Jeremaia 5:3 - Intas Etipup

³ Ak Ihova, na mun idim ati nesganimtam aiek irai ra sji igki era ago nedo inveijec ara; na mun aredei ra aiek, ja era mun eti taigtaig ara; na mun auahas ra aiek, ja era ika ara eri eti leh nesege unyum ara: era mun ago ipjin nesganimtara ara um esjilid an nij; era ika ara eri eti adumoij pam ara.

Jeremaia 5:3 Iomraidhean Croise

Jenesis 19:34

Is wat lahlah an tak apnyin, is ika a inmeto ehele inharei, Ek mun idim amen ainyak ehele etmaijau an nepig iyehki: tu lep aluman waina akaijau an nepig inigki; namu apan aiek, um amen ehelen, mika tu asvalav vai etmaijau akaijau.

1 Ilpu Atimarid 13:33

Is ti pan itac nitai inigki, ja is eti udei nedo ahnag o un a Jeroboam, ja is ikni tup atimi aien mika eri ilpu atimi ahlap ara irai iji uarin itap: is wat merit tah is ati yin aien, mika yi atimi ahlap aien irai iji uarin itap.

2 Ilpu Atimarid 1:13

Is eceseij abraig pan natimi alupas irai natimi is fifte aien, im natimi is fifte o un ehelen. Is aridjai a natimi alupas dirt iyehki irai natimi is fifte, um apan um atpuse an nuhup u Elaija, um ugyi yin, um ika ehelen, Ak natimi u Atua, Aiheuc vai nyak aiek, um ika ki umoh ainyak, im lep ilpu aheca unyum et fifte iji igki.

2 Niji Tas Eled 16:9

Et aes jipe nesganimtai Ihova an nobohtan asega, par atau imi ra et upene inliinmopora ara vai yin. As ago nedo ahnag aiek an nedo unyum inigki: va nitai inigki etpu eteuc nedoa vai euc.

2 Niji Tas Eled 28:22

Is lep esjilid nedo has o un vai Ihova an nopan ohocred o un: Ehas natimarid nigki.

Saam 51:6

Nai idim merit va nedo inveijec aiek an liinmopoi atimi: va nitai inigki, napu esege imtak narapakau aiek an liinmopok.

Saam 51:8

Napu ika aiek ki ato nimiacitak ainyak im incediaig; etpu imiacitak niji eduok as auoh oplecoplec aiek.

Saam 55:20

Et mun atgeig yi apidi nikman aien vai ra eris atau imi yin ara: et mun imipalea intas etipup u Atua aien.

Niji tas Arapakau 21:29

Aien et imtedoa nesganimtan aien, et atimi auatatimi aien: ja et aktaktai nedo o un a natimi upene.

Niji tas Arapakau 22:12

Et aminjinaig ilpu atimi ato itai a Ihova; ja etpu auahas ilpu atimi tas efaifa aien.

Niji tas Arapakau 23:35

Et ika aien, Era mun abli nyak ara, ja ek eti emehe ainyak; era mun aredei nyak ara, ja ek eti ahgei ainyak: eku wit aiji lahlah ainyak, ekpu aketo ainyak um ahilek waina.

Niji tas Arapakau 27:22

El et etcei natimi ahnag aiek an nauincai an nipjinitai pan irai korn, etpu eti udei nedo ahnag o un aien.

Aiseya 26:11

Ak Ihova, na adan nikmam aiek, erupu esjum ara par almoi: ja erupu almoi nemda unyum vai ilpu atimi unyum ara, um ehcamai vaig; maiya, etpu auahas ra incap u ilpu atimi tak atimi iram.

Aiseya 42:25

Is atladwi ira ra nedemda esjilid o un aien, is lep ati nedoa aien eris ohocred vaig: eris ahli ra marehed mihtag, ja eris eti ato ara; eris atnamud ra, ja erupu eti aktaktai an liinmopora ara.

Aiseya 48:4

Ek idim ato ainyak mika eka imiisjisitai aijaua, et idivaig inwau aiurn nauinwamia, um idivaig bras nipjinimtamia;

Aiseya 9:13

Era mun eti adumoij pam natimi ehelen et auud ra aien, era mun eti lep ahilek Ihova esjilid acen ara.

Jeremaia 15:7

Ekpu idim imiterimterim ra ainyak irai ilpui pece ura; ekpu atgei ilpu hal ura ainyak, ekpu auahas ilpu atimi unyak ainyak, vaig inig nikavaig, era eti adumoij pam an nedo ura ara.

Jeremaia 17:23

Ja eris eti atahaijeg ara, um eti atgeig pam intikgara; eris ago ipjin nauinwara ara, mika eri eti atahaijeg ara, um lep mika eri eti leh nesege imi ra.

Jeremaia 19:15

Et ika a Ihova esjilid acen. Atua u nup Isreel; Akumu ato aijaua mika, ekpu imiapam ainyak an maliyum inigki, im lep irai iji maliyum asega iran, nitai has asega inig kis asuptecnaig vaig ainyak, vaig inig nikavaig, era mun ago ipjin nauinwara ara, mika eri jim atahaijeg intas unyak ara.

Jeremaia 2:30

Ek mun aredei ilpu hal unyimia ainyak, ja et takitai; era mun eti leh nacaiji ra unyak ara: eka mun atgei ilpu profeta unyimia aijaua irai auitoga unyimia, et idivaig laion et auahas atimi.

