Jeremaia 3:4 - Intas Etipup

⁴ Namu idim ahlaig vai nyak aiek ahes an nopan inig um yetpan irai iji adiat, um ika, Ak etmak, aiek ahki as atau irak aiek an natahig unyak.

Jeremaia 3:4 Iomraidhean Croise

Saam 119:9

Etpu ago upene nedo o un tah intakuras um uauo, mika yi atga atah, um idivaig intas unyum?

Saam 48:14

Et Atua uja a Atua inigki irai iji mesese; etpu atau aien um yetpan an nopan mas uja.

Saam 71:17

Ak Atua, as mun esege imtak aiek, ahes an halav unyak: kis lep asuptecnaig niji auritai imiali unyum ainyak, um yetpam an nopan inig.

Saam 71:5

Ak Ihova Natimarid unyak, ek idim aitgai euc ainyak: kis idim asgeig iram ainyak an nadualep unvak um imihum pam an nopan inig.

Niji tas Arapakau 1:4

um ika, eri aktaktai upene a ilpu atimi eti aktaktai; um esege imi ilpu takuras nato itai im naktaktai arapakau.

Niji tas Arapakau 2:17

et mun udei natimi aminjinaig yin an takuras o un aien, um ahnag irai tas upyi asaig ehele Atua o un.

Jeremaia 2:2

Namu apan aiek um tas ijinies ehele Jerusalem, um ika. Ak intakata, et ika a Ihova. Ek mun imiehva euc ainyak im lep naiheuc unyak vai euc an natahig unyum, im naiyu u inliinmopok vai euc, kis wat aniv euc vai nyak ainyak, as wat ahced nyak aiek an namasacen, an pece iyehki eris eti ahapol iran.

Jeremaia 2:27

era ika ara ehele nauincai, Na etmak aiek; im lep ehele inhat, Na mun apos nyak aiek: era mun idim atidjira irak ara, um eti alum nyak: ja an nopan ohocred ura erupu ika ara, Namu atidai aiek, um imiatamaig cama.

Jeremaia 3:19

Ja kis ika ainyak, Ekpu ehvati euc ainyak ehele ilpu halav unyak, um alupai euc inpece esjilid, nuarin upene mika eri ahtag pam iran a nup urai iji pece? kis lep ika ainyak, Namu anvi nidak aiek par ika Etmak, um eti lep adumoij pan vai nyak.

Jeremaia 31:22

Na ahced jipe aiek um yetpan an nahopan, ak inhalav atahig imipalea? et mun ago nitai mat an pece a Ihova, Etpu ahau pan natamaig emda a intakata.

Jeremaia 31:9

Eru wit apani ara, erupu ehtigtaig ara, eku wit imiapam ra ainyak, erupu alaigaheni ara: ekpu atau ira ra ainyak ui ofowai an nefalaig atoh, erupu eti epihtau iran ara: ek idim etmai Isreel ainyak, et hal unyak inmeto a Ifreem.

Hosia 2:15

Eru wit ahes eahki aien, ekpu alupai jin niji ahapol vaine o un ainyak, im niskanse Ekor uri neucse neom er aitgai itai iran: etpu acesaces nohrai itai aien eahki, et idivaig an nopan iyehki is wat atahig aien, um lep idivaig an nopan iyehki is ahes an pece Ijipt aieu um aridjipam.

Malakai 1:6

Et ecen vai etman a inhal o un, et lep ecen vai natimi alupas o un a naheca o un: ek idim etmai ilpu atimi unyak ainyak, ja era eti ecen vai nyak ara; ek idim atimi alupas u ilpu aheca unyak ainyak, ja era eti imtitai nyak ara; et uce intas o Ihova ehelemia, ak ilpu atimi ahlap iji igki, eka amcel vai nidak aijaua. Ja eka ika aijaua, Ecra mun amcel vai nidam an he aijama?

Malakai 2:14

Ja eka ika aijaua, Et a uri aien? Vaig inig nikavaig, et atimi asuptecnaig a Ihova vai euc im lep vai ehgam as leh yin aiek an takuras unyum, na mun efaifa vai yin aiek: ja et atimi atau iram aien, im lep ehgam as asig yi aktit intas unyum vai yin aiek.