Jeremaia 5:2 - Intas Etipup

² El era idim ika ara, Et idim umoh a Ihova; ja era mun asig yi aktit intas efaifa ara.

Jeremaia 5:2 Iomraidhean Croise

Aiseya 48:1

AKUMU atahaijeg intas inigki aijaua, ak ilpu mapoi Jekob, ilpu atimi er anvi nidamia par ika nup Isreel, eris ahes irai wai Juta ara, era asig yi aktit intas an nidai Ihova ara, um aniv Atua u nup Isreel, jam eti an tas inveijec, um eti an nedo atoh.

Jeremaia 4:2

Akumu lep asig yi aktit intas aijaua, um ika, Et umoh a Ihova, an tas inveijec, im lep an nedo atoh, im lep an nedo upene; erupu lep asan tas acis yi alwai ra iran a nup urai iji pece, erupu lep imiahpas ra iran ara.

Jeremaia 44:26

Va nitai inigki akumu atahaijeg intas o Ihova aijaua, ak nup u Juta asega eka amen an pece Ijipt aijaua; et ika a Ihova, Akumu ato aijaua mika, ek mun asig yi aktit intas ainyak vai nidak alupas, um ika etpu eti lep aniv nidak tah nup u Juta an pece Ijipt asega, um ika, Et umoh a Ihova Natimarid.

Jeremaia 7:9

Eka idim ehnegitai aijaua, um atgei atmas, um ago ingeijid, um asig yi aktit intas ahcil, um atnamud nitai auanipin upene vai Beal, um apitac ilpu atmas u nup urai taka pece eka eti ato ra aijaua;

Jeremaia 9:2

Ek merit alupas ainyak mika yi eteuc irak niim uricai an namasacen par atumop iran; mika ki udei ilpu atimi unyak ainyak, um apan au taka uarin! vaig inig nikavaig, era ilpu atimi ago ingeijid ara asega; um ilpu atimi efaifa.

Hosia 10:4

Era wat asig yi aktit intas ura ara, era asaig tup intas ara; era wat asaig intas etipup ura ara, era asaig intas ahcil ara: va nitai inigki et ehcohos jai neruvaig et idivaig incai acen irai apuke an nahapol.

Hosia 4:15

Ak nup Isreel, el eka ago ingeijid aijaua, ja erumu jim ago nedo has a nup u Juta; um jim apam an maliyum Cilcal aijaua, um jim aridjipan an maliyum Bedeven, um jim asaig intas aktit unyimia, um ika, Et umoh a Ihova.

Levitikus 19:12

um jim asan tas aktit, ahcil an nidak, um jim tup asaig nidai Atua unyimia: ek Ihova ainyak.

Sefanaia 1:5

im lep ra sji ig era alaigaheni ara vai niji itai an nohatag an nijintin eom ura; im lep ra sij ig era alaigaheni vai Ihova ara um asig yi aktit intas vai yin, um lep asig yi aktit intas vai Molok;

Malakai 3:5

Et ika a Ihova esjilid acen; Ekpu apam ubutpotet ehelemia ainyak par aru iramia; ekpu auroauro ainyak um asuptecnaig vai nedo o ilpu atimi araces, im ilpu atimi ago ingeijid, im ilpu atimi asig yi aktit intas jam ahcil, im lep vai ilpu atimi iji ig era ehtipidai ilpu aheca ura ara va nimtan, im ilpu takata iji ig eris emesmas a ilpu atamnyu ura, im ilpu umnij, im lep vai ra era eti ago nedo atoh vai nup urai taka pece, um eti imtitaig nyak.

1 Timodeus 1:10

im ilpu atimi ago ingaijid, im ilpu atimi auarobotpotedo, im ilpu atimi ahneg atimi, im ilpu atimi asan tas ahcil, im ilpu atimi asan tas efaifa, im lep nedo asega et eche an nesege inivaijec;

2 Timodeus 3:5

um alaigaheni an nipjineucsera, jam ateri nemda o un: ude ra sji eigki aiek.

Taitus 1:16

Era ika ara era ato Atua, jam ateri yin an nedo ura; era ilpu atimi auatatimi ara, um ilpu atimi imyipalea, um auatialidi nagovaig tah nauritai upene.