Jeremaia 3:3

Va nitai inigki et mun eti ehe, et mun lep eti asuol incopda apitac; ja et eteuc; ehelum nesganimtai intakata ago ingeijid, na mun imiisjis aiek, et ehka vai euc mika an ehcamai aiek.

Jeremaia 32:19

et esjilid intas anacanac unyum, et lep ahinag acen niji auritai unyum: na almaijidjid nedo o atimi asega aiek, mika an aru et idivaig nedo ura asega, um idivaig nauritai iji ig era ago ara, athi um athi ehni:

Jeremaia 35:13

Et ika a Ihova esjilid acen, Atua u nup Isreel; Namu apan aiek um ika ehele nup u Juta im ilpu atimi amen Jerusalem, Et ika a Ihova, Eka esjum aijaua van he par leh nesege um atahaijeg intas unyak?

Jeremaia 44:10

Et mun eti upoupo inliinmopora ara um yetpam an nopan inig, era mun eti ecen vai nyak ara, um eti imiaiji intas alep unyak, im intas unyak iji ig kis ikni ainyak an nuhup unyimia, im lep an nuhup u ilpu retpomia.

Jeremaia 7:26

ja eris eti atahaijeg intas unyak ara, um eti atgeig pam intikgara, eris idim ago ipjin nauinwara ara: is esjilid nedo has ura irai nedo has u ilpu retpora.

Jeremaia 7:28

Va nitai inigki namu ika aiek ehele ra, Era mun eti atahaijeg intas o Ihova Atua ura a ilpu atimi amen an pece inig, um eti leh nacaiji ra: et mun tiih intas inveijec, et ti irai ipjineucsera.

Jeremaia 8:5

Era a uri a nup u Jerusalem par adumoij pan? era adumoij pan ara um imiisjis; era apol aktit an nedo efaifa ara, era mun esjum ara par adumoij pam.

Esikiel 2:4

Era ilpu atimi et acen nesganimtara ara, et lep ipjin inliinmopora, ja ek abrai euc ainyak mika an apan ehele ra; namu ika ehele ra aiek, Et uce intas o Natimarid Ihova.

Esikiel 24:13

Et has esjilid ingeijid unyimia: vaig inig nikavaig, kis ika ainyak ki ago adicinadicin caua, akis has ache aijaua, uhpu eti lep ago adicinadicin caua van has iramia, um yetpan an nopan iyehki ekpu ika ainyak yi amen iramia intavaitap unyak.

Taniel 9:13

Et mun yetpam irama nohocred asega inigki, et idivaig intas iyehki eris aged an tas alep u Moses: ja ecra mun eti alaigaheni aijama an nuhup u Ihova Atua unyima, mika ecri atidjima irai edo has unyima, um ato intas inveijec unyum.

Levitikus 26:23

Ja el eka eti adumoij irai efalaig has unyimia aijaua vai nyak va nitai iji igki unyak, jam imiisjisitai ehelek;

Emos 4:10

Kis ati nemehe alupas vai caua ainyak is idivaig nemehe iyehki an pece Ijipt: kis atgei ilpu takuras unyimia ainyak an nedoa, um iknipagki niji hors unyimia; kis ika ainyak aki ahgei nauanipin has u imnim u ilpu eucsupo unyimia: ja et ika a Ihova, Eka mun eti adumoij pam ehelek aijaua.

Emos 4:11

Kis auahas hal caua ainyak, et idivaig is auahas nup u Sotom im nup u Comora a Atua, akis idivaig nisincai aijaua eris ati ubos: ja et ika a Ihova, Eka mun eti adumoij pam ehelek aijaua.

Emos 4:6

Ek mun ati vai caua nauanadiat ainyak irai maliyum asega unyimia, im lep numlaig has irai uari pece asega unyimia: ja et ika a Ihova, Eka mun eti adumoij pam ehelek aijaua.

Emos 4:8

Eris apan a nup uran maliyum is ero ka is eseij an maliyum is ethi, eris unmyi wai eahki ara, jam eti ehgin wai ara: ja et ika a Ihova; Eka mun eti adumoij pam ehelek aijaua.

Emos 4:9

Kis auahas caua ainyak an memid u itai im nimlai u itai: eris caig niji ahapol unyimia, im niji vaine unyimia, im niji ateg unyimia, im niji oliv unyimia, niji pak irai heled: ja et ika a Ihova, Eka mun eti adumoij pam ehelek aijaua.

Sefanaia 3:7

Kis ika ainyak, Akumu idim imtitaig nyak aijaua, um leh upene intas esege imi caua, par eti auahas nuarin inig eka amen iran aijaua, et idivaig intas iyehki kis upyi asig yi aktit vai caua ainyak: ja eris auroauro ara um atidai an nuhialeg, um ika yi has niji auritai asega eris ago ara.

Nupu Roma 2:2

Ja inta ato akaija, nikavaig, et atoh neruvaig o Atua imi ra sji eigki era ago nitai iji eigki ara.

Ilpu Hibru 12:9

Im lep ineig, eris ated caija a ilpu etmai ohuja, intis eccen vai ra akaija; et idim ucco, intumu emda akaija par imyiaiji intas o Etmai esgaija, par umumoh: