Jeremaia 24:8 - Intas Etipup

⁸ Et ika a Ihova, Et idim has nohwan ateg iji ig et ehka inhegaig vaig, et eheshas; et idim uco, ekpu ati Setekaia natimarid an pece Juta ainyak, im ilpu atimi alupas o un, im nahri nup u Jerusalem iji ig era amen an pece inigki ara, ira lep ra sji igki era amen an pece Ijipt ara:

Jeremaia 24:8 Iomraidhean Croise

1 Iji Tas Eled 3:15

Ilpu hal u Josaia ji igki; nan, Johenan inmeto, im Jehoiakim sekunt, im Setekaia dirt, im Sallum ford.

Jeremaia 13:7

Kis um apan u nofowai Yufretes ainyak, um ucji, um imiapam nitai ahid an nuarin iyehki kis adenaig iran ainyak: ja is idim mutit nitai ahid iyehki, is eti upene vaig tah nitai.

Jeremaia 21:10

Et ika a Ihova, Ek mun alum inmaliyum inigki ainyak va nitai has, jameti va nitai upene: uhpu atcijaig an nikmai natimarid an pece Babelon, etpu atnamud aien an cap.

Jeremaia 24:2

Is upene moij nohwan ateg is amen an napurapura is ethi, um idivaig nohwan ateg et uhup um meto: ja is has acen nohwan ateg is amen an napurapura is eche, is ehka inhegaig vaig, is eheshas.

Jeremaia 24:5

Et ika a Ihova Atua u nup Isreel marom; Erupu idivaig nohwan ateg upene iji igki a nup u Juta iji ig kis ahlo pan itac ra ainyak an pece inigki, um imiapan ra an pece u nup u Kaltia mika eri leh niji itai upene eahki, ekpu idim ato ra ainyak.

Jeremaia 37:10

El eka atgei inpak an nedoa asega u nup u Kaltia iji ig aijaua era aat iramia ara; el era amen a ilpu atimi eris erep ra ache, athi um athi ehni, irai eom atga ura, el erupu atidai ara, um atnamud inmaliyum inigki an cap.

Jeremaia 37:17

is abraig pan atimi a Setekaia natimarid mika eri atipagki yin ara: is echim ahodaig yin a natimarid an neom o un, um ika, Et mun yetpam tah intas ehele Ihova, ka oʼo? Is ika a Jeremaia, Et mun yetpam: et lep ika aien, uhpu atcijaig pan euc an nikmai natimarid au pece Babelon.

Jeremaia 43:1

IS wat asaig ehni a Jeremaia ehele atimi asega intas asega o Ihova Atua ura, is abraig pan yin vaig ehele ra a Ihova Atua ura, intas asega iji igki marom,

Jeremaia 44:1

IS yetpam intas inigki ehele Jeremaia vai nup u Juta asega iji ig eris amen an pece Ijipt ara, im lep ra eris amen Mictol ara, im lep Tahapanes, im lep Nof, im lep an pece Pedros, um ika,