Jeremaia 26:2 - Intas Etipup

² Et ika a Ihova; Namu aiji aiek an nokoro o neom u Ihova, um imiabrai nup urai maliyum asega iji ig an pece Juta, era apam ara mika eri alaigaheni an nimnim u Ihova, intas asega iji ig kis abrai euc ainyak par asaig ehele ra; namu jim ateri tah intas aiek:

Jeremaia 26:2 Iomraidhean Croise

Jeremaia 1:17

Ja namu arore inwauahid unyum aiek an nitai ahid, um atidai, um asaig ehele ra intas asega iji ig ekpu imiabrai euc ainyak: namu jim imititai ra aiek, vai ki jim auahas euc ainyak an nuhup ura.

Jeremaia 1:7

Ja is ika ehelek a Natimarid. Namu jim ika aiek, Ek halav ache ainyak: vaig inig nikavaig, napu apan aiek ehele ra sji igki asega ekpu atirai euc ainyak mika an apan; napu lep asan tas iji igki asega aiek ekpu abrai euc vaig ainyak.

Jeremaia 19:14

Ja is ahes Tofet a Jeremaia, inuarin inig is abraig yiu a Ihova, mika yi apan iran um asuptecnaig intas, um apam, um aiji an noko… u neom u Ihova, um ika ehele atimi asega,

Jeremaia 23:28

Naprofeta inig et umjeg ahnag aieu, etmu asuptecnaig num-jeg ahnag o un aien; ja aien et amen ehelen intas unyak, etmu asuptecnaig inveijec intas unyak aien. Et ika a Ihova, Et eti idivaig nesgai hwiit narasi hwiit.

Jeremaia 25:2

is asuptecnaig intas inigki a Jeremaia naprofeta ehele nup u Juta asega, im lep ehele nup u Jerusalem asega, um ika,

Jeremaia 28:5

Is um ika a Jeremaia naprofeta ehele Hananaia naprofeta an nuhup u ilpu atimi ahlap, im lep an nuhup u atimi asega eris aiji ara an nimnim u Ihova,

Jeremaia 36:10

An nopan iyehki is esvi a Beruk an nitaasviitai niji tas u Jeremaia an nimnim u Ihova, an nuarin neom u Cemaraia inhal u Sefan natimi aged itaasviitai, an nokoro ijinies, an nuhup u neucse nathatahau mat u nimnim u Ihova, ehele atimi asega.

Jeremaia 42:4

Is um ika ehele ra a Jeremaia naprofeta, Ek mun atahaijeg caua ainyak; akumu ato aijaua mika, ekpu alaigaheni vai Ihova Atua unyimia ainyak et idivaig intas unyimia; im lep inig, ekpu asuptecnaig ehelemia ainyak intas asega i ji ig etpu asaig ehelemia a Ihova; ekpu eti adenaig tah nitai vai caua ainyak.

Jeremaia 7:2

Namu aiji aiek an neucse nathatahau u nimnim u Ihova, um efehtas an tas inigki eahki, um ika, Akumu atahaijeg intas o Ihova aijaua asega, ak nup u Juta, eka apam irai eucse athatahau iji igki aijaua mika aki alaigaheni vai Ihova.

Jeremaia 7:27

Napu asuptecnaig intas iji igki asega ehele ra aiek; ja erupu eti atahaijeg euc ara: napu ahlaig vai ra aiek; ja erupu eti ho ara.

Esikiel 3:10

Is lep ika ehelek aien, Ak inhal u natimi, namu ati an liinmopom aiek intas unyak asega iji ig ekpu asaig ehelum ainyak, um atahaijeg an tikgam.

Esikiel 33:7

Et idim uco, ak inhal u natimi, ek mun ati euc ainyak mika an atimi ias vai itai aiek vai nup Isreel; namu atahaijeg intas iji ig ek asaig ainyak, um ahugni ra vai nyak.

Esikiel 40:4

Is ika ehelek a natimi iyehki, Ak inhal u natimi, namu almoi aiek an nesganiutam, um ahgei an tikgam, um aktaktai an liinmopom, nitai iji igki asega ekpu ehvaig ehelum ainyak; eh mun imiapam euc igcaki mika ki ehvaig nitai iji igki ehelum ainyak: namu asuptecnaig ehele nup Isreel aiek nitai iji igki asega napu ecetai aiek.

Madius 28:20

um esege imi ra mika eri imyiaiji niji itai asega ara kis tas alep vaig ehelemia ainyak: ekpu idim amen ehelemia ainyak irai iji adiat, um yetpan an nehni u naopan. Emen.

Lukas 19:47

Is esege imi ra aien irai iji adiat an neom ahlap. Eris ahilek yin a ilpu atimi ahlap esjilid, im ilpu atimi esege, im ilpu atimi alupas an pece, mika eri atgei yin;

Joanes 18:20

Is um ika ehelen a Iesu, Kis tas ainyak an nuhup o atimi asega; kis idim esege ainyak irai eom alaigaheni im lep anliin neom ahlap, era apan iran a nupu Jutaia irai iji adiat; kis eti adenan tas unyak ainyak:

Joanes 8:2

Is wat lahlah an nuhialeg, is lep apan aien anliin neom ahlap, eris ahtag pan ehelen natimi asega; is ateucse aien, um esege imi ra.

Niji auritai o ilpu Apostolo 20:20

kis eti lep ateri tah nitai ineig ainyak is upene vai caua, ja kis ehvaig ehelemia ainyak, um esege imi caua an nasjapicnaig unyimia, im lep irai iji imnim,

Niji auritai o ilpu Apostolo 20:27

Kis eti auatialidi ainyak par asuptecnaig ehelemia intas asega o Atua.

Niji auritai o ilpu Apostolo 5:25

Ja is apan natimi is ethi um asuptecnaig ehele ra, um ika, Era mun han aiji anliin neom ahlap natimi iji eigki eka mun ikni ra anliin neom ipjin aijaua, um esege imi atimi.

Niji auritai o ilpu Apostolo 5:42

Eris eti atumop ara anliin neom ahlap, im lep irai iji eom asega, irai iji adiat, par esege um asuptecnai Iesu mika et Kristo aien.

Tyuteronome 12:32

Akumu aktaktai aijaua um ago nitai iji igki asega ek asaig ehelemia ainyak: jim ehcilpun iran an tah nitai, um jim atipagki.

Tyuteronome 12:5

Ja etu wit aniv tah anuarin irai iji elcau asega unyimia a Ihova Atua unyimia, mika yi ati nidan eahki aien, akumu ahilek nuarin amen o un aijaua, um apan eahki:

Tyuteronome 4:2

Akumu jim ehcilpun tas inigki ek asaig ehelemia ainyak, um jim iknipagki iran, mika aki imiaiji intas alep u Ihova Atua unyimia ek asaig ehelemia ainyak.

Josua 8:35

Is eti udei tah intas is ethi a Josua is asaig a Moses, ja is esvi asega aien an nuhup u nup. Isreel asega, im lep ilpu takata,, im ilpu halav, im nup urai taka pece eris ahced ra ara.

Nitai ehvaig 22:19

el et atipagki tah intas tah inatimi irai tas ahidan tas iji eigki an nitasvitai ineigki, etpu atipagki inuarin o un an cai umoh vaig a Atua, im lep an nuarin-pece itaup, im lep irai itai iji eigki eris aged an nitasvitai ineigki.