Jeremaia 4:13 - Intas Etipup

¹³ Akumu ato aijaua mika, etpu aridjipam aien et idivaig niji apat, etpu idivaig narakiraki niji jariot o un: erupu athut niji hors o un um esjilid irai meijcop alupas. Kaiheuc vai caija! era mun atoraliak niji itai uja ara.

Jeremaia 4:13 Iomraidhean Croise

2 Samuel 1:23

Ak Saal im Jonadan, arus wat umumoh aijaurau, is aiyu jipe inliinmopomirau aijaurau vai caurau um tup ethi ache: arus wat emesmas aijaurau, eris eti atiakoai caurau: is esjilid nathut urau irai nae u meijcop; erus esjilid irai laion arau va nemda urau.

Aiseya 13:5

Era ahes an pece itac acen ara um apam, era ahes an tid an nohatag ara, nikavaig, Ihova im nij va atimi an nedemda o un, mika eri auahas inpece asega ara.

Aiseya 19:1

INTAS eduahpan vai nup Ijipt nigki. Almoi Ihova aijaua, et ateuc an nepig aien, et ae aiheucaiheuc aien, et lep apam an pece Ijipt aien: era amaamai niji atmasimai u nup Ijipt an nuhup o un, et lep auatialidi inliinmopoi nup Ijipt.

Aiseya 3:8

Era idim epihtau a nup u Jerusalem; era mun eropropse a nup u Juta: vaig inig nikavaig, era asan tas has vai ihova ara, um ago nedo has vai yin, par imiisjis vai nesganimtan upene.

Aiseya 5:28

et arig niji efana ura, eris aiyihi niji ceen nefana ura, et idivaig inhat niji eduei hors ura, um idivaig naop yi atmas niji jariot ura:

Aiseya 66:15

Akumu idim ato aijaua mika, etpu ham a Ihova, etpu arehed iran incap, etpu ham niji jariot o im et idivaig narakiraki, mika yi aru an nedemda alupas o im ja par eropse inliinmopon, etpu idivaig nalaume an cap intavaitap o un.

Jeremaia 10:19

Kaiheuc vai nyak, er ehtoplecoplec nyak! et emda inmocop irak: ja kis ika ainyak, Et idim uco, nohocred unyak mun igki, ja ekpu anaijiraig nyak ainyak.

Jeremaia 4:12

Etpu ahes eahki nimtinjap inig etpu esjilid irai ra sji ehki um apam ehelek: im lep inig, ekpu asuptecnaig neruvaig vai ra ainyak.

Jeremaia 4:31

Ek mun ahgei nohran tah ainyak et idivaig nohrai intakata et apos inhal o un aien, im lep nohocred et idivaig nohocred o un et apos inhal o un inmeto, nikavaig, nohrai inhalav atahig u Saion, et imitaig yin aien, um adan nikman ero, um ika, Awe! kaiheuc vai nyak! et auatialidi inliinmopok ainyak vai ilpu atimi atgei atmas.

Jeremaia 46:18

Et ika a Natimarid inig et idan Ihova esjilid acen, Ek umoh ainyak, et eteuc Tebor irai edoon, im lep Karmel u unjap, etpu idim uco napam o un tah.

Jeremaia 48:40

Et ika a Ihova, Etpu idim ae pan tah inyi ethi et idivaig inmeijcop alupas, um elgelgei nehpan ehro ijinies an pece Moab.

Jeremaia 49:22

Akumu ato aijaua mika, etpu aridjipan aien et idivaig inmeijcop alupas um ae pan, um elgelgei nehpan ehro ijinies an maliyum Bosra: an nopan iyehki etpu auatialidi inliinmopoi ilpu atimi emda an pece Itom, um idivaig inliinmopoi intakata inig et ika aien yi apos inhal o un.

Jeremaia 6:23

Erupu apos nefana im inmopul ara; et ipjin nedo ura, erupu eti aiheuc vaig tah ara; et acreh nohrara um idivaig nipji kumnyan has; era ateuc irai hors ara, era esyei ra ara et idivaig ilpu atimi ati nedoa, erupu yiat iramia ara, ak nup u Saion.

