Jeremaia 4:7 - Intas Etipup

⁷ Et mun ahes anliin tucjip laion um ehcohos pam, et atga an nefalaig a natimi auahas nup urai iji pece; et mun ahes an nuarin o un aien, mika yi auahas inpece unyimia; uhpu alcapdicraig niji maliyum unyimia, mika yi jim amen iran tah natimi.

Jeremaia 4:7 Iomraidhean Croise

2 Ilpu Atimarid 24:1

IS apam a Nebukatnesar natimarid Babelon an numoh o un, is lep aheca o un a Jehoiakim irai mesese is eseij: ja is par atidjin iran aien um ati nedoa vai yin.

2 Ilpu Atimarid 25:1

IS wat eteuc inmesese naind an natimarid o un, im inmohoc tend, im nadiat tend an mohoc iyehki, is apan a Nebukatnesar natimarid an pece Babelon, im ilpu eucsupo asega o un, um ati nedoa vai nup u Jerusalem, um athai eom atga ura ubutpotet pan o un; um lep actaig niji eom uri edoa um arehed mihtag.

Aiseya 1:7

Et idivaig namasacen inpece unyimia, eh mun atnamud niji maliyum unyimia: era auahas umamia a ilpu atimi an taka pece an nuhup unyimia; et amasacen, um idivaig inpece inig eris auahas a ilpu atimi an taka pece.

Aiseya 5:9

Et ika ehelek a Ihova emda acen, Et idim inveijec nitai inig, uhpu uhna an neom inyi ahinag, eom alupas um upene marom, inyi eti amen tah natimi iran.

Aiseya 6:11

Kis um ika ainyak, Ak Natimarid, um yetpan an nahopan? Is ika aien, Um yetpan au nopan iyehki uhpu auahas niji maliyum, inyi eti amen tah natimi iran, um ahyuahyu niji eom asega, um umaruma inpece asega.

Jeremaia 2:15

Eris aunyauwaig vai yin niji laion takuras, is ijinies nohrara, eris mun auahas inpece o un: eris mun atnamud niji maliyum o un, et eti amen iran tah natimi.

Jeremaia 22:6

Et uce intas o Ihova vai nitai iji igki etpu yetpam ehele ilpu atimi ehpan irai natimarid an pece Juta; Ek mun ago caua ainyak et idivaig nuarin pece Cileat, um idivaig lolan nedoon Lebanon: ja ekpu ika ainyak, Akupu idivaig namasacen aijaua, um lep idivaig niji maliyum iji ig et eti amen iran tah natimi.

Jeremaia 22:7

Ekpu lep ikni ilpu atimi auahas caua ainyak, erupu apos nij va atimi ura ara, athi um athi ehni: erupu attai niji eijiv esjilid unyimia ara, um erekhaigjai an cap.

Jeremaia 25:38

Et mun udei nuarin atpuh iran aien, et idivaig laion: et idim umaruma inpece ura va nedemda u natimi ehcerucai ra, im lep vai intavaitap alupas o un.

Jeremaia 25:9

et ika a Ihova, Akumu ato aijaua mika, ki abrai atimi ainyak um lucsei nup urai elcau asega an pece inig et ahes narutu iran, im lep Nebukatnesar natimarid an pece Babelon, naheca unyak, um imiapam ra mika eri aat an pece inigki, im lep ilpu atimi amen iran, im lep nup urai elcau asega iji ig marehed mihtag; erupu auahas ehni ra ara, um ika eri itai imiali, um itai amcel vaig, etpu lep umaruma inpece ura um yetpan irai iji mesese.

Jeremaia 26:9

Et echamecha na mun asuptecnaig intas aiek an nidai Ihova, um ika, Etpu idivaig Sailo nimnim inigki, etpu ahyuahyu inmaliyum inigki, inyi eti amen tah natimi iran? eris asjapicnaig natimi asega um aat irai Jeremaia an nimnim u Ihova.

Jeremaia 27:8

Et ika a Ihova ehele nup urai pece iji ig, im nup urai elcau iji ig, era ika ara erupu eti aheca u Nebukatnesar natimarid an pece Babelon ara, um eti ikni niji auinwara ithai asore u natimarid an pece Babelon, ekpu aru nedo o nup urai pece iji igki ainyak an nedoa, im lep an numlaig has, im lep an memehe has, um yetpan an nopan iyehki ekpu auahas ehni ra ainyak an nikman.

Jeremaia 33:10

Et ika a Ihova, An nuarin inigki eka asaig vaig aijaua, um ika. Et ahyuahyu, et eti amen iran tah natimi, um eti amen iran tah nitai eklim edo irai pece, nikavaig, irai maliyum iji ig an pece Juta, im lep irai efalaig iji ig an maliyum Jerusalem, et ahyuahu, um umaruma, et eti amen iran tah natimi, ka tah nitai eklim edo irai pece,

Jeremaia 34:22

Et ika a Ihova, Akumu ato aijaua mika, ekpu tas alep ainyak um imiadumoij pam ra an maliyum inigki; erupu aat iran ara, um atoraliak, um atnamud an cap: ekpu ika ainyak yi ahyuahyu niji maliyum an pece Juta inyi eti amen iran tah natimi.

