Jeremaia 26:3 - Intas Etipup

³ kit erupu atahaijeg ara, um adumoij an nefalaig has ura ara asega, athi um athi ehni, mika ki adumoij au liinmopok ainyak va nohocred inig kis ika ainyak ki ago vai ra ainyak, va nedo has iji ig era ago ara.

Jeremaia 26:3 Iomraidhean Croise

1 Ilpu Atimarid 21:27

Is wat atahaijeg intas iji igki a Ehab, is ahpati napelumai iran aien, um aso yin an napelumai uucai, um atwakam, um asjeuc ira apelumai uucai, um ago nedo upoupo.

1 Ilpu Atimarid 21:29

Na almoi aiek nedo upoupo o Ehab an nuhup unyak; inki eti imiapam nohocred inigki ainyak an nopan umoh o un; va nedo o un, nikavaig, et ago nedo upoupo aien an nuhup unyak: ja ekpu imiapam nohocred ainyak irai ilpu eteuc iran an nopan umoh u inhal o un.

Jeremaia 26:13

Va nitai inigki akumu ago upene nedo unyimia aijaua im nauritai unyimia, um atahaijeg nohrai Ihova Atua unyimia; etpu lep adumoij au liinmopon a Ihova va nohocred inig et mun asuptecnaig vai caua aien.

Jeremaia 26:19

Ja is idim eti atgei yin a Hesekaia natimarid an pece Juta im nup u Juta asega; is idim imtitai Ihova aien, um ugyi an nuhup u Ihova par aiheuc vai yin, is lep adumoij an liinmopon a Ihova va nohocred iyehki is asuptecnaig vai ra aien; ja el eta atgeiyin akaija intupu lucsei nohocred esjilid vai caija akaija.

Jeremaia 36:3

Kit erupu atahaijeg nohocred asega inig a nup u Juta et ika ainyak ki ati imi ra; mika eri adumoij pam ara um udei efalaig has ura, athi um athi ehni; mika ki ohpodohpod nedo acalacal ura ainyak im lep nedo has ura.

Jeremaia 36:7

Kit erupu atpuse ara an nuhup u Ihova um alaigaheni vai yin, um lep adumoij pam um udei efalaig has ura, athi um athi ehni: et idim alupas nedemda im intavaitap is asuptecnaig a Ihova vai nup igcaki.

Esikiel 12:3

Va nitai inigki, ak inhal u natimi, namu ago niji ipjiitai u ilpu ohna aiek, um apan itac an nadiat an nuhup ura; namu udei nuarin amen iran unyum aiek, um atga unyum par apan an taka uarin an nuhup ura: kit erupu aktaktai ara, ja era idim ilpu atimi imipalea a nup uran pece unyum.

Esikiel 18:21

Ja el et adumoij a natimi auatatimi va nedo auatatimi asega o un et mun ago aien, um imiaiji intas alep asega unyak, um ago nedo inig et upene um atoh, etpu idim umoh aien, inyi eti mas aien.

Hosia 11:9

Inki eti imiapam nedemda alupas unyak ainyak vai ra, inki eti lep auahas nup Ifreem ainyak: ek idim Atua ainyak, ek eti atimi ainyak; ek idim Atua upene ainyak juju an niblamia: inki eti apam ehelemia ainyak an nedemda unyak.

Joel 2:14

Et ato a di? kit etpu lep ahidai yin aien um adumoij an liinmopon, um udei se nitai upene etu wit atga o un aien; nitai ahlap marom eh caig, im lep nitai ahlap er umnyi, vai Ihova Atua unyimia.

Jona 4:2

Is um alaigaheni vai Ihova aien, um ika, Ak Ihova, kis wat amen an pece unyak ainyak, kis asaig intas inigki ainyak. Va imtai inigki kis ahapan Tarsis ainyak jin nopan iyehki: kis ato ainyak mika, na Atua aiheuc va atimi aiek, um eti eriss ira ra, um eti fi auroauro um edemda, et lep alupas naiheuc unyum, na adumoij an liinmopom aiek um eti aru nedo has.