Jeremaia 3:8 - Intas Etipup

⁸ Im lep inig, kis wat atcijaig intakata imipalea iyehki Isreel ainyak, um alupai yin nitaasviitai vai nabraig pagki yin, va nitai iji igki asega is ago ingeijid vaig aien; kis ecetai ainyak mika et mun eti imtitaig a etwan efaifa Juta, ja et mun lep apan aien um ago ingeijid.

Jeremaia 3:8 Iomraidhean Croise

2 Niji Tas Eled 21:11

Ja islep ago niji uarin ijinies aien irai iji edoon Juta, um ika eri alaigaheni vai ilpu atmas a nup u Jerusalem, um imiisjis ehele nup u Juta mika eri lep ago nedo iyehki.

Aiseya 50:1

ET ika a Ihova, Nitaasviitai inigki yek eda par abraig pan rismia, ek mun abraig pan yin vaig ainyak? ka di iyehki irai ilpu atimi iji igki ek mun eti alupai ra nimtan ura ainyak kis ahtai caua imi yin ainyak? Akumu ato aijaua mika, eh mun ahtai caua va nedo has unyimia, eh mun lep abraig pan rismia va nauatatimi unyimia.

Jeremaia 2:19

Napu lucsei nohocred aiek va nedo has unyum, mika an ato nadumoij pan unyum aiek: et ika a Ihova Natimarid esjilid acen, Namu ato aiek um ecetai mika et itai has um acen, mika na mun udei Ihova Atua unyum aiek, im lep mika na eti imtitai nyak aiek.

Jeremaia 3:1

ERA ika ara, El et abraig pagki ehgan tah natimi, el et lep udei jin aien, um apan um amen ehele intak atamaig um ehgan, etpu lep adumoij pan a natimi uhup um leh yin ehgan, ka oʼo? Oʼo; el eh ago nedo inigki, uhpu auahas alupas inpece iyehki; na mun idim ago ingeijid aiek ehele ilpu atamaig et ahinag; ja et ika a Ihova, Namu adumoij pam ehelek aiek.

Jeremaia 33:24

Namu idim aktaktai intas inigki aiek era mun asaig a nup igcaki, um ika, Et mun atcijaig ilpu ahri natimi et ero a Ihova, is ehtai ra aien; era mun amcel vai ilpu atimi unyak ara, mika eri jim up uran nelcau unyak ara an nuhup u ra sji igki.

Jeremaia 5:7

Et ehka vai nyak par ohpodohpod nedo has unyimia va nitai inigki; era mun udei nyak a ilpu hal unyimia, um asig yi aktit intas vai ra sji igki era eti atua ara: kis wat alaa ra upene nitai caig ainyak, eris ago ingeijid ara, um asjapicnaig irai eom u ilpu takata has, eris ahinag ara.

Esikiel 16:46

Is etwam inmeto a Sameria, aien im ilpu halav atahig o un eris amen ara an mauum: is lep etwam inharei a Sotom, aien im lep ilpu halav atahig o un eris amen ara an matam.

Esikiel 16:47

Ja na eti mun apitac ra aiek an nedo ura, um eti ago et idivaig nedo ura er amcel vaig: na mun ika aiek. Et takitai nedo ura, na mun has aiek um esjilid ira ra an nedo unyum asega.

Esikiel 16:51

Is ago a Sameria nedo eti elpat irai edo has unyum; na mun ika aiek yi ahinag nedo unyum er amcel vaig um esjilid irai ohwat etwam, um ika is idivaig nedo atoh nedo urau va nedo asega unyum er amcel vaig na mun ago aiek.

Esikiel 23:44

Ja eris yetpan ehelen ara, et idivaig er yetpan ehele intakata ago ingeijid: et idim uco, eris yetpan ehele Ahola ara im lep Aholiba, ohwat takata has.

Esikiel 23:9

Va nitai inigki kis atcijaig yin ainyak an nikmai ilpu atimi merit vai yin, an nikmai nup Asiria marom, is merit alupas vai ra aien.

Hosia 3:4

Erupu idim amen u nup Isreel ira adiat inyi ahinag, etpu ti natimarid ura, um ti natimi alupas ura, um ti nitai ahlap ura, um ti nalmui atimi ura, um ti napelumai itap ura, um ti niji atmasimai ura.

Tyuteronome 24:1

EL et leh intakata tah natimi mika yi ehgan, el et eti aiyu upene inliinmopon aien vai yin vaig tah nitai has et ecetai iran aien: etmu aged nitaasviitai va nabrai yin aien, um alupai yin, um abrai yin mika yi udei neom o un aien.

Tyuteronome 24:3

el et lep amcel vai yin a natamnyu un apitac, um aged nitaasviitai va nabrai yin, um alupai yin, um abrai yin mika yi udei neom o un aien; ka el et mas a natamnyu un apitac, is leh yin aien ehgan;