Jeremaia 26:4 - Intas Etipup

⁴ Namu ika aiek ehele ra, Et ika a Ihova; El eka eti atahaijeg nyak aijaua, par imiaiji intas alep unyak inig, ek mun ati an nuhup unyimia ainyak,

Jeremaia 26:4 Iomraidhean Croise

1 Ilpu Atimarid 9:6

Ja el eka adumoij aijaua um eti apitac nyak, im lep ilpu hal unyimia, um eti apos intas alep unyak im intas asuptecnaig unyak, kis ati an nuhup unyimia ainyak, jam apan um aheca u taka atua, um alaigaheni vai ra:

Aiseya 1:20

ja el eka esjum aijaua, um imipalea intas o Atua, uhpu auahas caua an nedoa: et mun idim asaig intas inigki a nipjeneucse Ihova.

Jeremaia 17:27

Ja el eka eti atahaijeg intas unyak aijaua um apos upene nadiat atumop yi uce, par eti apos nitai ahelwei, um etiapam irai eucse athatahau Jerusalem an nadiat atumop; ekpu ati incap ainyak irai eucse athatahau iran, etpu auahas niji eom esjilid Jerusalem, uhpu eti lep ahni.

Jeremaia 22:5

Ja et ika a Ihova, El eka eti atahaijeg intas iji igki aijaua, ek mun asig yi aktit intas ainyak vai nyak, um ika, etpu ahyuahyu nimnim inigki.

Jeremaia 32:23

eris lep apam ara um ohuun inpece inigki; ja eris eti atahaijeg nohram ara, um eti imiaiji intas alep unyum; eris eti ago tah nitai ara irai itai iji igki as tas alep vaig ehele ra aiek mika eri ago: va nitai inigki as ika aiek yi yetpam ehele ra nohocred asega inigki:

Jeremaia 44:10

Et mun eti upoupo inliinmopora ara um yetpam an nopan inig, era mun eti ecen vai nyak ara, um eti imiaiji intas alep unyak, im intas unyak iji ig kis ikni ainyak an nuhup unyimia, im lep an nuhup u ilpu retpomia.

Jeremaia 44:23

Vaig inig nikavaig, eka mun atnamud nitai auanipin upene aijaua, um lep ago nedo has vai Ihova, um eti atahaijeg intas o Ihova, um eti imiaiji intas alep o un, im intas asaig o un, im intas asuptecnaig o un; va nitai inigki et mun yetpam ehelemia nohocred inigki, et idivaig an nopan inig.

Jeremaia 7:14

va nitai inigki ekpu ago ainyak va nimnim inig, eris anvi nidak iran, eka lep asgeig iran aijaua, im lep va nuarin inig kis alupai caua ainyak im lep ilpu retpomia, et idivaig nedo inig kis ago ainyak vai Sailo.

Tyuteronome 11:32

Akumu apos aijaua um ago intas alep im nedo asega ek ati an nuhup unyimia ainyak an nadiat inigki.

Tyuteronome 31:20

Eku wit imiapan ra ainyak an pece iyehki kis asaig ehele ilpu retpora ainyak, et alupas nidenided im hune iran; eru wit hag ara, um geije, um alupas, erupu apitac ilpu atmas u nup urai iji pece ara, um aheca ura, um auahas inliinmopok, um imipalea intas etipup unyak.

Tyuteronome 4:44

Intas alep nigki is alupai nup Isreel a Moses:

Tyuteronome 4:8

Era lep eti esjilid a nup uran taka pece, um eti amen ehele ra intas alep im nedo upene, et idivaig intas alep asega inigki, ek mun ati an nuhup unyimia ainyak an nadiat inigki;

Ilpu Hibru 6:18

mika ti imyiacitak acen akaija va nitai aktit eraig et ero, et ehka vai Atua nasaig tas ahcil vaig iran, intis aha pan akaija, mika ti asjiraig nitai ineig inta aitgaig akaija er ehvaig eheleija.