Jeremaia 5:5 - Intas Etipup

⁵ Ekpu apan ehele ilpu atimi alupas ainyak, um tas ehele ra; vaig inig nikavaig, era mun ato nedo o Ihova ara, im nedo atoh o Atua ura: ja era mun ehrahtasvi ehni nitai ahelwei ura ara sji igki, um asjamud niji itai arore ra.

Jeremaia 5:5 Iomraidhean Croise

2 Niji Tas Eled 36:14

Im lep inig, eris ago nedo has is ahinag a ilpu atimi esjilid asega irai ilpu atimi ahlap, im lep ira atimi, is idivaig nedo asega u ilpu atimi apat er amcel vaig: um auahas neom u Ihova is imiitap aien Jerusalem.

Eksotus 32:25

Is wat almoi nedo ahnag u atimi a Moses; is idim imiahnag ra a Eron, va erupu asan tas has vai ra a ilpu atimi tak atimi ira ra:

Aiseya 1:23

era atimi imipalea a ilpu atimi alupas unyum; era atau imi ilpu atimi atoraliak itai ara; era merit va niji itai tup ahtai ara asega, um ahilek nimtan: era eti imiatamaig ilpu umnij ara, et eti yetpan ira ra jutas ugyi ra u ilpu takata iji ig era emesmas a ilpu atumnyura.

Jeremaia 2:20

Kis ahtasvi nitai ahelwei unyum ainyak itu acen, um asjamud niji itai arore euc; as lep ika aiek, Inki eti imipalea ainyak; ja na mun ahnag aiek, um ago ingeijid irai iji edoon ijinies asega im lep ithai iji cai mat asega.

Jeremaia 2:31

Ak ilpu atimi an nopan inig, akumu aktaktai intas o Ihova aijaua. Ek mun idim eti idivaig namasacen ainyak vai nup Isreel, um eti idivaig inpece u napat; eris idim ika a ilpu atimi unyak van he, Ecra ilpu atimi alupas aijama, ecrupu eti lep adumoij pam ehelum aijama?

Jeremaia 30:14

Era mun ahnag iram a ilpu apa unyum asega; era eti ahodai euc ara; ek mun ahcai euc ainyak et idivaig nedo o natimi tak atimi iram, ek mun aredei euc ainyak et idivaig nedo o natimi edemda vai euc, vaig inig nikavaig, et ahinag acen nedo has unyum; et lep alupas acen nauatatimi unyum.

Jeremaia 6:13

Era idim aktaktai alupas niji itai an nobohtan ara asega, ilpu atimi alupas im lep tup natimi; era lep ago nedo efaifa ara asega, ilpu profeta im ilpu atimi ahlap.

Jeremaia 8:7

Maiya, et ato nopan o un inman an nohatag; et aminjinaig nopan napam o un inhop-paig im nohopcap im nije; ja era eti ato neruvaig atoh u Ihova a ilpu atimi unyak.

Jeremaia 9:3

Et imrig intas an nipjineucsera ara, era atcijaig ara et idivaig nefana; era eti emda ara vai intas inveijec an nobohtan; et ika a Ihova, Et auatai elvalupas nedo has ura, era eti ato nyak ara.

Esikiel 11:2

Is ika ehelek aien, Ak inhal u natimi, Natimi ji igki era anacanac nedo acalacal ara, um tastas jipe mika eri ago nedo has an maliyum inigki:

Emos 4:1

AKUMU atahaijeg intas inigki aijaua, ak ilpu atimi alupas, eka idivaig niji kurimatau atahig an pece Besan aijaua, eka amen an nedoon Sameria aijaua, eka ehcerucai ilpu ihki atimi aijaua, um auahas ra sji igki et ti nitai ura, eka ika aijaua ehele natimarid unyimia, Leh pam waina aiek, mika ti umnyi akaija.

Emos 6:1

KAIHEUC vai ra era tup eklim amen ara an nedoon Saion, im lep ra era ika ara era amen upene an nedoon Sameria ara, era ilpu atimi alupas irai nup urai pece esjilid ara, era yetpam ehele ra a nup Isreel!

Maika 3:11

Era tas alep a ilpu atimi alupas iran va nimtan, era esege imi atimi a ilpu atimi ahlap iran va naga, era ahidan tas a ilpu profeta iran vai mune: ja era lep asgeig irai Ihova ara, um ika, Et idim amen eheleija a Ihova; inyi eti yetpam iraija tah nohocred.

Malakai 2:7

Eris idim ika eri aminjinaig intas arapakau a ilpu atimi ahlap, erupu ahodai intas alep irai ipjieucsera natimi: era ilpu atimi ehcid u Ihova esjilid acen ara, par asaig intas o un ehele atimi.

Lukas 18:24

Is wat almoi a Iesu, nikavaig, is taigtaig alupas aien, is ika aien, Et ehka va atimi iji eig era ikni itai ara napanvaig an nelcau o Atua!

Lukas 19:14

Eris edemda vai yin a nup uran pece o un, um abrai atimi mika eri apitac yin, um ika, Ecra esjum aijama, nikavaig, yi atimarid an pece unyima natimi ineigki.