Jeremaia 5:12 - Intas Etipup

¹² Eris ateri Ihova ara, um ika, Et ti aien; inyi eti yetpam irama nitai has; ecrupu idim eti ecetai nedoa ka numlaig has aijama:

Jeremaia 5:12 Iomraidhean Croise

2 Niji Tas Eled 36:16

ja eris imiafakahcil ilpu atimi is abraig pan ra a Atua ara, um amcel van tas o un, um ago nedo has vai ilpu profeta o un, um imihum pan an nopan yehki is ehcohos intavaitap u Ihova vai ilpu atimi o un, is lep eti eteuc nitai imiatamaig ra.

Saam 10:6

Era aktaktai an liinmopora ara, um ika, Intupu eti amaamai akaija: inyi eti yetpam iraija tah nohocred nai iji mesese.

Saam 14:1

ET mun ika an liinmopon a natimi inig et ahnag aien, Et ti tah Atua. Era has esjilid ara; era ago nedo er amcelvaig ara; et eti ago nedo upene tah.

Niji tas Arapakau 30:9

vai ki jim geije ainyak, um ateri euc, um ika, Ihova nigki a di? ka vai ki jim ihkin natimi ainyak, um ehnegitai, um tup auahas nidai Atua unyak.

Jeremaia 14:22

Et idim eti emda tah irai ilpu atmas era alaigaheni vaig a ilpu atimi apat par ika yi ehe; et idim eti tup ispun ahes an nohatag incopda; na idim Atua aiek, ak Ihova Atua unyima; va nitai inigki ecrupu asgeig iram aijama: na mun idim ago nitai iji igki asega aiek.

Jeremaia 2:6

Eris eti ika ara, Ihova yek eda, aien aigki is imiaridjipam caija aien ahes an pece Ijipt, is atau iraija aien an namasacen, an pece iyehki is ti inwai iran, is amen nehpaiitai iran, an pece iyehki eris ahvig wai iran, an pece u nalmun mas, an pece iyehki is eti ahced iran tah natimi, is lep eti amen iran tah natimi?

Jeremaia 28:4

et ika a Ihova, Ekpu imiadumoij pam ainyak an nuarin inigki Jekonaia inhal u Jehoiakim natimarid an pece Juta, im lep nup u Juta asega, eris arore ra um imiapan ra Babelon: ekpu idim ahtasvi nasore u natimarid an pece Babelon ainyak.

Jeremaia 4:10

Kis um ika ainyak, Awe! ak Ihova Natimarid, na mun idim ika aiek eri ahnag esjilid a nup igcaki im lep nup u Jerusalem; eris ika a ilpu profeta efaifa, Akupu amen igpa aijaua; ja uhpu atgei atimi an nedoa.

Jeremaia 43:1

IS wat asaig ehni a Jeremaia ehele atimi asega intas asega o Ihova Atua ura, is abraig pan yin vaig ehele ra a Ihova Atua ura, intas asega iji igki marom,

Jeremaia 5:31

Era mun asuptecnaig intas ahcil a ilpu profeta, era mun atau ira ra a ilpu atimi ahlap; era lep merit vai nedo inigki a ilpu atimi unvak: ja aki ago inhe aijaua an nehni o un?

Jeremaia 6:14

Era mun auahotai has an mocop irai inhalav atahig u ilpu atimi unyak ara; era ika ara, Et igpa, et igpa; et wat eti eteuc nigpa.

Esikiel 13:6

Era mun ecetai intakitai ara, um ago nedo ahcil u ilpu atimi itap, um ika, Et ika a Ihova: ja et mun eti abraig pan ra a Ihova: era mun lep aktaktai ara mika eri ehneijid intas ura.

Maika 2:11

El et imiisjis intakitai tah natimi um asan tas ahcil par imiahnag atimi vaig, um ika, Ekpu ahidan tas ehelemia ainyak vai waina im kava; etpu ahidan tas aien ehele atimi iji igki.

Maika 3:11

Era tas alep a ilpu atimi alupas iran va nimtan, era esege imi atimi a ilpu atimi ahlap iran va naga, era ahidan tas a ilpu profeta iran vai mune: ja era lep asgeig irai Ihova ara, um ika, Et idim amen eheleija a Ihova; inyi eti yetpam iraija tah nohocred.

Tyuteronome 29:19

etu wit atahaijeg intas ahlaijaig inigki aien, etpu asan tas upene inliinmopon vai yin aien, um ika, Ekpu amen igpa ainyak, jam ago nitai merit u inliinmopok, um ahvig kava ja par umnyi:

1 Joanes 5:10

Aien et imyiisjis ninivaijec vai Inhal o Atua aien, et amen nitai asuptecnaig anliinmopon: aien et eti imyiisjis ninivaijec vai Atua aien, et ika aien et ahcil aien; et eti imyiisjis ninivaijec aien nasuptecnaig u Atua vai Inhal o un.

1 Samuel 6:9

Akumu almoi aijaua, el et aridjai an nefalaig inig et yetpan an nuarin pece o un Bed-simes, el et ago nitai has esjilid inig vai caija aien: ja el et eti uce, intupu ato akaija is eti auud caija nikman; is uhumato nitai inig eheleija.