Jeremaia 3:3 - Intas Etipup

³ Va nitai inigki et mun eti ehe, et mun lep eti asuol incopda apitac; ja et eteuc; ehelum nesganimtai intakata ago ingeijid, na mun imiisjis aiek, et ehka vai euc mika an ehcamai aiek.

Jeremaia 3:3 Iomraidhean Croise

Jenesis 19:34

Is wat lahlah an tak apnyin, is ika a inmeto ehele inharei, Ek mun idim amen ainyak ehele etmaijau an nepig iyehki: tu lep aluman waina akaijau an nepig inigki; namu apan aiek, um amen ehelen, mika tu asvalav vai etmaijau akaijau.

Nihemaia 9:17

um eti imiaiji, eris lep eti aktaktai nedo imiali unyum ara as ago aiek ehele ra; ja eris imipalea ara, um ati natimi alupas imi ra an liinmopora ahnag mika eri adumoij ara u nauanaheca ura: ja na Atua iknipagki nedo has aiek, um aiheuc va atimi, um eti eriss ira ra, um eti fi atavaitap, um esjilid naiheuc unyum, um eti udei ra.

Niji tas Arapakau 21:29

Aien et imtedoa nesganimtan aien, et atimi auatatimi aien: ja et aktaktai nedo o un a natimi upene.

Aiseya 5:6

ekpu lep ika ainyak yi amasacen: eri eti acaldei ran et takitai, um eti aminjinaig; etpu edel iran niji itai upunupun im nefelelicai has: ekpu lep acaiji niji apat ainyak, mika eri jim ehe iran.

Jeremaia 14:1

INTAS o Ihova inig is yetpam ehele Jeremia va numlaig has nigki.

Jeremaia 14:22

Et idim eti emda tah irai ilpu atmas era alaigaheni vaig a ilpu atimi apat par ika yi ehe; et idim eti tup ispun ahes an nohatag incopda; na idim Atua aiek, ak Ihova Atua unyima; va nitai inigki ecrupu asgeig iram aijama: na mun idim ago nitai iji igki asega aiek.

Jeremaia 14:3

Eris abrai ilpu aheca ura a ilpu atimi alupas ura mika eri apan ara um athoi wai: eris yetpan u ehpai wai ara, ja eris eti ecetai tah inwai ara; eris adumoij pam ara, is tup ti inwai irai ipjiitai ura; eris ehcamai ara, is imtimlai nesganimtara ara, eris adahpoi nidjinira ara.

Jeremaia 14:4

Eris ehcamai a ilpu atimi ahapol, eris adahpoi nidjinira ara, vaig inig nikavaig, et mun umohau nobohtan, is eti asuol incopda an nobohtan.

Jeremaia 36:2

Namu leh nitaasviitai aiek, um aged iran intas asega iji ig ek mun asuptecnaig ehelum ainyak vai nup Isreel, im lep vai nup u Juta, im lep vai nup urai iji elcau asega, ahes an nadiat iyehki kis uhup um tas ehelum ainyak, ahes irai adiat u Josaia marom um imihum pam an nadiat inigki.

Jeremaia 5:24

Era lep eti ika ara an liinmopora, Va nitai inigki intumu imtitaig Ihova Atua uja akaija, aien aigki et alupai caija incopda aien, incopda uhup im incopda apitac marom, an nopan o un: et lep aminjinaig vai caija aien niji opan eris ati par asjapicnaig nohwai itai iran.

Jeremaia 5:25

Et mun imiadumoij pam nitai iji igki nedo acalacal unyimia, et mun lep atapnes niji itai upene vai caua nedo has unyimia.

Jeremaia 5:3

Ak Ihova, na mun idim ati nesganimtam aiek irai ra sji igki era ago nedo inveijec ara; na mun aredei ra aiek, ja era mun eti taigtaig ara; na mun auahas ra aiek, ja era ika ara eri eti leh nesege unyum ara: era mun ago ipjin nesganimtara ara um esjilid an nij; era ika ara eri eti adumoij pam ara.

Jeremaia 6:15

Eris wat ago nedo er amcel vaig ara eris ehcamai ara, ka oʼo? Oʼo, eris idim eti ehcamai ara, is eti imtimlai nesganimtara ara: va nitai inigki erupu eropropse ara ehele ilpu atimi iji ig era eropropse ara: et ika a Ihova, Eku wit ateghe ra ainyak erupu epihtau ara.

Jeremaia 8:12

Eris wat ago nedo inig ara eris amcel vaig, eris ehcamai ara, ka oʼo? Oʼo, eris idim eti ehcamai ara, is eti imtimlai nesganimtara ara: va nitai inigki erupu eropropse ara ehele ilpu atimi iji ig era mun eropropse ara: et ika a Ihova, eku wit ateghe ra ainyak erupu epihtau ara.

Jeremaia 9:12

Et atimi arapakau a di, mika yi ato nitai inigki? im lep aien aigki di et mun tas ehelen a Ihova an nipjineucsen, mika yi asuptecnaig nitai inig aien, er auahas inpece vaig, et lep umaruma, um idivaig namasacen, et lep eti ahced inpece tah?

Esikiel 3:7

Ja erupu esjum a nup Isreel par atahaijeg euc; era idim esjum ara par atahaijeg nyak: et acen nesganimtai nup Isreel asega, et lep ipjin inliinmopora.

Levitikus 26:19

Ekpu lep asvi nemda u inliinmopomia ijinies ainyak; ekpu ika ainyak yi idivaig aiurn nauanohatag unyimia, um idivaig bras inpece unyimia:

Emos 4:7

Is wat ti pan itac inmohoc is eseij ja is par meto nohwai itai, kis mun atapnes incopda vai caua ainyak: kis ika ainyak yi ehe an maliyum is ethi, um ika yi jim ehe an maliyum is eche: is ehe an pece is ethi, ja is imlai inpece inig is eti ehe iran.

Emos 4:8

Eris apan a nup uran maliyum is ero ka is eseij an maliyum is ethi, eris unmyi wai eahki ara, jam eti ehgin wai ara: ja et ika a Ihova; Eka mun eti adumoij pam ehelek aijaua.

Sefanaia 2:1

AKUMU asjapicnaig caua aijaua, uhmu asjapicnaig caua, ak nup uran pece inig er eti merit vai caua;

Sefanaia 3:5

Et amen ehele ra a Ihova inig et atoh nedo o un; et eti ago tah nedo acalacal aien: et ika aien yi ehcohos pam irai iji uhialeg nedo atoh o un, et eti atumop aien par auritai; ja era eti ato nehcamai ara sji ig et acalacal nedo ura.

Haceai 1:11

Im lep inig, ek mun ika ainyak yi alupas nagesega an pece, im lep irai iji au, im lep irai korn, im lep irai nide vaine, im lep irai narakei oliv, im lep irai iji itai et ededel an nobohtan, im lep ira atimi, im lep irai iji itai eklim edo irai pece, im lep irai auritai asega u ikmamia.

Tyuteronome 28:23

Inyi bras nohatag ithamia ijinies, inyi lep aiurn nobohtan ithan neduomia.

Ilpu Hibru 12:25

Akumu aktaktai aijaua, um jim esjum vai yin et tas aien: el eris eti ethai yin ara eris esjum vai yin ara is tas aien an nobohtan, etpu ehka vai caija nethai yin vaig, ele ta atidjaija akaija iran et tas aien an nohatag: