Jeremaia 42:3 - Intas Etipup

³ mika yi asuptecnaig ehelema a Ihova Atua unyum nefalaig inig et upene vai cama par atga iran, im nedo inig et upene vai cama par ago.

Jeremaia 42:3 Iomraidhean Croise

Niji tas Arapakau 3:6

Na wat ago tah nitai aiek, um imiehva yin, etpu asjaaicnaig irai iji efalaig unyum aien.

Saam 86:11

Ak Ihova, namu asjaaicnaig an nefalaig unyum imi nyak aiek; ekpu atga an tas inveijec unyum ainyak: namu ika aiek yi ethi ache inliinmopok ainyak, mika ki imtitaig nidam ainyak.

Maika 4:2

Erupu ham a nup urai iji pece inyi ahinag, um ika, Apam aijaua, intumu aridjipan akaija an nedoon u Ihova, im lep au neom u Atua u Jekob; mika yi esege imi caija nedo o un aien, mika ti lep ahced niji efalaig o un akaija: etpu idim ahes an maliyum Saion intas alep, etpu lep ahes an maliyum Jerusalem intas o Ihova.

Jeremaia 6:16

Et ika a Ihova, Akumu aiji irai efalaig aijaua, um almoi, um ahodai atimi vai iji efalaig itu, um ika, Nefalaig upene yek eda? um atga iran; akupu leh nitai atumop iran imi nesgamia aijaua. Ja eris ika ara, Ecrupu eti atga iran aijama.

Esra 8:21

Kis asaig natwakam eahki ainyak u nofowai Aheva, va ecrupu lucsei nohocred aijama an nuhup u Atua unyima, par ahilek nefalaig upene imi cama, im ilpu hal unyima, im niji itai asega unyima.

Aiseya 2:3

Erupu lep apan a nup urai pece inyi ahinag, um ika, Akumu apam aijaua, intumu aridjipan akaija an nedoon u Ihova, im neom u Atua u Jekob; etpu lep esege imi caija nedo o un aieu; intupu lep atga nai efalaig o un akaija: etpu idim ahes Saion intas alep u Ihova; etpu lep ahes Jerusalem intas upene o un.

1 Ilpu Atimarid 8:36

namu atahaijeg aiek an nohatag, um iknipagki nedo has u ilpu aheca unyum, im lep nup Isreel unyum, um asjaaicnaig ehele ra an nefalaig upene erupu atga iran ara, um lep ati incopda vai inpece unyum, as alupai ilpu atimi unyum aiek mika eri ohuun ara.

Tyuteronome 5:29

Ek merit ainyak mika yi amen ehele ra inliinmopora imtitaig nyak, im inliinmopora apos intas alep asega unyak irai iji adiat, va erupu amen upene ara, im ilpu hal ura, im ilpu mapora, irai iji mesese!

Tyuteronome 5:26

Natimi inig yek eda is atahaijeg nohrai Atua umoh aien intas vaig juju an cap, et idivaig cama, ja par umoh?

Saam 27:11

Ak Ihova, asjaaicnaig ehelek aiek an nefalaig unyum, um atau irak an nefalaig atoh unyum, vai ilpu atimi tak atimi irak.