Jeremaia 24:9 - Intas Etipup

⁹ ekpu atcijai ra ainyak mika eri imiapan ra irai iji pece asega an nobohtan, va erupu amen has ara; erupu lep itai ehcamai ara, im intas ecsipece, im nitai imiafakahcil, im intas ahlaijaig, irai iji uarin asega ekpu ahau pan ra iran ainyak.

Jeremaia 24:9 Iomraidhean Croise

1 Ilpu Atimarid 9:7

ekpu auahas nup Isreel ainyak an pece kis alupai ra ainyak; ekpu lep atipagki neom inigki ainyak kis imiitap ainyak va nidak; erupu lep tas ecsipece um imiafakahcil nup Isreel a nup urai iji pece asega:

2 Niji Tas Eled 7:20

ekpu iknipagki ra ainyak an pece unyak inigki kis alupai ra ainyak; ekpu lep atcijaig neom inigki ainyak ek mun imiitap ainyak va nidak, um ika eri asan tas imiafakahcil im intas laav vaig irai iji pece asega.

Saam 69:11

Kis aso nyak ainyak an napelumai uucai; eris lep asan tas auyat vai nyak ara par imilaav nyak.

Aiseya 43:28

Va nitai inigki ekpu auahas nitap u ilpu atimi alupas upene unyimia ainyak, ekpu atcijaig ilpu mapoi Jekob ainyak mika eri asaig intas ahlaijai ra, im nup Isreel mika eri auoh ehcamai ra.

Aiseya 65:15

Etpu amen nidamia mika yi intas ahlaijaig imi ilpu atimi iji ig kis ikni ra ainyak: etpu atgei caua a Ihova Natimarid, um anvi nidai ilpu aheca o un an nidara et eche:

Jeremaia 15:4

Ekpu atcijai ra ainyak mika eri ohocred ara irai iji elcau asega an nobohtan, va Manasi inhal u Hesekaia natimarid an pece Juta, va nedo inig is ago aien Jerusalem.

Jeremaia 19:8

Ekpu ika ainyak yi ahyuahyu inmaliyum inigki, im nitai amcel vaig; ara asega era ahteregdei inmaliyum inigki ara, erupu imiali ara um amcel vaig va niji itai has asega iran.

Jeremaia 25:18

nikavaig, nup u Jerusalem, im nup urai maliyum an pece Juta, im ilpu atimarid ura, im ilpu atimi alupas ura, mika yi umaruma inpece ura, um lep mika eri itai imiali ara, um itai amcel vaig, um itai er asaig intas ahlaijaig vaig, et idivaig et eteuc an nopan inig;

Jeremaia 26:6

ekpu ago nimnim inigki ainyak mika yi idivaig Sailo, um ago inmaliyum inigki mika eri asaig intas ahlaijaig vaig a nup urai iji elcau asega an nobohtan.

Jeremaia 29:18

et ika a Ihova, Vaig inig nikavaig, era mun eti atahaijeg intas unyak iji ig ara kis asaig ehele ra ainyak vai ilpu aheca unyak ilpu profeta, kis atidai an nuhialeg ainyak um abrai ra; ja, et ika a Ihova, akis esjum aijaua par atahaijeg.

Jeremaia 29:22

Erupu leh intas ahlaijaig vai rau ara sji igki asega eris arore ra an pece Juta um imiapan ra Babelon, um ika, Etmu ika a Ihova an idivaig Setekaia aiek im lep idivaig Ehab, ohwat rahki is atnamud rau an cap a natimarid an pece Babelon;

Jeremaia 34:17

Va nitai inigki et ika a Ihova; Akis eti atahaijeg nyak aijaua, par asuptecnaig intup eklim amen ehele ilpu etwamia, im ilpu atimi eblaamnem unyimia, aijaua asega athi um athi ehni: akumu ato aijaua mika, ek atcijaig pan caua ainyak an nedoa, im lep an mas alupas, im lep an numlaig has; ekpu lep ika ainyak eri imiapan caua irai iji elcau asega an nobohtan. Et uce intas o Ihova.

Jeremaia 42:18

Et ika a Ihova esjilid acen, Atua u nup Isreel; Ek mun idim atladwi nedemda unyak ainyak im intavaitap unyak vai nup u Jerusalem; et idim uco, ekpu atladwi intavaitap unyak ainyak iramia, aku wit yetpan an pece Ijipt aijaua: akupu idivaig nitai has aijaua, im nitai imiali, im nitai asaig intas ahlaijaig vaig, im nitai imiafakahcil; akupu eti lep almoi inpece inigki aijaua.

Jeremaia 44:12

Ekpu lucsei ilpu ahri nup u Juta iji ig ainyak, era mun imiisjis ara par apan au pece Ijipt mika eri amen eahki ara, uhpu auahas ra asega an pece Ijipt; uhpu atgei ra an nedoa, uhpu auahas ra an numlaig has: erupu emesmas ara an nedoa, im lep an numlaig has, ahes irai ilpu atimi alupas um yetpan ehele tup atimi: erupu idivaig nitai amcel vaig ara, im nitai imiali, im nitai er asaig intas ahlaijaig vaig, im nitai imiafakahcil.

Jeremaia 44:13

Ekpu aru nedo o ra sji ig ainyak era amen an pece Ijipt ara, et idivaig kis aru nedo o nup u Jerusalem ainyak, an nedoa, im lep an numlaig has, im lep an mas alupas:

Jeremaia 44:22

va nitai inigki is ehka vai Ihova par ago nedo eti auatiemda vai caua, va nedo has unyimia, im lep va nedo inig er amcel vaig, akis ago aijaua; va nitai inigki et umaruma inpece unyimia, um itai imiali, um lep itai er asaig intas ahlaijaig vaig, et eti amen tah natimi iran, et idivaig an nopan inig.

Esikiel 23:46

Et ika a Natimarid Ihova; Ekpu imiapam niji ira atimi ehele rau ainyak, um atcijai rau mika eri imiapan rau an taka pece, um atoraliak itai urau.

Esikiel 25:3

um ika ehele ilpu mapoi Amon, Akumu atahaijeg intas o Natimarid Ihova aijaua; Et ika a Natimarid Ihova; Vaig inig nikavaig, eka mun asaig aijaua, Aha, vai neom itap unyak, eris wat auahas; im lep vai inpece Isreel, is wat umaruma; im lep vai nup u Juta, eris wat imiapan ra an taka pece;

Esikiel 26:2

Ak inhal u natimi, vaig inig nikavaig, era mun asaig a nup u Tairus vai nup u Jerusalem, Aha! eh mun auahas inmaliyum ura eris asjapicnaig iran a ilpu atimi ahtai jipe itai ahes irai iji pece: etpu lep uja niji padiaig iran: intupu ohua akaija vai itai, et ahyuahyu inmaliyum ura.

Esikiel 5:8

va nitai inigki, et ika a Natimarid Ihova; Akumu ato aijaua mika, ek idim edemda vai caua ainyak, ekpu lep ago neruvaig iramia ainyak va nedo has unyimia an nuhup u nup urai iji pece.

Tyuteronome 28:25

Etpu ika a Ihova eri auud caua a ilpu atimi tak atimi iramia: akupu apan ehele ra aijaua an nefalaig yi ethi, jam aha an nuhup ura irai efalaig inyi seven: uhpu lep imiapan caua irai iji pece asega an nobohtan.

Tyuteronome 28:37

Uhpu imiali caua, um tas ecsipece vai caua, um imiafakahcil caua, irai iji uari pece asega etpu imiapan caua iran a Ihova.