Jeremaia 3:2 - Intas Etipup

² Namu iasjipan aiek irai uarin ijinies um almoi; nuarin inig yek eda as eti ago ingeijid iran aiek ehele atimi? As imiiris ra aiek irai efalaig, um aitgaig ra, et idivaig tah nup Arebia an namasacen; na mun auahas inpece inigki aiek an geijid unyum im lep an nedo has unyum.

Jeremaia 3:2 Iomraidhean Croise

Jenesis 38:14

Is atipagki napelumai u intakata tup amen aien, um aso yin an napelumai upene um adahpoi yin, um ateucse an nihtag u efalaig, ubutpotet pan u nefalaig iyehki is yetpan Timnad; is ato a Temar mika is alupas a Sila, ja eris eti fi auroauro um ati yin ehele Sila mika yi ehgan.

1 Ilpu Atimarid 11:3

Is seven huntret (700) ilpu ehnaa o un, ilpu takata esga atimi, im dri huntret (300) ilpu ehnaa o un, ilpu aheca atahig: eris ahidaig inliinmopon a ilpu ehnaa o un.

2 Ilpu Atimarid 23:13

Is lep auahas niji uarin itap a natimarid ubutpotet pan Jerusalem, an nahaijin nedoon eris ago nedo amcel vaig iran an matan, is ago a Solomon natimarid u nup Isreel vai Astarod natmas has u nup u Saiton, im Kimos natmas has u nup u Moab, im Milkom natmas has u nup Amon.

Saam 106:38

eris atgei ilpu halav upene ura ara; maiya, eris atgei ilpu halav atamaig ura ara, im ilpu halav atahig ura; eris ahlap ira ra ui ara vai ilpu atmas u nup u Kenan; is has inpece ura va natgei atmas iran.

Niji tas Arapakau 23:28

Et atpaijinaig atimi aien et idivaig natimi atoraliak itai, et ika aien yi ahinag ilpu atimi ago nedo has ira atimi.

Niji tas Arapakau 7:11

(Et tas ijinies a intakata inigki, um imiisjisitai; et eti amense neduon au nimnim o un:

Jeremaia 12:12

Era mun yetpam a ilpu atimi atoraliak itai irai iji uarin ijinies an namasacen: etpu atgei atimi a Ihova an nauitoga o un ahes an nilpun pece et ethi um yetpan an nilpun pece et eche: etpu eti eteuc nigpa vaig tah natimi.

Jeremaia 2:20

Kis ahtasvi nitai ahelwei unyum ainyak itu acen, um asjamud niji itai arore euc; as lep ika aiek, Inki eti imipalea ainyak; ja na mun ahnag aiek, um ago ingeijid irai iji edoon ijinies asega im lep ithai iji cai mat asega.

Jeremaia 2:23

Et ehka vai euc par ika, Ek eti emig ainyak, ek mun eti alaigaheni vai ilpu atmas ainyak; namu almoi nefalaig unyum an niskanse aiek, namu ato nitai inig aiek na mun ago aiek: na idivaig kamela atahig tupko aiek et auroauro um alupas aien um athut irai efalaig o un;

Jeremaia 2:7

Kis um imiapam caua ainyak lan pece upene, mika aki hegaig nohwai itai iran aijaua, im niji itai upene iran: ja akis wat apam an pece unyak aijaua, akis auahas inpece unyak aijaua, um ika yi itai amcel vaig inpece upene unyak.

Jeremaia 3:1

ERA ika ara, El et abraig pagki ehgan tah natimi, el et lep udei jin aien, um apan um amen ehele intak atamaig um ehgan, etpu lep adumoij pan a natimi uhup um leh yin ehgan, ka oʼo? Oʼo; el eh ago nedo inigki, uhpu auahas alupas inpece iyehki; na mun idim ago ingeijid aiek ehele ilpu atamaig et ahinag; ja et ika a Ihova, Namu adumoij pam ehelek aiek.

Jeremaia 3:13

Namu idim asuptecnaig nedo has unyum aiek, mika na mun imipalea intas o Ihova Atua unyum aiek, um ago nedo has ehele ilpu atimi wai iji taka pece ithai cai mat asega; et lep ika a Ihova, Na mun eti atahaijeg intas unyak aiek.

Jeremaia 3:21

Eh mun ahgei nohra atimi irai uarin ijinies, era mun ehtigtaig a nup Isreel um alaigaheni: vaig inig nikavaig, era mun ago nedo imipalea ara, era mun ahnag irai Ihova Atua ura ara.

Jeremaia 3:9

Is idim uco, is auahas inpece inigki aien vai ingeijid has o un, um ago nedo has vai hat im nilpui cai.

Jeremaia 7:29

Namu ucsei numri nidjinum aiek, um ethaigse, um taig alupas irai uarin ijinies; et mun esjum a Ihova vai ilpu atimi iji ig is edemda va ra aien, et mun erekhaig ra aien.

Esikiel 16:16

As lep leh hal apelumai unyum aiek um yecrei niji uarin itap imtam is acheiachei nago iran, um ago ingeijid iran: eris eti upyi ecetai itai is uce, is idim eti eteuc.

Esikiel 20:28

Kis imiapam ra ainyrak an pece iyehki, kis asig yi aktit intas ehele ra ainyak vaig mika ki alupai ra, eris ecetai niji edoon ijinies asega ara, im niji cai alupas asega, eris lep ahlap eahki irai iji itai ahlap ura ara, eris lep ahtai eahki niji itai tup ahtai ura ara er edemda vaig: eris lep ago eahki niji itai auanipin upene ura ara, eris lep atladwi eahki niji itai ahlap ura ara er umnyi.

Hosia 2:5

Is idim ago ingeijid a risra: is ago nedo maumau aien is apos ra aien: is idim ika aien, Ekpu apitac ilpu atamnyu unyak ainyak, era mun alupai nyak itai hegaig incak ara, im inwai lumak, im nalau irai siip unyak, im nerin cat unyak, im narakei oliv unyak, im nide vaine unyak.

Lukas 16:23

is erekinman iran aien an pece has, is easji pan aien, um ecet Ebraham itac acen, im lep Lasarus an ritin.

Tyuteronome 12:2

Akumu auahas ehni niji uarin asega aijaua, eris auanaheca u ilpu atmas ura iran a nup urai pece iji ehki akupu ohuun aijaua, irai lola au, im lep irai hakli edoon, im lep ithai cai mat asega: