Jeremaia 3:16 - Intas Etipup

¹⁶ Etpu idim uco, aku wit asvalav aijaua um ahinag an pece, et ika a Ihova, An nopan iyehki erupu eti lep aketo ara um ika, Nelcau an tas etipup u Ihova: erupu eti lep imiacitak vaig an liinmopora ara: erupu eti lep imiehva ara, erupu eti lep aktaktai vaig ara; uhpu idim eti lep ago nelcau inigki.

Jeremaia 3:16 Iomraidhean Croise

Aiseya 60:22

Erupu idivaig wun dausant a ilpu atimi eti elpat, um lep idivaig nup urai pece inyi ahinag a ilpu atimi tup eseij ache: ekpu ika ainyak Ihova yi auroauro nopan o un.

Aiseya 61:4

Erupu ohyiomod nimnim iji ig ara is echedeliek itu acen, erupu imiyitidai neom iji ig ara is jase asega an nopan iyehki, erupu ehteduo inmaliyum iji ig ara eris alcapdicraig, im niji uarin is ahyuahyu an nopan iyehki itu acen.

Aiseya 65:17

Akumu idim ato aijaua mika, ekpu ago nohatag mat im nobohtan mat ainyak: uhpu eti imiehva niji itai itu, uhpu eti aktaktai an liinmopoi atimi vaig.

Jeremaia 3:17

An nopan iyehki erupu anvi nidan Jerusalem ara par ika nitai ateuc u Ihova nigki; erupu asjapicnaig Jerusalem a nup urai iji pece asega vai nidai Ihova: erupu eti lep ago ara et idivaig naktaktai u inliinmopora has.

Jeremaia 30:19

Etpu ahes ehele ra intas naaurinig im lep nohrai ilpu atimi imiacitak: ekpu ika ainyak eri ahinag ara, erupu eti tup eseij ache ara; ekpu ika ainyak eri ilpu atimi alupas ara, jam eti ilpu ihki atimi.

Jeremaia 31:27

Et ika a Ihova, Akumu ato aijaua mika, etpu yetpam nopan iyehki ekpu ika ainyak ehele nup Isreel im lep ehele nup u Juta eri ahinag natimi ura, im lep niji itai eklim edo irai pece ura.

Jeremaia 31:8

Akumu ato aijaua mika, ekpu lucsei ra ainyak an pece inig et ahes iran narutu um imiapam ra, ekpu lep asjapicnai ra ainyak irai tid an nobohtan, erupu ahced ra a ilpu atimi apat nesganimtara, im ilpu atimi asvahteuc neduora, im ilpu takata opoc, im ilpu takata iji ig erupu ika ara eri apos ilpu hal ura: erupu ehradumoij pam igcaki niji ira atimi inyi alupas.

Jeremaia 7:4

Akumu jim asgeig irai ra sji igki aijaua era asan tas ahcil ara, um ika, Neom ahlap u Ihova, Neom ahlap u Ihova, Neom ahlap u Ihova nigki.

Esikiel 15:5

Eka ato aijaua, is wat eteuc asega, is eti upene vaig tah nitai: ja etpu evago mika yi upene um ago itai vaig, et wat atnamud incap um lep cas?

Esikiel 37:26

Ekpu ati intas etipup ehele ra ainyak mika ecri asan nigpa jipe aijama; etpu amen ehele ra irai iji mesese intas etipup inigki: ekpu ikni aktit ra ainyak, um ika eri ahinag ara, ekpu lep ati neom itap unyak ainyak ehele ra irai iji opan asega.

Emos 9:9

Ekpu idim asaig ainyak, um ika eri terimterim a nup Isreel ehele nup urai iji pece asega, et idivaig er irara hwiit an nitai irara, ja inja eti etjose tah nupsi hwiit au nobohtan.

Sefanaia 3:11

An nopan iyehki akupu eti ehcamai aijaua va niji edo asega unyimia, eka mun imipalea nyak vaig aijaua: an nopan iyehki ekpu idim iknipagki ra sji igki iramia ainyak era imiacitak nedo ijinies ura ara, akupu eti lep ago nedo ijinies aijaua an nedoon itap unyak.

Madius 1:11

is apos Jekonaia im ilpu etoan a Josaia ubutpotet u naopan iyehki eris imyiapan ra Babelon:

Madius 3:9

akumu jim aktaktai anliinmopomia aijaua, um ika, Et etpoija a Ebraham; ek asaig ehelemia ainyak mika, Et emda a Atua par imyiatidai ilpu halav imi Ebraham irai hat iji eigki: