Jeremaia 3:21 - Intas Etipup

²¹ Eh mun ahgei nohra atimi irai uarin ijinies, era mun ehtigtaig a nup Isreel um alaigaheni: vaig inig nikavaig, era mun ago nedo imipalea ara, era mun ahnag irai Ihova Atua ura ara.

Jeremaia 3:21 Iomraidhean Croise

Nitaasviitai u Job 33:27

Et acesaces ohraiitai ehele atimi aien, um ika, Ek mun ago nedo has ainyak, um imipalea nedo atoh; jai eris eti aru irak vaig;

Niji tas Arapakau 10:9

Aien et ago nedo atoh aien, et atga upene aien: ja aien et ago nedo efaifa aien, uhpu ato yin.

Niji tas Arapakau 19:3

Et wat auahas yin tah natimi va nedo ahnag o un, et edemda inliinmopon aien vai Ihova vaig.

Aiseya 15:2

Era aridjipan ara an neom itap, im lep i Taibon, niji uarin ijinies, mika eri ehtigtaig: era aunyauwaig a nup u Moab an maliyum Nibo, im lep an maliyum Meteba: et igpit nidjinira asega, eh mun ucsei ingeijira asega.

Aiseya 17:10

Vaig inig nikavaig, eka mun ahnag ira Atua imiatamaig caua aijaua, um eti imiehva inhehteuc inig et ahes iran nemda unyimia, va nitai inigki akumu ago intinai itai eklim upene aijaua, um ahwaig niji raicai an taka pece iran.

Aiseya 57:11

Na mun imtitaig di aiek um etehto, mika na asan tas ahcil aiek? na mun eti lep imiehva nyak aiek, na mun eti aktaktai an liinmopom aiek, na idim esjum aiek par ecen vai nyak, vaig inig nikavaig, ek mun eti tas ainyak itu acen um imihum pam an nopan inig.

Jeremaia 12:12

Era mun yetpam a ilpu atimi atoraliak itai irai iji uarin ijinies an namasacen: etpu atgei atimi a Ihova an nauitoga o un ahes an nilpun pece et ethi um yetpan an nilpun pece et eche: etpu eti eteuc nigpa vaig tah natimi.

Jeremaia 13:25

Et ika a Ihova, Nimtan imi euc nigki, neruvaig inig et ahes ehelek ek mun asjaaicnaig iran imtam ainyak; vaig inig nikavaig, na mun ahnag irak aiek, um ateuc an tas ahcil.

Jeremaia 18:15

Ja era mun udei nyak a ilpu atimi unyak, era mun atnamud nitai auanipin upene vai ilpu atmas ura, era mun epihtau ara irai efalaig ura, eris atcijaig niji efalaig itu ara mika eri atga irai efalaig et eche, an nefalaig eti assijai;

Jeremaia 2:32

Et ehka vaig tah natahig par ahnag irai iji itai yecrei yin iran, ka natahig inig et atidai aien par ahnag irai itai aso yin, ja era mun ahnag irak a ilpu atimi unyak ira adiat iji ig et elika nesvi vaig.

Jeremaia 3:2

Namu iasjipan aiek irai uarin ijinies um almoi; nuarin inig yek eda as eti ago ingeijid iran aiek ehele atimi? As imiiris ra aiek irai efalaig, um aitgaig ra, et idivaig tah nup Arebia an namasacen; na mun auahas inpece inigki aiek an geijid unyum im lep an nedo has unyum.

Jeremaia 31:9

Eru wit apani ara, erupu ehtigtaig ara, eku wit imiapam ra ainyak, erupu alaigaheni ara: ekpu atau ira ra ainyak ui ofowai an nefalaig atoh, erupu eti epihtau iran ara: ek idim etmai Isreel ainyak, et hal unyak inmeto a Ifreem.

Jeremaia 7:29

Namu ucsei numri nidjinum aiek, um ethaigse, um taig alupas irai uarin ijinies; et mun esjum a Ihova vai ilpu atimi iji ig is edemda va ra aien, et mun erekhaig ra aien.

Esikiel 23:35

Va nitai inigki et ika a Natimarid Ihova; Na mun idim ahnag irak aiek, um atidjum irak, va nitai inigki napu idim leh neruvaig nacitak unyum aiek im lep ingeijid unyum.

Esikiel 7:16

Erumu idim aha ara sji igki era aha ara, ja erupu amen irai lola au ara, um idivaig niji alaupa irai iskanse, erupu ehtigtaig ara asega va nedo has ura, athi um athi ehni.

Hosia 13:6

Eris geije ara va nitai caig alupas kis alaa ra ainyak; eris geije ara ja is par ijinies inliinmopora ara; va nitai inigki eris ahnag irak ara.

Hosia 8:14

Era mun idim ahnag ira Atua inig a nup Isreel is ago ra aien, era actai iyum itap ara: era mun ago maliyum et eteuc nathatahau iran et ahinag a nup u Juta: va nitai inigki ekpu ati incap pan irai maliyum ura ainyak, etpu atnamud niji imnim atimi ura incap.

Maika 3:9

Akumu atahaijeg intas inigki aijaua, ak ilpu atimi alupas u ilpu mapoi Jekob, im lep caua ilpu atimi tas alep vai nup Isreel, eka amcel van tas atoh aijaua, um imiacal nedo atoh asega.

Numera 22:32

Is ika ehelen a nagelo o Ihova, As a uri aiek par eceseij aredei togke unyum? ek mun idim ham ainyak par atapnes euc, et idim has nedo unyum an nuhup unyak:

2 Nupu Korindus 7:10

Era adumoij anliinmopura atimi, um leh nitai umoh iran, va nohocred u inliinmopura ineig et ahes ehele Atua, er eti lep taig vaig: ja et atupun inmas nohocred, u inliinmopura ineig et ahes an nobohtan.