai ehvaig 13:2

is idivaig lepart nitai aleg… kis ecetai ainyak, is idivaig n… ber neduon, um idivaig nipjin… laion nipjineucsen: is alupai… nemda o un a nimyiv, im nitai ate o un, im natimi alupas esjilid.