Jeremaia 26:5 - Intas Etipup

⁵ par atahaijeg intas o ilpu aheca unyak iji ig ilpu profeta marom, kis abrai ra ainyak mika eri apan ehelemia, kis atidai an nuhialeg ainyak um abrai ra, ja eka mun eti atahaijeg ra aijaua;

Jeremaia 26:5 Iomraidhean Croise

2 Ilpu Atimarid 17:13

Ja is ated nup Isreel a Ihova, im nup u Juta, irai ilpu profeta asega, im ilpu atimi alum itai asega, um ika, Akumu udei nedo has unyimia aijaua, um imiaiji intas alep unyak, im intas asuptecnaig unyak, et idivaig intas asega kis asaig ainyak ehele ilpu retpomia, kis lep ati ehelemia ainyak irai ilpu aheca unyak ilpu profeta.

2 Ilpu Atimarid 17:23

um imihum pam an nopan iyehki is iknipagki nup Isreel a Ihova an nuhup o un, is idivaig is asaig aien irai ilpu aheca asega o un ilpu profeta. Eris idim lucsei nup Isreel an pece ura um imiapan ra an pece Asiria, um imihum pam an nopan inig.

2 Ilpu Atimarid 24:2

Is abraig pan ilpu eucsupo u nup u Kaltia vai yin a Ihova, im ilpu eucsupo u nup u Siria, im ilpu eucsupo u nup u Moab, im ilpu eucsupo u nup Amon, um abraig pan ra Juta mika eri auahas ara, is idivaig intas o Ihova, is asaig aien irai ilpu aheca o un ilpu profeta.

2 Ilpu Atimarid 9:7

Namu idim auud ilpu eteuc irai Ehab aiek natimi alupas unyum, va ekpu aru ainyak irai Jesebel vai inmas u ilpu aheca unyak, ilpu profeta, im lep inmas u ilpu aheca asega u Ihova.

Esra 9:11

as asaig aiek irai ilpu aheca unyum, ilpu profeta marom, um ika, Et has inpece iyehki akupu apan iran aijaua par ohuun, va nedo has u nup urai pece, et idim ohua inpece asega irai iji edo has ura er amcel vaig.

Jeremaia 11:7

Kis ated emda ilpu retpomia ainyak an nopan iyehki kis iknipagki ra ainyak an pece Ijipt, um imihum pam an nopan inig, kis atidai an nuhihialeg ainyak um ated ra, um ika, Akumu atahaijeg nohrak aijaua.

Jeremaia 29:19

Va nitai inigki akumu atahaijeg intas o Ihova aijaua asega iji ig eris imiapan caua an taka; pece, kis lep ika ainyak eri arore caua Jerusalem um imiapan caua Babelon.

Jeremaia 32:33

Era mun atidjira irak ara, um eti alum nyak: kis esege imi ra ainyak, maiya, kis atidai an nuhialeg ainyak um esege imi ra, ja et mun eti atahaijeg tah ira ra par leh nesege imi yin.

Jeremaia 35:15

Im lep inig, ek mun abraig; pan ehelemia ainyak ilpu aheca! unyak asega, ilpu profeta marom, ek mun idim atidai an nuhialeg; ainyak um abraig pan ra, um ika, Akumu idim adumoij pam aijaua um udei efalaig has unyimia, athi um athi ehni, um ago nedo upene, um jim apitac ilpu atmas irai iji taka pece par aheca ura, mika aki amen an pece inig aijaua kis alupai caua ainyak im lep ilpu retpomia: ja eka mun eti atgeig pam intikgamia aijaua, um eti atahaijeg nyak.

Jeremaia 35:17

va nitai inigki et ika a Ihova Atua esjilid acen, Atua u nup Isreel; Akumu ato aijaua mika, ekpu imiapam ehele nup u Juta ainyak, im lep ehele ilpu atimi asega amen Jerusalem nohocred; asega inig ek mun asaig vai ra ainyak: vaig inig nikavaig, ekmun tas ehele ra ainyak, ja era! mun eti atahaijeg ara; ek mun; ahlaig vai ra ainyak, ja era mun eti ho ara.

Jeremaia 44:4

Ja kis abraig pan ehelemia ainyak ilpu aheca asega unyak, ilpu profeta marom, kis atidai ainyak an nuhialeg um abraig pan ra, um ika, Ek ugyi caua ainyak, mika aki jim ago nedo has esjilid inig aijaua ek amcel vaig ainyak.

Jeremaia 7:13

Im lep inig, et ika a Ihova, Vaig inig nikavaig, eka mun ago nitai iji igki asega aijaua, kis mun tas ehelemia ainyak vaig, maiya, kis mun atidai au nuhialeg ainyak um tas ehelemia vaig, ja akis eti atahaijeg aijaua; kis lep ahlaig vai caua ainyak, ja akis eti ho aijaua;

Jeremaia 7:25

Ahes an nopan iyehki eris udei inpece Ijipt a ilpu retpomia um apam igcaki um imihum pam an nopan inig, kis mun abraig pan ehelemia ainyak ilpu aheca unyak asega, ilpu profeta marom, kis atidai an nuhialeg ainyak irai iji adiat um abraig pan ra:

Esikiel 38:17

Et ika a Natimarid Ihova; Aiek aigki, kis tas vai euc ainyak itu acen irai ilpu aheca unyak, ilpu profeta i ji ig u nup Isreel, eris asuptecnaig intas ara irai adiat iji ehki, irai mesese itu acen marom, mika ki imiapam euc ainyak par aat ira ra.,

Emos 3:7

El et ati tah nohocred a Ihova Natimarid, etpu uhup aien um asuptecnaig naktaktai o un vaig ehele Ilpu aheca o un, ilpu profeta marom.

Sekaraia 1:6

Is idim uhum pan ilpu retpomia niji tas unyak im niji tas alep unyak, kis asaig ainyak ehele ilpu aheca unyak, ilpu profeta marom; va nitai inigki eris adumoij pam ara, um ika, Is ago iraija a Ihova esjilid acen is idivaig inmerit o un iyehki, is ika aien yi ago vai caija, is idivaig nedo uja, im nauritai uja.

Nitai ehvaig 10:7

ja an naopan iyehki an nohran nagelo seven, et wit ahlai intoho o un aien, uhpu ehneijid nitai incig is adenaig a Atua, is idivaig is asuptecnaig ehele ilpu profeta aien, eris aheca o un ara.

Nitai ehvaig 11:18

eris edemda nup urai iji pece, et mun yetpam intavaitap unyum, im nadiat u ilpu atimi emesmas, mika an almaijidjid nedo ura aiek, um aru nedo upene u ilpu profeta iji eig eris aheca unyum ara, im lep ilpu atimi upene, im lep ra era imtitaig nidam ara, tup atimi im ilpu atimi alupas; um auahas ra era auahas nobohtan ara.