Jeremaia 4:16 - Intas Etipup

¹⁶ Akumu efehtas aijaua ehele nup urai iji pece, um lep asuptecnaig ehele nup u Jerusalem, mika era ahes an pece itac acen a ilpu atimi ati nedoa um apam; erupu aunyauwaig ara vai niji maliyum an pece Juta.

Jeremaia 4:16 Iomraidhean Croise

Aiseya 34:1

AK nup urai iji elcau, akumu ubutpotet aijaua par ahgei itai; ak nup urai iji pece, akumu atahaijeg aijaua: etmu ahgei itai nobohtan, im niji itai asega amen iran; etmu ahgei itai nobohtan asega, im niji itai asega ahes iran.

Aiseya 39:3

Ja is yetpan ehele Hesekaia natimarid a Aiseya naprofeta, um ika ehelen, Era mun asaig inhe natimi iji igki? era mun ahes eda ara um yetpam ehelum? Is ika a Hesekaia, Era mun ahes an pece itac acen ara, era mun ahes Babelon ara um yetpam ehelek.

Jeremaia 1:15

Namu idim ato aiek mika, ekpu ahlaig ainyak vai nup urai iji pece asega im lep nup urai iji elcau an pece inig et ahes narutu iran: erupu adpam ara, um ikni dorona ura, athi um athi ehni, irai eucse athatahau Jerusalem,im lep u athatahau asega marehed mihtag, im lep ui iji maliyum asega an pece Juta.

Jeremaia 16:6

Erupu emesmas a ilpu atimi alupas im tup atimi an pece inigki: erupu eti atelmoi ra natimi, um eti imitaig ra, erupu eti attai ra natimi vai nohocred ura, um eti ucsei numri nidjinira vai ra:

Jeremaia 2:15

Eris aunyauwaig vai yin niji laion takuras, is ijinies nohrara, eris mun auahas inpece o un: eris mun atnamud niji maliyum o un, et eti amen iran tah natimi.

Jeremaia 31:10

Akumu atahaijeg intas o Ihova aijaua, ak nup urai iji pece, um asuptecnaig ehele nup urai iji pece u unjap itac acen, um ika, Aien is imiterimterim nup Isreel aien etpu asjapicnai ra aien, um aminjinai ra, et idivaig et aminjinaig inpak irai siip o un a natimi asgi siip.

Jeremaia 39:1

AN mesese naind irai Setekaia natimarid an pece Juta, an mohoc tend, is yetpam Jerusalem a Nebukatnesar natimarid an pece Babelon im inpak an nedoa asega o un, eris aat iran ara um arehed.

Jeremaia 4:17

Et ika a Ihova, Era arehed ira ra ara par yiat ira ra, et idivaig ilpu atimi aminjinaig ahapol: vaig inig nikavaig, era mun imipalea intas unyak ara.

Jeremaia 5:15

Et ika a Ihova, Ak nup Isreel, ekpu imiapam nup uran pece itac acen ainyak par aat iramia: era emda a nup uran pece iyehki; eris eteuc itu acen ara, akupu eti ato intas ura aijaua, akupu eti ato aijaua mika era asaig inhe ara.

Jeremaia 5:6

Va nitai inigki etpu atgei ra laion ahes an nesei, etpu atoraliak itai ura a kuri aleg an namasacen, etpu imiiris niji maliyum ura a lepart: uhpu ces yi oplecoplec ra asega erupu apan itac ara: vaig inig nikavaig, et ahinag nedo imipalea ura, et lep esjilid nedo has ura.

Jeremaia 50:2

Akumu asaig aijaua ehele nup urai iji pece, um asuptecnaig, um imiaridjai nitai ahlaig; akumu asuptecnaig aijaua, um jim ateri: um ika, Eh mun atoraliak inmaliyum Babelon, et mun ehcamai a Bel, eh mun auhoig yi agrei Merotak; era ehcamai a ilpu atmas ura, eh mun ahtagrei niji atmasimai ura.

Jeremaia 6:18

Va nitai inigki akumu atahaijeg aijaua, ak nup urai iji pece, um ato, ak ilpu atimi asjapicnaig, nitai inig et amen ehele ra.

Jeremaia 6:19

Ak nobohtan, namu atahaijeg aiek: ekpu imiapam nohocred ainyak irai ilpu atimi iji igki, nohwan naktaktai ma, vaig inig nikavaig, eris eti atahaijeg intas unyak ara, ja eris edwudwai intas alep unyak ara.

Jeremaia 6:22

Et ika a Ihova, Erupu idim, apam a nup uran pece inig et ahes narutu iran, uhpu ahugni nup uran pece alupas an tid an nobohtan.

Jeremaia 6:23

Erupu apos nefana im inmopul ara; et ipjin nedo ura, erupu eti aiheuc vaig tah ara; et acreh nohrara um idivaig nipji kumnyan has; era ateuc irai hors ara, era esyei ra ara et idivaig ilpu atimi ati nedoa, erupu yiat iramia ara, ak nup u Saion.

Jeremaia 8:19

Akumu ahgei aijaua nohrai inhalav atahig u ilpu atimi unyak et ahlaig aien an pece itac acen, um ika, Et amen Saion a Ihova, ka oʼo? et amen iran natimarid o un, ka oʼo? Era a uri ara par auahas inliinmopok vai niji atmasimai ura im lep vai ilpu atmas u nup urai taka pece?

Esikiel 21:22

Is amen nedo o ilpu atimi itap vaig Jerusalem an matan, mika yi ikni ilpu atimi alupas irai ilpu eucsupo o un aien par asan tas va nedoa, um ahlaig ijinies, um aunyauwaig, um ikni niji itai alcapdicrai athatahau irai eucse athatahau, um ucji nobohtan um assijai nedoon, um uctaig neom ijinies par easpan iran.