Jeremaia 3:1 - Intas Etipup

¹ ERA ika ara, El et abraig pagki ehgan tah natimi, el et lep udei jin aien, um apan um amen ehele intak atamaig um ehgan, etpu lep adumoij pan a natimi uhup um leh yin ehgan, ka oʼo? Oʼo; el eh ago nedo inigki, uhpu auahas alupas inpece iyehki; na mun idim ago ingeijid aiek ehele ilpu atamaig et ahinag; ja et ika a Ihova, Namu adumoij pam ehelek aiek.

Jeremaia 3:1 Iomraidhean Croise

Saam 106:38

eris atgei ilpu halav upene ura ara; maiya, eris atgei ilpu halav atamaig ura ara, im ilpu halav atahig ura; eris ahlap ira ra ui ara vai ilpu atmas u nup u Kenan; is has inpece ura va natgei atmas iran.

Aiseya 24:5

Era mun auahas nitap an pece a ilpu atimi amen iran; vaig inig nikavaig, eris mun atladwi intas alep u Atua ara, um atipagki intas itap o un, um auahas intas etipup inyi eti lep ti o un.

Jeremaia 2:20

Kis ahtasvi nitai ahelwei unyum ainyak itu acen, um asjamud niji itai arore euc; as lep ika aiek, Inki eti imipalea ainyak; ja na mun ahnag aiek, um ago ingeijid irai iji edoon ijinies asega im lep ithai iji cai mat asega.

Jeremaia 2:23

Et ehka vai euc par ika, Ek eti emig ainyak, ek mun eti alaigaheni vai ilpu atmas ainyak; namu almoi nefalaig unyum an niskanse aiek, namu ato nitai inig aiek na mun ago aiek: na idivaig kamela atahig tupko aiek et auroauro um alupas aien um athut irai efalaig o un;

Jeremaia 2:7

Kis um imiapam caua ainyak lan pece upene, mika aki hegaig nohwai itai iran aijaua, im niji itai upene iran: ja akis wat apam an pece unyak aijaua, akis auahas inpece unyak aijaua, um ika yi itai amcel vaig inpece upene unyak.

Jeremaia 22:20

Namu aridjipan Lebanon aiek, um ahlaig; etmu ijinies nohram Besan, ahlaig aiek an natcai van pece: eh mun auahas ra sji igki asega eris merit vai euc

Jeremaia 3:22

Akumu adumoij pam ehelek aijaua, ak ilpu atimi imipalea, ekpu ika ainyak aki eti lep imipalea aijaua. Namu alum cama aiek, ecra mun ham ehelum aijama; na idim Ihova Atua unyima aiek.

Jeremaia 3:9

Is idim uco, is auahas inpece inigki aien vai ingeijid has o un, um ago nedo has vai hat im nilpui cai.

Jeremaia 31:22

Na ahced jipe aiek um yetpan an nahopan, ak inhalav atahig imipalea? et mun ago nitai mat an pece a Ihova, Etpu ahau pan natamaig emda a intakata.

Jeremaia 4:1

ET ika a Ihova, El eka merit aijaua par adumoij pam, ak nup Isreel, akumu adumoij pam ehelek aijaua: im lep inig, el eka iknipagki niji itai er amcel vaig unyimia aijaua an nuhup unyak, akupu eti apan aijaua an taka uarin.

Jeremaia 4:14

Ak nup u Jerusalem, akumu yiri inliinmopomia aijaua, vai nedo has, mika uhpu imiatamaig caua. Etpu amen ehelemia naktaktai has unyimia um yetpan an nahopan?

Niji tas taigtai 1:2

Era taig alupas ara irai epig, et yah alupas nidiimtara irai ehpara: et eti eteuc tah par ago eropse ra irai Apu apa asega ura: era ago nedo efaifa vai ra a ilpu etwara asega, era atimi tak atimi ira ra ara.

Esikiel 16:26

As lep ago ingeijid aiek ehele nup Ijipt ilpu atimi eblaamnem unyum, et alupas nohura; um ika yi ahinag ingeijid unyum, mika an auahas inliinmopok.

Esikiel 16:30

Et ika a Natimarid Ihova; Et idim auatialidi inliinmopom aiek par ago nitai iji igki asega, niji auritai marom u intakata inig et imiisjis aien par ago ingeijid;

Esikiel 16:35

Va nitai inigki namu atahaijeg intas o Ihova aiek, ak intakata ago ingeijid:

Esikiel 33:11

Namu ika ehele ra aiek, Et ika a Natimarid Ihova; Ek umoh ainyak, et idim uco, et eti upene irak mika eri emesmes a ilpu atimi auatatimi; ja mika eri adumoij an nedo ura a ilpu atimi auatatimi iji ehki, um umumoh: akumu adumoij aijaua, akumu adumoij aijaua va nedo has unyimia; eka a uri aijaua um merit mika aki emesmas aijaua, ak nup Isreel?

Hosia 1:2

Natupun u intas o Ihova ehele Hosia nigki. Is ika? a Ihova ehele Hosia, Namu apan aiek, um leh intakata ago nedo has mika yi ehgam, um apos ilpu halav imtam an geijid: era mun ago ingeijid alupas natimi an pece, nikavaig, era mun imipalea Ihova ara.

Hosia 2:2

Akumu imiisjis emda ehele risimia aijaua, maiya, akumu imiisjis emda ehelen aijaua: et idim eti ehgak aien, ek lep eti atamnyu un ainyak: etmu atipagki ingeijid o un an nesganimtan aien, im nedo has esjilid o un an liinmopon;

Maika 2:10

Akumu atidai aijaua, um atga unyimia; et ti inuarin atumop iran vai caua nigki: et idim has, va nitai inigki uhpu auahas caua, uhpu auahas alupas caua.

Sekaraia 1:3

Et ika a Ihova esjilid acen; Namu tas ehele ra aiek, um ika, Et ika a Ihova esjilid acen; Akumu adumoij pam ehelek aijaua; et lep ika a Ihova esjilid acen, Ekpu adumoij pam ehelemia ainyak.

Madius 5:31

Eris lep ika, Aien et abrai ehgan aien, etmu alupai yin nitasvitai aien va nabrai yin o un:

Tyuteronome 22:21

erumu imiapan natahig iyehki an neucse neom u etman, erumu lep asji yin irai hat natimi an maliyum o un, mika yi mas aien: va nedo o un, nikavaig, is ago nedo ahnag aien ehele nup Isreel, um ago nedo has an neom u etman: et um uco, uhmu atipagki nedo has iramia.

Ilpu Atimi Tas Alep 19:2

Is esjum vai yin a ehgan, um ago ingeijid, um udei yin, um apan an nimnim u etman an maliyum Bedlehem-juta, um amen eahki irai mohoc is for.