Jeremaia 9:19

Era mun ahgei intaig afakatotau ara Saion, um ika, Eh mun auahas alupas caija! inta ehcamai alupas akaija, inta mun udei inpece akaija, eh mun alcapdicraig niji eom uja,

Niji tas taigtai 4:19

Era auroauro um esjilid irai niji meijcop alupas an nauanohatag a ilpu atimi ahau cama: eris ahau cama ara irai edoon, eris imiiris cama ara an namasacen.

Esikiel 26:10

Vaig inig nikavaig, et ahinag; acen niji hors o un, etpu adahpoi caua inmah ira ra: etpu amaamai niji athatahau unyimia vai inmotjai ilpu atimi ateuc irai hors, im inmotjan niji wacon, im niji jariot, etu wit atga aien irai eucse athatahau unyimia et idivaig natga u atimi an maliyum inig et mun achadaliak nuarin nathatahau iran.

Esikiel 38:9

Napu aridjipam aiek, napu apam aiek et idivaig nehio, napu idivaig napat aiek par ataluopni inpece, aiek marom im ilpu eucsupo asega unyum, erupu ahced euc natimi inyi ahinag.

Taniel 11:40

Ja etu wit yetpam nehni u itai iji igki, etpu ati nedoa vai yin a natimarid u nup Ijipt: etpu teloteloh pan ehelen a natimarid u nup u Siria, im niji jariot o un, im ilpu atimi ateuc irai hors, im nelcau itoga o un inyi ahinag, yi idivaig narakiraki; etpu lep auahas niji pece aien, um apaahni iran, um atga o un.

Taniel 7:4

Is idivaig laion nitai aleg uhup, is eteuc iran nehpai meijcop alupas: kis yasyas ainyak um almoi mika eris atgeig yi amud nehpan ehro, eris lep alcacsei jai yin ijinies an uobohtan, eris um ika yi atidai jai um idivaig natimi, eris lep alupai yin inliinmopoi atimi.

Hosia 8:1

AKUMU ahlai intoho aijaua: etpu apam aien et idivaig inmeijcop alupas, um aat ira atimi u Ihova; era mun idim imipalea intas etipup unyak ara, um atladwi intas alep unyak.

Maika 2:4

An nopan iyehki etpu acesaces nohranitai ehtigtaig vai caua tah, um imitaig alupas caua, um ika, Eh mun auahas alupas caija: Et ika a Ihova eri asjeupigmoig ilpu atirai unyak hal, um ohuun niji itai uja: et mun atipagki inpece uja aien, et mun ahaig niji uari obohtan uja aien um alupai ilpu atimi imipalea.

Nehum 1:3

Et eti fi auroauro a Ihova um edemda, ja et alupas nemda o un, inyi idim eti atcijaig ilpu atimi ago nedo has aien: et atga a Ihova an narakiraki im lep an nehio, et idivaig nobohtan adpoig u eduon niji apat an nohatag.

Habakuk 1:8

Et lep esjilid nathut u hors ura irai pander, um esjilid nedo ipjin ura irai kuri aleg an jupura: era apaahni an nobohtan a ilpu eucsupo ura era ateuc irai hors ara, era lep ahes itac acen um apam a ilpu eucsupo ura era ateuc irai hors ara; era auroauro ara et idivaig inmeijcop alupas et wat aepan aien mika yi hag.

Sekaraia 6:1

IS lep aketo ainyak um yasjipan, um almoi, um ecetai jariot is for, is ahes an niblan nedoon is ero; is edoon bras nedoon erahki.

Madius 24:30

ja uhpu ecetai nitai asjaaicnaig vai Inhal o natimi an nohatag: erupu aunyauwaig nup urai iji pece asega, erupu ecet Inhal o natimi ara inhamvaig an nepeig an nohatag an nemda o un im natimi alupas o un.

Tyuteronome 28:49

Etpu imiapam nup uran pece itac acen an tid an nobohtan a Ihova par ago nedoa vai caua, inyi auroauro et idivaig inmeijcop alupas; nup uran pece eka eti ato intas ura aijaua;

Nitai ehvaig 1:7

¶ Etpu idim ham aien irai epeig; erupu ecet yin atimi asega, im lep ra eris ahcai yin ara: erupu aunyauwaig vai yin nup urai iji pece asega an nobohtan. Maiya, Emen.