Jeremaia 3:12 - Intas Etipup

¹² Namu apan aiek um yiaspan an pece inig et ahes narutu iran, um asuptecnaig intas iji igki, um ika, Et ika a Ihova, Namu adumoij pam ehelek aiek, ak Isreel intakata imipalea, ekpu eti edemda vai euc ainyak; et lep ika a Ihova, Ek aiheuc vai euc ainyak, ekpu eti atavaitap ainyak irai iji mesese.

Jeremaia 3:12 Iomraidhean Croise

Jenesis 4:7

El et upene nedo unyum, etpu upene inliinmopok ainyak vai euc; ja el et eti upene nedo unyum, et amen nitai ahlap an neucse neom unyum. Etpu imiaiji intas unyum aien, napu esjilid iran aiek.

2 Ilpu Atimarid 15:29

Is ham a Ticlad-peliiser natimarid an pece Asiria an nopan u Pika natimarid u nup Isreel, um atoraliak Aijon,im Ebel-bed-meaka, im Janoa, im Kites, im Hesor, im Cileat, im Calili, inpece Naftalai asega marom, um lucsei pan natimi an pece Asiria.

2 Ilpu Atimarid 17:23

um imihum pam an nopan iyehki is iknipagki nup Isreel a Ihova an nuhup o un, is idivaig is asaig aien irai ilpu aheca asega o un ilpu profeta. Eris idim lucsei nup Isreel an pece ura um imiapan ra an pece Asiria, um imihum pam an nopan inig.

2 Ilpu Atimarid 17:6

Is atoraliak Sameria a natimarid Asiria an mesese naind irai Hosia, um lucsei pan nup Isreel an pece Asiria, um ikni ra an pece Hela im Hebor ubutpotet pan u nofowai Cosen, im lep irai iji maliyum u nup u Mitia.

2 Ilpu Atimarid 18:1

IS atupun a Hesekaia inhal u Ehas natimarid u nup u Juta, um atimarid, an mesese dirt irai Hosea inhal a Ila natimarid u nup Isreel.

2 Niji Tas Eled 29:10

Ja et ika inliinmopok ainyak ti asan tas aktit akaija ehele Ihova Atua u nup Isreel, va etpu atipagki iraija nedemda alupas o un aien.

2 Niji Tas Eled 30:9

El eka adumoij pam ehele Ihova aijaua, erupu aiheuc vai ilpu etwamia im ilpu hal unyimia an nuhup ura a ilpu atimi iji ig era lucsei pan ra ara, va erupu adumoij pam an pece inigki ara: et aiheuc va atimi a Ihova Atua unyimia, um eti eriss ira ra, inyi eti atidjin iramia aien, el eka adumoij pam ehelen aijaua.

Saam 103:17

Ja et amen naiheuc u Ihova vai ra sji igki era imtitai yin ara ahes itu acen um yetpan irai iji mesese, im lep nedo atoh o un irai ilpu mapora;

Saam 103:8

Et eti eriss irai ilpu atimi o un a Ihova, ja et aiheuc vai ra aien; et eti fi auroauro aien um atavaitap, ja et esjilid naiheuc o un.

Saam 103:9

Inyi eti imiisjis ehele atimi um yetpan irai iji opan aien: inyi eti lep edemda aien irai iji mesese.

Saam 145:8

Et aiheuc va atimi a Ihova, um eti eriss ira ra; et eti auatiemda aien, et lep esjilid naiheuc o un.

Saam 79:5

Ak Ihova, napu edemda vai cama aiek um yetpan an nohopan? etpu ere intavaitap unyum et idivaig incap irai iji mesese, ka oʼo?

Saam 86:15

Ak Natimarid, na Atua aiheuc va atimi aiek, um eti eriss ira ra, um eti auatiemda nedo unyum: et esjilid naiheuc unyum im nedo inveijec unyum.

Saam 86:5

Ak Natimarid, na idim upene aiek, um eti fi aru nedo has; et lep esjilid naiheuc unyum vai ra asega era ahlaig vai euc ara.

