Jeremaia 4:4 - Intas Etipup

⁴ Akumu aperitome iramia aijaua vai Ihova, um iknipagki arasi liinmopomia uhup, ak nup u Juta im ilpu atimi amen Jerusalem: vai yi jim ehcohos pan nedemda unyak et idivaig incap, um atnamud, etpu elika vaig tah par ahni, vaig inig nikavaig, eka mun ago nedo has aijaua.

Jeremaia 4:4 Iomraidhean Croise

2 Niji Tas Eled 34:25

va nedo ura, nikavaig, eris udei nyak ara, um atnamud nitai auanipin upene vai ilpu atmas, mika eri auahas inliinmopok ara irai iji auritai asega ura; va nitai inigki ekpu atladwi intavaitap unyak ainyak an nuarin inigki, um auahas ehni atimi im itai.

Aiseya 10:17

Etpu idivaig incap alaume a Inlah u nup Isreel, etpu idivaig nalaume a Atua Itap o un: etpu ahli um atnamud niji cai upunupun im nefelelicai has u nup Asiria an nadiat inyi ethi;

Aiseya 30:33

Vaig inig nikavaig, eris ati Tofet itu acen; maiya, eris ago vai natimarid iyehki; is ika a Atua yi ubo, is ika aien yi hare: et iji iran incap im incai et ahinag; et adnan cap a Ihova, et idivaig narekwas et yah nahlai o un.

Aiseya 51:17

Namu aiji lahlah aiek, namu aiji lahlah aiek, namu atidai aiek, ak Jerusalem, aiek aigki as mun umwig aiek an nipjinitai an tavaitap o un is alupai euc a Ihova; as umwig an nipjinitai inig aiek eh molmol vaig; as umnyuse aiek.

Jeremaia 15:14

Ek mun ika ainyak eri imiatga caua a ilpu atimi tak atimi iramia, um yetpan an pece inig eka eti ato aijaua: etpu atnamud caua incap inig kis atni ainyak au tavaitap unyak.

Jeremaia 21:12

Et ika a Ihova, Ak ilpu mapoi Tevit; Akumu tas alep atoh an nuhialeg aijaua, um imiaras ra sji igki er ehcerucai ra va nikmai ilpu atimi atoraliak itai ura, vai yi jim ehcohos pam intavaitap unyak et idivaig incap, um atnamud mika etpu elika vaig tah par ahni, va nedo has inig eka ago aijaua.

Jeremaia 21:5

Ekpu lep ago nedoa vai caua ainyak an nikmak inig ek adaigjai ainyak, im nikmak emda, im lep an nehniv unyak, im intavaitap im nedemda alupas.

Jeremaia 23:19

Akumu ato aijaua mika, et mun ahes ehele Ihova narakiraki um apam va nedemda o un, etpu auahas alupas itai narakiraki inigki: etpu isjis alupas irai idjini ilpu atimi auatatimi.

Jeremaia 36:7

Kit erupu atpuse ara an nuhup u Ihova um alaigaheni vai yin, um lep adumoij pam um udei efalaig has ura, athi um athi ehni: et idim alupas nedemda im intavaitap is asuptecnaig a Ihova vai nup igcaki.

Jeremaia 44:22

va nitai inigki is ehka vai Ihova par ago nedo eti auatiemda vai caua, va nedo has unyimia, im lep va nedo inig er amcel vaig, akis ago aijaua; va nitai inigki et umaruma inpece unyimia, um itai imiali, um lep itai er asaig intas ahlaijaig vaig, et eti amen tah natimi iran, et idivaig an nopan inig.

Jeremaia 9:25

Et ika a Ihova, Akumu ato aijaua mika, etpu yetpam nopan iyehki eku wit ehraru irai ilpu atimi aperitome asega ainyak im ilpu ai imi eti aperitome;

Jeremaia 9:26

nikavaig, nup Ijipt, im nup u Juta, im nup Itom, im nup Amon, im nup u Moab, im lep ra era ucsei numri nidjinira ara, era amen an namasacen ara: eris idim eti aperitome irai nup urai pece iji igki asega, eris lep eti aperitome irai nup Isreel asega an liinmopora.

Niji tas taigtai 4:11

Et mun ago ehni intavaitap o un a Ihova; et mun atladwi nedemda alupas o un aien; et mun adgan cap aien Saion; et mun auahas niji ededuei iyum iran incap iyehki.

Esikiel 16:38

Ekpu lep aru iram ainyak, et idivaig neruvaig irai ilpu takata iji ig era ago ingeijid ara um atgei atmas; ekpu atgei euc ainyak um ago nedo u natimi inig et edemda aien um oporei.

