Jeremaia 4:5 - Intas Etipup

⁵ Akumu asan tas aijaua an pece Juta, um asuptecnaig an maliyum Jerusalem; um ika, Akumu ahlai intoho an pece aijaua: ahlaig ijinies irai iji uarin asega, um ika, Akumu asjapicnaig aijaua, intumu apan akaija irai maliyum iji ig et arehed iran nathatahau.

Jeremaia 4:5 Iomraidhean Croise

Aiseya 28:19

Etu wit ahced inpece nitai iyehki etpu imiapan caua: etpu idim ahced inpece irai iji uhialeg, an nadiat im lep an nepig: akupu ohocred aijaua par ato nesgan tas an tas inig aki atahaijeg vaig aijaua.

Jeremaia 11:2

Namu atahaijeg intas an tas etipup inigki aiek, um tas ehele nup u Juta, im lep ilpu atimi amen Jerusalem;

Jeremaia 35:11

Ja is wat yetpam an pece inigki a Nebukatnesar natimarid an pece Babelon, ecris ika aijama, Ti atidai akaija, um apan Jerusalem vai inpak an nedoa u nup u Kaltia, im lep vai inpak an nedoa u nup u Siria: va nitai inigki ecra amen Jerusalem aijama.

Jeremaia 5:20

Akumu asaig intas inigki aijaua ehele ilpu mapoi Jekob, um asuptecnaig an pece Juta, um ika,

Jeremaia 6:1

Ak nup u Benjamin, akumu ehrasjapicnaig aijaua um udei Jerusalem um ahapan, akumu ahlai intoho an maliyum Tekoa aijaua, um imiaridjai nitai ahlaig an cap an maliyum Bed-hakserem: et idim ahes an pece inig et ahes narutu iran nitai has um ehcohos pam, et auahas alupas itai.

Jeremaia 8:14

Inta a uri akaija um eklim ateuc? akumu asjapicnaig aijaua, intumu lep apan irai iji maliyum emda akaija, um amen eahki um eti tas: et mun ika a Ihova Atua uja ti amen akaija um eti tas, et mun alumaija inwai acen aien par umnyi, vaig inig nikavaig, inta mun ago nedo has vai Ihova akaija.

Jeremaia 9:12

Et atimi arapakau a di, mika yi ato nitai inigki? im lep aien aigki di et mun tas ehelen a Ihova an nipjineucsen, mika yi asuptecnaig nitai inig aien, er auahas inpece vaig, et lep umaruma, um idivaig namasacen, et lep eti ahced inpece tah?

Esikiel 7:14

Erumu ahlai intoho ara, um ika eri amatata asega; ja et eti eteuc tah par apan u nedoa: et idim amen nedemda unyak ira aga asega ura.

Hosia 8:1

AKUMU ahlai intoho aijaua: etpu apam aien et idivaig inmeijcop alupas, um aat ira atimi u Ihova; era mun idim imipalea intas etipup unyak ara, um atladwi intas alep unyak.

Joel 2:1

AKUMU ahlai intoho aijaua an nedoon Saion, etmu acreh an nedoon itap unyak; erumu eucjeucjeucaij a nup urai pece asega: et idim apam nadiat u Ihova, et idim ubutpotet.

Emos 3:6

El eh ahlai intoho an tah maliyum, erupu idim imtitaig natimi; el et eteuc nohocred an tah maliyum, et mun idim ati a Ihova.

Emos 3:8

Et mun aunyauwaig laion, inyi eti imtitaig a di? et mun tas a Ihova Natimarid ehele ilpu profeta o un, inyi eti ahidan tas a di?

Numera 10:2

Uhmu ago intoho inyi ero irai silver; uhmu ago an nuarin yi ethi ache: va apu ahlaig va atimi iran aiek, um imiatga atimi iran.

Numera 10:3

Uhu wit ahlai, erumu asjapicnaig pam ehelum natimi asega an neucse neom er asjapicnaig o un.

Josua 10:20

Is wat auud ehni atimi a Josua im nup Isreel, um atgei atimi is ahinag, um imihum pan an nopan iyehki eris atiih ara, ja eris apan irai iji maliyum is amen nathatahau iran nahaiji ra eris umumoh ara.