Niji tas Arapakau 28:13

Aien et adenaig nedo has o un aien, etpu eti amen upene aien: ja aien et asuptecnaig nedo has o un aieu um udei, uhpu eti aru iran.

Aiseya 31:6

Akumu adumoij pam aijaua ehelen eris idim imipalea alupas intas o un a nup Isreel.

Aiseya 44:22

Ek mun ohpodohpod nedo has unyimia ainyak, et idivaig napat, im lep niji auatatimi unyimia, et idivaig inmoso: akumu adumoij pam ehelek aijaua; ek mun idim imiatamaig caua ainyak.

Jeremaia 11:6

Is um ika ehelek a Ihova, Namu asuptecnaig intas iji igki asega aiek irai iji maliyum an pece Juta, im lep irai iji efalaig Jerusalem, um ika, Akumu atahaijeg niji tas an tas etipup inigki aijaua, um imiaiji.

Jeremaia 12:15

Etpu idim uco, eku wit iknipagki ra ainyak ekpu adumoij pam ainyak, um aiheuc vai ra, um lep imiapam ra asega irai iji uari obohtan ura, im lep irai iji pece ura, athi um athi ehni.

Jeremaia 23:8

ja erupu ika ara, Et idim umoh a Ihova inig is lucsei ilpu mapoi 9 Isreel aien an pece inig et ahes narutu iran um imiaridjipam ra igcaki, im lep irai iji pece asega kis ahau pan ra iran ainyak; is atau imi ra aieu mika eri amen an pece ura ara.

Jeremaia 3:1

ERA ika ara, El et abraig pagki ehgan tah natimi, el et lep udei jin aien, um apan um amen ehele intak atamaig um ehgan, etpu lep adumoij pan a natimi uhup um leh yin ehgan, ka oʼo? Oʼo; el eh ago nedo inigki, uhpu auahas alupas inpece iyehki; na mun idim ago ingeijid aiek ehele ilpu atamaig et ahinag; ja et ika a Ihova, Namu adumoij pam ehelek aiek.

Jeremaia 3:14

Et ika a Ihova, Akumu adumoij pam ehelek aijaua, ak ilpu atimi imipalea, ek mun atimarid unyimia ainyak: ekpu lucsei caua ainyak, nikavaig, natimi et ethi an maliyum et ethi, im natimi et ero an pece et ethi, um imiapam caua Saion:

Jeremaia 3:18

An nopan iyehki erupu apan a nup u Juta ehele nup Isreel, erupu ehratga ara ahes an pece inig et ahes narutu iran, um ehrapam an pece inig kis ika ainyak ki alupai ilpu retpomia mika eri amen iran ara.

Jeremaia 3:22

Akumu adumoij pam ehelek aijaua, ak ilpu atimi imipalea, ekpu ika ainyak aki eti lep imipalea aijaua. Namu alum cama aiek, ecra mun ham ehelum aijama; na idim Ihova Atua unyima aiek.

Jeremaia 3:5

Etpu idim eti edemda aien irai iji mesese; etpu idim eti atavaitap aien irai iji opan asega; na mun idim asan tas has aiek um lep ago nedo has, na lep emda aiek um imiisjis.

Jeremaia 3:7

Is wat ago nitai iji igki asega aien, kis ika ainyak, Namu adumoij pam ehelek aiek. Ja et mun eti adumoij pam aien. Is almoi nedo o un a etwan efaifa Juta.

Jeremaia 30:11

Et ika a Ihova, Ek idim amen ehelum ainyak mika ki imiatamaig euc; el ek auahas ehni nup urai iji pece asega iji ig ainyak ek mun ahau pan euc iran ainyak, ekpu eti auahas ehni euc ainyak: ja ekpu eklim acaiji euc ainyak, um eti aru alupas iram.

Jeremaia 31:20

Et ika a Ihova, Et idim halav cap unyak a Ifreem; et halav atimi unyak aien; ek mun imiehva upene yin ainyak ahes an nopan iyehki kis tas ehelen ainyak um imihum pam an nopan inig: va nitai inigki ek aiheuc vai yin ainyak; ekpu idim eti eriss iran ainyak.

