Jeremaia 4:21 - Intas Etipup

²¹ Ekpu almoi nitai ahlaig ainyak, um ahgei nohran toho, um yetpan an nahopan?

Jeremaia 4:21 Iomraidhean Croise

2 Niji Tas Eled 35:25

Is imitaig Josaia a Jeremaia: eris lep imitaig Josaia a ilpu atamaig im ilpu takata asega eris taig tas ara um imihum pani an nopan inig, um ika eri ohocred vai yin an pece Isreel: eris lep aged an nitaasviitai va nehtigtaig.

2 Niji Tas Eled 36:10

Is wat ti pan itac inmesese iyehki, is abrai atimi a Nebukatneser natimarid, mika eri imiapan yin Babelon im lep nipjiitai upene an neom u Ihova, um ati Setekaia etwai etman mika yi atimarid aien u nup u Juta im nup u Jerusalem.

2 Niji Tas Eled 36:17

Va nitai inigki is imiapam natimarid an pece Kaltia ehele ra aien, is atgei ilpu takuras ura aien irai auitoga anliin neom itap ura, um eti aiheuc vai ilpu takuras im ilpu atahig, im ilpu fatimi, im ilpu atimi acvacva va nefatimi ura: is atcijai ra asega imi yin aien.

2 Niji Tas Eled 36:3

Is atipagki yin Jerusalem a natimarid an pece Ijipt, um asaig mika eri alupai yin talent irai silver inyi wun huntret (100), im talent irai colt inyi ethi a nup uran pece.

Jeremaia 4:19

Et ohocred inliinmopok, et emda inliinmopok! et ehioehio inliinmopok; et taig inliinmopok; et ehka vai nyak par eucsup, vaig inig nikavaig, as mun atahaijeg aiek, ak nesgak, nohran toho, um lep naunyauwaig u ilpu atimi ati nedoa.

Jeremaia 4:20

Era eti atumop ara par auahas itai; eh mun idim auahas inpece asega: ek mun auroauro um auahas niji imnim an pece unyak, er anvai pam nohpoditai an pece unyak an nopan ipjidipjid.

Jeremaia 4:22

Era idim ahnag a ilpu atimi unyak, era mun eti ato nyak ara; era idivaig ilpu halav et eti eteuc lelra, era eti aktaktai ara: era arapakau ara par ago nedo has, ja era eti ato ara par ago nedo upene.

Jeremaia 42:14

um ika, Oʼo: ja ecrupu apan an pece Ijipt aijama, ecrupu eti ecetai nedoa eahki aijama, um eti ahgei nohran toho, inyi eti ehtele cama an ti vaig u nitai caig; ecrupu idim amen eahki aijama:

Jeremaia 6:1

Ak nup u Benjamin, akumu ehrasjapicnaig aijaua um udei Jerusalem um ahapan, akumu ahlai intoho an maliyum Tekoa aijaua, um imiaridjai nitai ahlaig an cap an maliyum Bed-hakserem: et idim ahes an pece inig et ahes narutu iran nitai has um ehcohos pam, et auahas alupas itai.