Jeremaia 4:29

Erupu ahapan a nup urai iji maliyum asega vai nohrai ilpu atimi ateuc irai hors im ilpu atimi apos efana; erupu apan ara irai iji esei, erupu ahei nij ara mika eri atpuh: etpu ahyuahyu niji maliyum asega, inyi eti amen iran tah natimi.

Jeremaia 44:2

Et ika a Ihova esjilid acen, Atua u nup Isreel; Eka mun almoi nohocred asega inig aijaua, ek mun imiapam ainyak vai nup u Jerusalem, im lep vai nup urai maliyum asega an pece Juta; et idim ahyuahyu inmaliyum iji igki an nadiat inigki, et eti amen tah natimi iran,

Jeremaia 46:18

Et ika a Natimarid inig et idan Ihova esjilid acen, Ek umoh ainyak, et eteuc Tebor irai edoon, im lep Karmel u unjap, etpu idim uco napam o un tah.

Jeremaia 49:19

Akumu ato aijaua mika, etpu aridjipam aien et idivaig laion et wat ahes an nuarin ahgarero nofowai Jortan aien, um aat an nuarin amen iran u ilpu atimi emda; ja ekpu ika ainyak yi fi auroauro aien um aat iran: ja et atimi esjilid a di mika yi imiaras ra? Et idivaig nyak a di? etpu tas alep ehelek a di? im lep natimi asgi siip yek eda et emda aien par imiisjis ehelek?

Jeremaia 5:6

Va nitai inigki etpu atgei ra laion ahes an nesei, etpu atoraliak itai ura a kuri aleg an namasacen, etpu imiiris niji maliyum ura a lepart: uhpu ces yi oplecoplec ra asega erupu apan itac ara: vaig inig nikavaig, et ahinag nedo imipalea ura, et lep esjilid nedo has ura.

Jeremaia 50:17

Era idivaig siip ahnag a nup Isreel; et mun ahau ra niji laion; is uhup a natimarid an pece Asiria um auahas ra; ja et par apitac a Nebukatnesar natimarid an pece Babelon um aces yi aldei niji eduora.

Jeremaia 50:44

Akumu ato aijaua mika, etpu aridjipam aien et idivaig laion et wat ahes an nuarin ahgarero nofowai Jortan aien um aat an nuarin amen iran u ilpu atimi emda; ja ekpu ika ainyak yi fi auroauro aien um aat iran: ja et atimi esjilid a di mika yi imiaras ra? Et idivaig nyak adi? etpu tas alep a di? im lep natimi asgi siip yek eda et emda aien par imiisjis ehelek?

Jeremaia 8:16

Eris ahgei nohran gidgei hors o un an maliyum Tan: eris wat ahgei ilmu niji hors emda o un, eris eucjeucjeucaij a nup uran pece asega; era mun idim ham ara, um auahas inpece, im niji itai asega amen iran; im lep inmaliyum, im ilpu atimi asega eris amen iran ara.

Jeremaia 9:11

Ekpu ika ainyak eri alcapdicraig inmaliyum Jerusalem mika yi uarin amen iran niji imyeuv; ekpu ika ainyak yi ahyuahyu niji maliyum au pece Juta, inyi eti amen iran tah natimi.

Esikiel 12:20

Uhpu auahas inmaliyum iji ig era amen natimi iran, etpu umaruma inpece inigki; akupu ato aijaua mika ek Ihova ainyak.

Esikiel 21:31

Ekpu atladwi iramia intavaitap unyak ainyak, ekpu ahlai pan incap iramia ainyak an nedemda unyak, um atcijaig caua pan an nikmai ilpu atimi edemda iji ig, era arapakau ara par atgei atimi.

Esikiel 32:2

Ak inhal u natimi, namu imitaig Fero natimarid an pece Ijipt aiek, um ika ehelen, Nai idivaig laion takuras aiek ehele nup urai iji pece, nai idivaig krokotail aiek an wai: na mun ehloohos jai aiek irai ofowai unyum, et ahcatina niji wai va neduom, na ago mak niji ofowai ura aiek.

Taniel 5:19

eris eucjeucjeucaij an nuhup o un natimi asega im nup urai pece, im ilpu atimi auoh iji tas, um imtitai yin, va natimi alupas is alupai yin aien: is atgei ra sji ehki aien is merit aien natgei ra vaig; is lep imiatamai ra sji ehki aieu is merit aien nimiatamai ra vaig; is atijai ra sji ehki aien is merit aien n atij ai ra vaig; is lep imiasuol ra sji ehki aien is merit aien nimiasuol ra vaig.

Taniel 7:4

Is idivaig laion nitai aleg uhup, is eteuc iran nehpai meijcop alupas: kis yasyas ainyak um almoi mika eris atgeig yi amud nehpan ehro, eris lep alcacsei jai yin ijinies an uobohtan, eris um ika yi atidai jai um idivaig natimi, eris lep alupai yin inliinmopoi atimi.

Levitikus 26:31

Ekpu ika ainyak yi ahyuahyu niji maliyum unyimia, um lep ika yi umaruma niji uarin itap unyimia, ekpu eti lep ahgei nipin niji itai auanipin upene unyimia ainyak.

Levitikus 26:33

Ekpu imiterimterim caua ainyak ehele nup urai iji pece apat, um ahau caua an nedoa: etpu umaruma inpece unyimia, um ahyuahyu niji maliyum unyimia.