Jeremaia 31:21

Namu atijai niji itai asjaaicnaig an nefalaig imtam aiek, namu aduwi niji auicai opra aiek: etmu aktaktai nefalaig asega inliinmopom aiek: namu adumoij pam aiek an nefalaig inig as apan iran aiek, ak inhalav atahig u nup Isreel, adumoij pam aiek irai maliyum iji igki unyum.

Jeremaia 31:8

Akumu ato aijaua mika, ekpu lucsei ra ainyak an pece inig et ahes iran narutu um imiapam ra, ekpu lep asjapicnai ra ainyak irai tid an nobohtan, erupu ahced ra a ilpu atimi apat nesganimtara, im ilpu atimi asvahteuc neduora, im ilpu takata opoc, im ilpu takata iji ig erupu ika ara eri apos ilpu hal ura: erupu ehradumoij pam igcaki niji ira atimi inyi alupas.

Jeremaia 33:26

et idim uco, ekpu idim ikni aktit ainyak ilpu mapoi Jekob; im lep ilpu mapoi Tevit naheca unyak, mika ki ehtai hal irai ilpu mapon par atimarid irai ilpu mapoi Ebraham, im Aisak, im Jekob: vaig inig nikavaig, ekpu imiadumoij pam ilpu atimi ura iji ig ainyak eris imiapan ra irai iji taka pece, ekpu lep aiheuc vai ra ainyak.

Jeremaia 4:1

ET ika a Ihova, El eka merit aijaua par adumoij pam, ak nup Isreel, akumu adumoij pam ehelek aijaua: im lep inig, el eka iknipagki niji itai er amcel vaig unyimia aijaua an nuhup unyak, akupu eti apan aijaua an taka uarin.

Niji tas taigtai 3:22

Et aiheuc vai cama a Ihova eh mun eti auahas cama, vaig inig nikavaig, et eti tiih nedo aiheuc o un.

Esikiel 11:17

Va nitai inigki namu ika aiek, Et ika a Natimarid Ihova; Ekpu asjapicnaig pam caua ainyak ehele nup urai iji pece, um imiapam caua ahes irai pece iji ig eris terimterim iramia iran, ekpu lep alupai caua inpece Isreel ainyak.

Esikiel 33:11

Namu ika ehele ra aiek, Et ika a Natimarid Ihova; Ek umoh ainyak, et idim uco, et eti upene irak mika eri emesmes a ilpu atimi auatatimi; ja mika eri adumoij an nedo ura a ilpu atimi auatatimi iji ehki, um umumoh: akumu adumoij aijaua, akumu adumoij aijaua va nedo has unyimia; eka a uri aijaua um merit mika aki emesmas aijaua, ak nup Isreel?

Esikiel 39:25

Va nitai inigki et ika a Natimarid Ihova; An nopan inig ekpu imiadumoij ilpu ohna u ilpu mapoi Jekob ainyak, um aiheuc vai nup Isreel asega, um aktaktai alupas va nidak inig et upene.

Hosia 6:1

AKUMU apam aijaua, ti adumoij pan akaija ehele Ihova: et mun idim ces yi oplecoplec caija aieu, etpu lep ago cehcehe caija aien; et mun auud caija aien, etpu lep arore mocop iraija aien.

Levitikus 26:40

Ja el era asuptecnaig nedo has ura ara, im nedo has u ilpu retpora, im nedo imipalea ura eris imipalea intas unyak vaig ara, um lep imiisjisitai vaig ehelek;

Sekaraia 1:4

Akumu jim idivaig ilpu retpomia aijaua, eris tas emda ehele ra a ilpu profeta eris uhup ara, um ika, Et ika a Ihova esjilid acen; Akumu adumoij aijaua an nopan inig irai efalaig has unyimia, im nauritai has unyimia: ja et ika a Ihova, Eris eti atahaijeg ara, um eti atgeig pam intikgara vai nyak.

Tyuteronome 30:2

um adumoij pan ehele Ihova Atua unyimia, um imiaiji intas o un va niji itai asega ek asaig ehelemia ainyak an nadiat inigki, aijaua im ilpu hal unyimia, an liinmopomia asega, im nemda asega unyimia;