Esikiel 18:31

Akumu erekhaig nedo imipalea asega unyimia, eka mun imiapalea vaig aijaua; um leh imi caua inliinmopomia mat, im nesgamia mat: eka a uri aijaua par emesmas, ak nup Isreel?

Esikiel 20:33

Et ika a Natimarid Ihova; Ek umoh ainyak, et idim uco, ekpu atimarid iramia ainyak an nikmak emda, im lep an nikmak ekpu adaigjai ainyak, im lep an tavaitap unyak ekpu atladwi ainyak:

Esikiel 21:17

Ekpu lep ahpun nikmak ehro ainyak, ekpu ika ainyak yi amen ira ra intavaitap unyak: ek mun asaig intas inigki ainyak Ihova.

Esikiel 24:13

Et has esjilid ingeijid unyimia: vaig inig nikavaig, kis ika ainyak ki ago adicinadicin caua, akis has ache aijaua, uhpu eti lep ago adicinadicin caua van has iramia, um yetpan an nopan iyehki ekpu ika ainyak yi amen iramia intavaitap unyak.

Esikiel 24:8

Im lep inig, ek mun atladwi jai inja ira atimi iyehki ura ainyak ijinies an nij mika eri jim adahpoi, ja par aridjipam intavaitap unyak, par aru nedo ura.

Esikiel 44:7

nikavaig, akis imiapam ilpu atimi irai iji taka pece aijaua, ilpu atimi eris eti aperitome an liinmopora, um eti aperitome irai ohura, par amen an nimnim itap unyak, mika cri auahas nimnim unyak; akis lep ika aijaua eri ahlap an nitai caig unyak, im nagako, im inja iran; eris lep auahas intas etipup unyak ara pan irai edo asega unyimia er amcel vaig.

Esikiel 6:12

Etpu mas aien an nemehe has et itac acen aien; uhpu atgei yin an nedoa et ubutpotet aien; uhu wit aat iran etpu mas aien an numlaig has et amen an maliyum aien: ekpu ehneijid intavaitap unyak ainyak ehele ra.

Esikiel 8:18

Ekpu lep aru ira ra ainyak an nedemda alupas: ekpu eti aiheuc vai ra ainyak, um eti itai vai ra: eru wit ahlaig ijinies vai nyak ara, inki eti atahaijeg ra ainyak.

Levitikus 26:28

ekpu lep imiisjisitai ehelemia ainyak, um atavaitap; ekpu idim eceseven aru iramia ainyak, ainyak marom, va nedo has unyimia.

Levitikus 26:41

im lep inig, el era asuptecnaig ara mika kis imiisjisitai ehele ra ainyak um imiapan ra an pece u ilpu atimi tak atimi ira ra; el et upoupo inliinmopora eti aperitome an nopan iyehki, el era lep ika ara et upene neruvaig nedo has ura:

Emos 5:6

Akumu ahilek Ihova aijaua, ja par umumoh; va yi jim ehcohos pam aien et idivaig incap vai ilpu mapoi Josef, um atnamud ra, etpu lep ti tah an maliyum Bedel par ahni.

Sefanaia 2:2

et wat eti fi ehneijid intas alep, et wat eti apan itac nadiat et idivaig narasi itai, et wat eti fi yetpam ehelemia nedemda alupas u Ihova, et wat eti fi yetpam ehelemia nopan nedemda u Ihova.

Nupu Roma 2:25

¶ Et upene naperitome, el et imyiaiji intas alep aiek; ja el et auahas intas alep aiek, et eti aperitome naperitome iram.

Tyuteronome 10:16

Va nitai inigki etmu aperitome inliinmopomia aijaua, um jim lep ipjin inliinmopomia.

Tyuteronome 30:6

Etpu aperitome inliinmopomia im inliinmopoi ilpu hal unyimia a Ihova Atua unyimia, mika yi aiyu alupas um emda inliinmopomia aijaua vai Ihova Atua unyimia, va akupu umumoh aijaua.

Tyuteronome 32:22

Et mun adgan cap an nedemda unyak, etpu atnamud itai um yetpan an nehpanitai ubo acen, etpu atnamud nobohtan im nohwai itai iran, um ahli niji ededuon u niji au.

Nupu Kolose 2:11

eka lep leh naperitome ineig iramia aijaua vai yin er eti ago irai ikma atimi, nitai iknipagki nedo has unyimia irai liimopomia itu, an naperitome u Kristo: