Jeremaia 47:7 - Intas Etipup

⁷ Et ehka par atumop, vaig inig nikavaig, et mun ati iran a Ihova vai nup Askelon, im lep vai nup u unjap; et mun ati vai nup eahki aien.

Jeremaia 47:7 Iomraidhean Croise

Aiseya 10:6

Ekpu abrai yin ainyak mika yi apan ehele nup uran nelcau efaifa, im lep ehele ilpu atimi iji ig ek edemda vai ra ainyak; ekpu asaig ehelen ainyak mika yi tup lucsei naga ura an nedoa aien, um atoraliak niji itai ura, um auwihise atimi et idivaig nosal irai efalaig.

Aiseya 13:3

Ek mun tas alep ainyak ehele ilpu atimi iji ig kis ikni ra ainyak, mika eri atau nyak ara vai intavaitap unyak, maiya, ek mun ahlaig vai ilpu atimi emda unyak ainyak, ilpu atimi unyak marom era tas emda ara.

Aiseya 37:26

Na mun atahaijeg aiek, ka oʼo, kis ago ainyak itac acen, kis ati ainyak itu acen? ek mun asaig ainyak an nopan inig, mika an auahas niji maliyum emda aiek, um alcapdicraig, mika yi iji hat ache.

Jeremaia 48:10

Uhmu asan tas ahlaijaig va natimi inig et ago nauritai u Ihova aien jam efaifa, uhmu lep asan tas ahlaijaig va natimi inig et atapnes nij va atimi o un aien vai yi jim atgei atimi.

Esikiel 14:17

Ja el ek ika ainyak eri ati nedoa an pece iyehki, um lep ika yi apaahni nedoa an pece, um auahas ehni atimi iran im lep niji itai eklim edo irai pece:

Esikiel 21:14

Ak inhal u natimi, namu asuptecnaig intas aiek um ahpun nikmam ehro, um imiapam nauitoga, etpu ecero apam, maiya, etpu eceseij, nauitoga u ilpu atimi eris atgei ra iyehki: nauitoga u natimi et ethi, eris lep atgei yin nigki, nauitoga marom u natimi et ethi et esjilid aien, et mun uhum ra.

Esikiel 21:30

Etmu ago ehni nauritai iran nedoa, ekpu aru iramia ainyak an nuarin iyehki eris atupun caua iran, an pece iyehki marom eris apos caua iran.

Esikiel 21:9

Ak inhal u natimi, namu asuptecnaig intas aiek, um ika, Et ika a Ihova; Asaig aiek, Nauitoga! er atineijin nauitoga, um lep ago naunau:

Esikiel 25:16

va nitai inigki et ika a Natimarid Ihova; Akumu ato aijaua mika, ekpu adaigjai nikmak ainyak vai nup u Filistia, um atgei nup u Kired, um auahas ilpu ahri ilpu atimi iji ig era amen u unjap ara.

Emos 3:6

El eh ahlai intoho an tah maliyum, erupu idim imtitaig natimi; el et eteuc nohocred an tah maliyum, et mun idim ati a Ihova.

Maika 6:9

Et yetpam nohrai Ihova ehele nup uran maliyum, etpu ato nidam aieu et arapakau aien: akumu atahaijeg aijaua va nitai aredei caua, im lep yin is ati aien.

1 Samuel 15:3

Namu apan aiek um auud nup Amalek, um auahas ehni niji itai ascga ura; jim itai vai ra, jam atgei ilpu atamaig, im ilpu takata, im ilpu halav, im ilpu hadi, im kurimatau, im siip, im kamela, im togke.