Jeremaia 3:10 - Intas Etipup

¹⁰ Ja et ika a Ihova, Eris wat ago nitai iji igki asega et mun eti adumoij pam ehelek a etwan efaifa Juta au liinmopon asega, ja et ahcil vai nyak aien.

Jeremaia 3:10 Iomraidhean Croise

2 Niji Tas Eled 34:33

Is iknipagki niji itai has asega a Josaia irai iji uari pece u nup Isreel, um ika ehele atimi asega eris amen an pece Isreel ara eri aheca u Ihova Atua ura. Eris eti atidji ra ara irai Ihova Atua u ilpu retpora ara ira adiat asega o un.

Saam 18:44

Eni wit atahaijeg vai nyak ara, erupu imiaiji intas unyak ara: erupu efaifa a nup urai taka uarin, um atpuse an nuhup unyak.

Saam 66:3

Akumu ika ehele Atua aijaua, Er imtitaig alupas nauritai unyum! erupu imiahpas euc jam ahcil a ilpu atimi tak atimi iram va nemda unyum.

Aiseya 10:6

Ekpu abrai yin ainyak mika yi apan ehele nup uran nelcau efaifa, im lep ehele ilpu atimi iji ig ek edemda vai ra ainyak; ekpu asaig ehelen ainyak mika yi tup lucsei naga ura an nedoa aien, um atoraliak niji itai ura, um auwihise atimi et idivaig nosal irai efalaig.

Aiseya 29:13

Is ika a Natimarid, Vaig inig nikavaig, era apam ubutpotet ehelek a nup igcaki an nipjineucsera, um imiahpas nyak an tas ura, ja era ati itac acen vai nyak inliinmopora ara, era lep ecen vai nyak ara vai intas alep u ilpu atimi iji ig era esege imi ra ara:

Aiseya 31:6

Akumu adumoij pam aijaua ehelen eris idim imipalea alupas intas o un a nup Isreel.

Jeremaia 11:10

Era mun ahidaig pan ra ara u nedo has u ilpu retpora iji ig, eris esjum ara par atahaijeg intas unyak; eris apitac ilpu atmas irai taka pece ara par aheca ura: era mun auahas intas etipup unyak inig a nup Isreel im nup u Juta kis asaig ainyak imi ilpu retpora.

Jeremaia 12:2

As mun ahwai ra aiek, era mun umumoh ara va neucvara: era ededel ara um oho: na ubutpotet aiek u nipjineucsera, ja na itac acen aiek u inliinmopora.

Jeremaia 9:1

EK merit alupas ainyak mika yi idivaig inwai yah nidjinik, um idivaig nimtanwai nidiimtak, mika ki taig ainyak irai iji adiat im niji epig, vai ilpu atimi eris atgei u inhalav atahig u nup urau pece unyak!

Hosia 7:14

Era eti ugyi nyak an liinmopora ara, ja era aunyauwaig ara irai tinara: era asjapicnai ra ara va nitai caig im waina mat; era imipalea intas unyak ara.

Emos 4:9

Kis auahas caua ainyak an memid u itai im nimlai u itai: eris caig niji ahapol unyimia, im niji vaine unyimia, im niji ateg unyimia, im niji oliv unyimia, niji pak irai heled: ja et ika a Ihova, Eka mun eti adumoij pam ehelek aijaua.

Malakai 2:11

Era mun ago nedo efaifa a nup u Juta, era mun ago nedo amcel vaig a nup Isreel im lep nup u Jerusalem, era mun auahas nitai inig is itap ura vai Ihova a nup u Juta, nitai inig marom is merit vaig aien, era mun lucsei ilpu halav atahig u ilpu atimi apat ara mika eri ehnaa ura.