Jeremaia 47:2 - Intas Etipup

² Et ika a Ihova, Etpu idim ahes inwai an pece inig et ahes narutu iran um apam, etpu idivaig inwai yah emda, etpu ahgarero inpece, im niji itai asega amen iran; im inmaliyum, im lep atimi iji ig era amen iran ara: erupu ahlaig a ilpu atamaig, erupu lep aunyauwaig natimi asega era amen an pece ara.

Jeremaia 47:2 Iomraidhean Croise

Saam 24:1

ET ohuun nobohtan a Ihova, im niji itai asega iran; im lep niji pece asega, im natimi amen iran.

Saam 50:12

El et ehtele nyak ainyak, el ek eti asaig ehelemia ainyak: et idim unvak nobohtan, im niji itai asega iran.

Saam 96:11

Etmu imiacitak nohatag, um lep cediaig nobohtan; etmu yia injap, im niji itai asega et amen iran.

Saam 98:7

Etmu yia injap, im niji itai asega iran; im lep nobohtan, im natimi amen iran.

Aiseya 14:31

Aunyauwaig, ak ilpu atimi an neucse nathatahau; ahlaig ijinies, ak nup uran maliyum; eka mun auatialidi aijaua, ak nup u Filistia asega: et ahes an narutu nadran cap um ehcohos pam, et eti melga tah irai ilpu eucsupo o un.

Aiseya 15:8

Vaig inig nikavaig, et ahparehed inpece Moab nehtigtaig ura; er atahaijeg naunyauwaig inigki um yetpan Eclcem, maiya, er atahaijeg naunyauwaig inigki um yetpan Bier-ilim.

Aiseya 22:1

INTAS vai nup uran niskanse ahuumtidec iran nigki. Eka a uri aijaua, mika eka mun aridjipan irai lola eom aijaua asega?

Aiseya 28:17

Ekpu almaijidjid ainyak um ago nedo atoh, et idivaig natimi inig et ati inya im inhat asjaaicnaig aien: etpu ahrei intapin ahcil incopda hat, etpu ahgarero inuarin atpuh iran ura niji wai.

Aiseya 59:19

Erupu imtitai nidai Ihova ara sji igki era ahes an nete o un, um lep imtitai natimi alupas o un ara sji igki era ahes an ridjai u nagesega; etpu idim apam a natimi alupas o un et idivaig inwai yah ehroehro, etpu imiaridjai nitai ahlaig iran a Nesgai Ihova.

Jeremaia 1:14

Is um ika ehelek a Ihova. Etpu ahes narutu nohocred um yetpam ehele atimi asega era amen an pece inigki ara.

Jeremaia 46:12

Era mun ahgei intas va nehcamai unyum a nup urai iji pece, et mun ohua intaig unyum an nobohtan: era mun epihtau a ilpu atimi emda vai ilpu atimi emda era mun ehreropropse ara.

Jeremaia 46:13

Intas inig nigki is asuptecnaig a Ihova ehele Jeremaia naprofeta, va napam u Nebukatnesar natimarid an pece Babelon, mika yi auahas inpece Ijipt aien, nikavaig,

Jeremaia 46:20

Et idivaig kurimatau esjilid inpece Ijipt, ja et ham nitai auahas itai; et ahes an pece inig et ahes narutu iran.

Jeremaia 46:24

Et ehcamai a inhalav atahig u nup Ijipt; eh mun atcijaig yin an nikmai nup uran pece inig et ahes narutu iran.

Jeremaia 48:39

Era mun aunyauwaig ara, um ika, Et echamecha eh mun imiasuol nup u Moab! et echamecha era mun atidjira ara, era mun ehcamai ara! erupu imiafakhcil nup u Moab ara asega era amen ehele ra ara um lep imtitai ra.

Jeremaia 6:22

Et ika a Ihova, Erupu idim, apam a nup uran pece inig et ahes narutu iran, uhpu ahugni nup uran pece alupas an tid an nobohtan.

Jeremaia 8:16

Eris ahgei nohran gidgei hors o un an maliyum Tan: eris wat ahgei ilmu niji hors emda o un, eris eucjeucjeucaij a nup uran pece asega; era mun idim ham ara, um auahas inpece, im niji itai asega amen iran; im lep inmaliyum, im ilpu atimi asega eris amen iran ara.

Taniel 11:22

Eri auahas ilpu eucsupo o nup Ijipt, inpece inig et ahgarero inwai iran, an nuhup o un, eri lep auahas ra; im lep natimarid inig eris asaig intas etipup ehelen ara.

Nehum 1:8

Ja etpu ika aien yi ahgarero inwai um auahas ehni inmaliyum Ninevi, etpu ahau ilpu atimi edemda vai yin aien an napat.

1 Nupu Korindus 10:26

“et idim ohuun nobohtan a Ihova, im niji itai asega amen iran.”

1 Nupu Korindus 10:28

Ja el et ika ehelemia tah natimi, Et itai ahlap ineigki er ahlap iran vai ilpu atmas, jim hegaig aijaua vai natimi ineig is asuptecnaig ehelemia, im lep vai inliinmopon: “et idim ohuun nobohtan a Ihova, im niji itai asega amen iran:”

Jakobus 5:1

IM lep ineig, ak ilpu atimi ikni itai, akumu ehteigtaig aijaua um aunyauwaig, va nohocred etpu yetpam iramia.

Nitai ehvaig 17:1

IS apam tah is ethi irai ilpu agelo is seven iji ehki eris apos ipjinitai is seven ara, um tas ehelek, um ika, Apam aiek igcaki; ekpu ehvaig ehelum ainyak neruva nedo o intakata ago ingaijid esjilid iyehki, et ateuc irai wai et ahinag aien:

Nitai ehvaig 17:15

Is ika ehelek aien, Inwai iji ehki as ecetai aiek an nuarin ineig et amen iran a intakata ago ingaijid iyehki, et idivaig nup urai iji pece, im natimi et ahinag, im nup urai iji elcau, im nup auoh taka tas.