Jeremaia 3:7 - Intas Etipup

⁷ Is wat ago nitai iji igki asega aien, kis ika ainyak, Namu adumoij pam ehelek aiek. Ja et mun eti adumoij pam aien. Is almoi nedo o un a etwan efaifa Juta.

Jeremaia 3:7 Iomraidhean Croise

2 Niji Tas Eled 17:4

ja is ahilek Ihova Atua u etman aien, um apol intas alep o un, um eti ago nedo o nup Isreel.

Jeremaia 12:1

AK Ihova, et atoh nedo unyum eku wit imiisjis ehelum ainyak: ja ekpu ahodaig euc ainyak va neruvaig unyum: Et echamecha mika era ikni itai a ilpu atimi auatatimi? et echamecha mika era amen upene a ilpu atimi asega era ago nedo efaifa esjilid ara?

Jeremaia 33:24

Namu idim aktaktai intas inigki aiek era mun asaig a nup igcaki, um ika, Et mun atcijaig ilpu ahri natimi et ero a Ihova, is ehtai ra aien; era mun amcel vai ilpu atimi unyak ara, mika eri jim up uran nelcau unyak ara an nuhup u ra sji igki.

Jeremaia 5:11

Et ika a Ihova, Era mun ago nedo efaifa esjilid vai nyak a nup Isreel im nup u Juta.

Esikiel 16:46

Is etwam inmeto a Sameria, aien im ilpu halav atahig o un eris amen ara an mauum: is lep etwam inharei a Sotom, aien im lep ilpu halav atahig o un eris amen ara an matam.

Esikiel 16:47

Ja na eti mun apitac ra aiek an nedo ura, um eti ago et idivaig nedo ura er amcel vaig: na mun ika aiek. Et takitai nedo ura, na mun has aiek um esjilid ira ra an nedo unyum asega.

Hosia 11:7

Era merit alupas a ilpu atimi unyak par ahidaig pan itac ra, um eti atahaijeg nyak: era mun imiacaij ra ara par apam ehele Atua inig et esjilid acen aien, ja is eti imiahpas yin tah ira ra.

Hosia 14:1

AK nup Isreel, akumu adumoij pam aijaua ehele Ihova Atua unyimia; eka mun idim eropropse aijaua va nedo has unyimia.

Emos 4:8

Eris apan a nup uran maliyum is ero ka is eseij an maliyum is ethi, eris unmyi wai eahki ara, jam eti ehgin wai ara: ja et ika a Ihova; Eka mun eti adumoij pam ehelek aijaua.

Malakai 2:11

Era mun ago nedo efaifa a nup u Juta, era mun ago nedo amcel vaig a nup Isreel im lep nup u Jerusalem, era mun auahas nitai inig is itap ura vai Ihova a nup u Juta, nitai inig marom is merit vaig aien, era mun lucsei ilpu halav atahig u ilpu atimi apat ara mika eri ehnaa ura.