Jeremaia 3:5 - Intas Etipup

⁵ Etpu idim eti edemda aien irai iji mesese; etpu idim eti atavaitap aien irai iji opan asega; na mun idim asan tas has aiek um lep ago nedo has, na lep emda aiek um imiisjis.

Jeremaia 3:5 Iomraidhean Croise

2 Niji Tas Eled 29:10

Ja et ika inliinmopok ainyak ti asan tas aktit akaija ehele Ihova Atua u nup Isreel, va etpu atipagki iraija nedemda alupas o un aien.

Saam 85:5

Namu jim edemda vai cama aiek irai iji mesese? etmu jim eteuc nedemda unyum um yetpan irai iji opan asega.

Saam 85:6

Ecra merit aijama mika an adumoij aiek, um imiatumumoh cama, um ika eri imiacitak euc a ilpu atimi unyum.

Aiseya 57:16

Inki eti imiisjis ainyak um yetpan irai iji mesese, inki eti edemda ainyak um yetpan irai iji opan: vaig inig nikavaig, etpu auatialidi inliinmopoi atimi an nuhup unyak, im lep uesga atimi iji ig kis ago ra ainyak.

Aiseya 64:9

Namu jim atavaitap alupas aiek vai cama, ak Ihova, um jim imiehva nedo has unyima um yetpan irai iji mesese: namu idim almoi aiek, el et upene iram, mika ecra ilpu atimi unyum aijama asega.

Jeremaia 3:12

Namu apan aiek um yiaspan an pece inig et ahes narutu iran, um asuptecnaig intas iji igki, um ika, Et ika a Ihova, Namu adumoij pam ehelek aiek, ak Isreel intakata imipalea, ekpu eti edemda vai euc ainyak; et lep ika a Ihova, Ek aiheuc vai euc ainyak, ekpu eti atavaitap ainyak irai iji mesese.

Jeremaia 8:5

Era a uri a nup u Jerusalem par adumoij pan? era adumoij pan ara um imiisjis; era apol aktit an nedo efaifa ara, era mun esjum ara par adumoij pam.

Jeremaia 8:6

Kis ahgei ainyak um atahaijeg, ja eris eti tas atoh ara: is eti adumoij an liinmopon tah natimi va nedo has o un, um ika, Ek mun ago inhe ainyak? era adumoij pan nai efalaig ura ara asega, et idivaig et athut pan hors u nedoa.

Esikiel 22:6

Akumu ato aijaua mika, eris amen ehelemia a ilpu atimi alupas asega an pece Isreel, par atgei atmas et idivaig nemda ura, athi um athi ehni.

Maika 2:1

AWE, kaiheuc vai ra era aktaktai nedo acalacal ara, um anacanac irai edo has irai tinara! et wat lahlah an nuhialeg, era ago ara, vaig inig nikavaig, et tup upene vai ra par ago.

Maika 7:3

Era umjijeuc ara par ago nedo has irai ikmara, et ugyi nimtan a natimarid, im lep ilpu atimi tas alep; era lep asaig inmerit alupas ura a ilpu atimi alupas; et tup ethi ache inliinmopora par ago nedo acalacal.