Jeremaia 4:10 - Intas Etipup

¹⁰ Kis um ika ainyak, Awe! ak Ihova Natimarid, na mun idim ika aiek eri ahnag esjilid a nup igcaki im lep nup u Jerusalem; eris ika a ilpu profeta efaifa, Akupu amen igpa aijaua; ja uhpu atgei atimi an nedoa.

Jeremaia 4:10 Iomraidhean Croise

Eksotus 5:22

Is adumoij pan ehele Ihova a Moses, um ika, Ak Ihova, na a uri aiek par auoh ohocred ilpu aheca unyum? as a uri aiek par abrai nyak?

Eksotus 9:14

Ekpu idim atijai iram ainyak an nopan inig niji itai has asega unyak, im lep irai ilpu aheca unyum, im lep irai up uran pece unyum; mika an ato aiek, nikavaig, ei eti eteuc tah et idivai nyak an nobohtan asega.

Aiseya 30:10

era ika ara ehele ilpu atimi alum itai, Akumu jim alum itai aijaua; im lep ehele ilpu profeta, Akumu jim asuptecnaig intas atoh ehelema aijaua, akumu asaig intas updak ehelema aijaua, um asuptecnaig intas efaifa:

Aiseya 37:35

Ekpu imialep inmaliyum inigki ainyak um imiatamaig atimi iran vai nyak, im lep vai Tevit naheca unyak.

Aiseya 63:17

Na a uri aiek, ak Ihova, par ika ecri ahnag aijama vai niji efalaig unyum? na a uri aiek par ago ipjin inliinmopoma mika ecri eti imtitaig euc? Namu adumoij pam aiek vai ilpu aheca unyum im ilpu eteuc iram na ohuun ra aiek.

Jeremaia 1:6

Kis um ika ainyak, Awe! ak Ihova Natimarid, ek eti ato ainyak intas vaig: ek idim halav ache ainyak.

Jeremaia 23:17

Era asaig ara um eti atumop ehele ra sji igki era imipalea intas unyak ara, um ika, Et mun ika a Ihova, Akupu amen igpa aijaua; era lep ika ara ehele ilpu atimi iji ig era apitac an liinmopora imipalea ara, athi um athi ehni, Etpu eti yetpam iramia tah nohocred.

Jeremaia 32:17

Awe, ak Ihova natimarid! as idim ago nohatag aiek im lep nobohtan an nemda alupas unyum, im lep an nikmam as atgeig yi apidi aiek, et lep eti ehka vai euc tah nitai:

Jeremaia 4:18

Et mun yetpam iramia nitai iji igki va nedo has unyimia, im nauritai has unyimia; nohocred unyimia nigki, et idim acen: et yetpan an liinmopomia.

Jeremaia 5:12

Eris ateri Ihova ara, um ika, Et ti aien; inyi eti yetpam irama nitai has; ecrupu idim eti ecetai nedoa ka numlaig has aijama:

Jeremaia 6:14

Era mun auahotai has an mocop irai inhalav atahig u ilpu atimi unyak ara; era ika ara, Et igpa, et igpa; et wat eti eteuc nigpa.

Jeremaia 8:11

Era mun auahotai has an mocop irai inhalav atahig u ilpu atimi unyak ara, era ika ara, Et igpa, et igpa; et wat eti eteuc nigpa.

Niji tas taigtai 2:21

Era mun ehrasjeuc an nobohtan irai iji efalaig a ilpu dualep im ilpu efatimi: eh mun atgei ilpu atahig unyima im ilpu takuras unyima an nedoa; na mun atgei ra aiek an nadiat edemda unyum; na mun atgei ra aiek um eti aiheuc vaig tah.

Esikiel 11:13

Kis wat asuptecnaig intas ainyak, is mas a Pelataia inhal u Beneya. Kis lep eropse an nobohtan ainyak, um ahlaig ijinies, um ika. Awe, ak Natimarid Ihova! namu jim atgei ehni ilpu ahri nup Isreel aiek.

Nupu Roma 1:24

Va nedo ineigki is atceijaig pan ra a Atua u nedo has vai merit has u inliinmopura, mika eri auoh ehcamai jipe va nohura ara:

Nupu Roma 1:26

Va nitai ineigki is atceijai ra a Atua mika eri merit ara va nedo ineig er ehcamai vaig: eris isjipigmoig nedo ineig et atoh a ilpu takata ura an nedo ineig et eti atoh:

Nupu Roma 1:28

Eris esjum ara natovaig Atua anliinmopura, va nitai ineigki is atceijai ra a Atua mika eri imyiaaij inliinmopura ahnag ara, um ago nitai iji eigki eris ika eri idim eti ago;