Jeremaia 4:6 - Intas Etipup

⁶ Akumu atijai nitai ahlaig lahpan Saion aijaua: akumu ehra ahapam aijaua, um jim aiji: vaig inig nikavaig, ekpu imiapam nitai has alupas ainyak, im nitai auahas itai esjilid, etpu ahes an pece inig et ahes narutu iran.

Jeremaia 4:6 Iomraidhean Croise

Aiseya 62:10

Akumu apam aijaua, akumu apam aijaua irai eucse athatahau; akumu ahped efalaig aijaua va atimi; akumu assijai aijaua, akumu assijai nefalaig asega aijaua, um iknipagki hat iran; akumu aiyihi jai nitai ahlaig aijaua va atimi.

Jeremaia 10:22

Akumu atahaijeg aijaua, et apam nohran tah, et lep eteuc inreiman alupas va nup uran pece iyehki et ahes iran narutu, era ika ara yi ahyuahyu niji maliyum an pece Juta, im lep yi uarin amen niji imyeuv iran.

Jeremaia 18:11

Va nitai inigki namu idim tas aiek ehele nup u Juta, im lep ehele ilpu atimi amen Jerusalem, um ika, Et ika a Ihova; Akumu ato aijaua mika, ek aktaktai nitai has vai caua ainyak, um anacanac intas anacanac vai caua: akumu lep adumoij pam aijaua asega va nedo has unyimia, athi um athi ehni, um ago upene niji efalaig unyimia im nedo unyimia.

Jeremaia 21:7

Et ika a Ihova, etu wit ti pan itac nitai iji igki ekpu atcijaig Setekaia natimarid an pece Juta ainyak, im ilpu aheca o un, im ilpu atimi o un, ilpu ahri atimi marom eris eti emesmas ara an maliyum inigki, vai nemehe has, im nedoa, im numlaig has, an nikmai Nebukatnesar natimarid an pece Babelon, im lep an nikmai ilpu atimi tak atimi ira ra, im lep an nikmai ilpu atimi iji ig era ika ara eri atgei ra: etpu atgei ra aien an nedoa; etpu eti aiheuc vai ra aien, um eti udei ra, ja etpu auahas ra aien.

Jeremaia 22:7

Ekpu lep ikni ilpu atimi auahas caua ainyak, erupu apos nij va atimi ura ara, athi um athi ehni: erupu attai niji eijiv esjilid unyimia ara, um erekhaigjai an cap.

Jeremaia 25:9

et ika a Ihova, Akumu ato aijaua mika, ki abrai atimi ainyak um lucsei nup urai elcau asega an pece inig et ahes narutu iran, im lep Nebukatnesar natimarid an pece Babelon, naheca unyak, um imiapam ra mika eri aat an pece inigki, im lep ilpu atimi amen iran, im lep nup urai elcau asega iji ig marehed mihtag; erupu auahas ehni ra ara, um ika eri itai imiali, um itai amcel vaig, etpu lep umaruma inpece ura um yetpan irai iji mesese.

Jeremaia 4:21

Ekpu almoi nitai ahlaig ainyak, um ahgei nohran toho, um yetpan an nahopan?

Jeremaia 50:2

Akumu asaig aijaua ehele nup urai iji pece, um asuptecnaig, um imiaridjai nitai ahlaig; akumu asuptecnaig aijaua, um jim ateri: um ika, Eh mun atoraliak inmaliyum Babelon, et mun ehcamai a Bel, eh mun auhoig yi agrei Merotak; era ehcamai a ilpu atmas ura, eh mun ahtagrei niji atmasimai ura.

Jeremaia 50:22

Er ahgei nohran nedoa an pece, im nauahas alupas itai.

Jeremaia 51:12

Akumu atijai nitai ahlaig aijaua ijinies irai athatahau irai Babelon, um aminjinaig upene, um ikni ilpu atimi iasias, um aniv ilpu atimi atpaijinaig: et mun ago nedo inig vai nup u Babelon a Ihova, is upyi anacanac aien vai ra um lep asaig.

Jeremaia 51:27

Akumu atijai nitai ahlaig an pece ura aijaua, um ahlai intoho vai nup urai iji pece, um ikni nup urai iji pece par aat ira ra, um ika eri asjapicnaig nup urai elcau Ararat, im Minai, im Askenas, par aat ira ra; akumu ati natimi alupas irai ilpu eucsupo aijaua par aat ira ra; um ika eri apam a ilpu atimi ateuc irai hors, et idivaig niji heled et eteuc nalau iran.

Jeremaia 51:54

Er ahgei nohran tah et ahlaig aien Babelon, er lep ahgei inmotjan nauahas itai alupas an pece u nup u Kaltia:

Jeremaia 6:1

Ak nup u Benjamin, akumu ehrasjapicnaig aijaua um udei Jerusalem um ahapan, akumu ahlai intoho an maliyum Tekoa aijaua, um imiaridjai nitai ahlaig an cap an maliyum Bed-hakserem: et idim ahes an pece inig et ahes narutu iran nitai has um ehcohos pam, et auahas alupas itai.

Jeremaia 6:22

Et ika a Ihova, Erupu idim, apam a nup uran pece inig et ahes narutu iran, uhpu ahugni nup uran pece alupas an tid an nobohtan.

Esikiel 9:1

IS lep tas ijinies ehelek aien, um ika, Erumu apani ubutpotet ara sji igki era aru irai nup uran maliyum ara, erumu apos nij va atimi ura ara an nikmara, athi um athi ehni.

Esikiel 9:2

Kis lep ecet ilpu atimi is siks ainyak eris ahes an nefalaig ara an neucse nathatahau itaho, an nahaijin maliyum inig et ahes narutu iran, um apam, eris apos nij va atimi ura ara an nikmara, athi um athi ehni; is lep eteuc natimi is ethi ira ra eris aso yin an napelumai yilyil, eris aijcei an nahaijin inhubej an wa apig u natimi aged itaasviitai: eris apan anliin nokoro ara, um aiji ubutpotet u natau bras.

Sefanaia 1:10

Et ika a Ihova. An nadiat iyehki eri ahgei inmotjan nahlaig an neucse nathatahau u mu, im naunyauwaig an nuarin sekunt, im inyah vaig alupas va nauahas itai irai edoon.

Sekaraia 6:6

Et yetpan an pece inig et ahes narutu iran jariot inaico et amen niji hors apig iran; et yetpan an nete o un niji hors ahi; ja et yetpan alaig an pece inig et ahes nuritoga iran niji hors ugnyitugnyit.