Jeremaia 24:7 - Intas Etipup

⁷ Ekpu alupai ra inliinmopora ato nyak ainyak, mika ek Ihova ainyak: erupu ilpu atimi unyak ara, ekpu lep Atua ura ainyak: erupu lep adumoij pam ehelek ara an liinmopora asega.

Jeremaia 24:7 Iomraidhean Croise

2 Niji Tas Eled 6:38

el era ahidaig pam ehelum an liinmopora asega ara, im lep nesgara asega an pece iyehki, eri lucsei pan ra iran mika eri amen a ilpu ohna iran, um ago nalaigaheni, um eas pam an pece ura, as alupai ilpu retpora aiek, im inmaliyum inigki as ati aiek, im neom inigki kis ago ainyak vai nidam:

Saam 119:2

Era mun ahesmoij ara sji igki era imiaiji intas asuptecnaig o un ara, um ahilek yin an liinmopora asega.

Aiseya 51:16

Ek lep ikni niji tas unyak an nipjineucsem ainyak, ek lep adenaig euc an naiyu an nikmak ainyak, mika an ago nohatag aiek, um ati nededuon an nobohtan, um ika ehele nup u Saion, Eka ilpu atimi unyak aijaua.

Jeremaia 11:4

kis tas alep vaig ainyak ehele ilpu retpomia an nopan iyehki kis wat iknipagki ra an pece Ijipt ainyak, an nohocred esjilid ura va nauanaheca, um ika, Akumu atahaijeg nohrak aijaua, um imiaiji intas unyak, et idivaig intas iji igki asega ek tas alep vaig ehelemia ainyak; mika akupu ilpu atimi unyak aijaua, ekpu lep Atua unyimia ainyak:

Jeremaia 29:10

Et ika a Ihova, Et idim inveijec, aku wit amen aijaua irai mesese inyi sevente an pece Babelon, ekpu ateghe caua ainyak, etpu ehneijid intas upene unyak ainyak ehelemia, ekpu imiadumoij pam caua ainyak an nuarin inigki.

Jeremaia 3:10

Ja et ika a Ihova, Eris wat ago nitai iji igki asega et mun eti adumoij pam ehelek a etwan efaifa Juta au liinmopon asega, ja et ahcil vai nyak aien.

Jeremaia 30:22

Akupu ilpu atimi unyak aijaua, ekpu lep Atua unyimia ainyak.

Jeremaia 7:23

ja kis lep asan tas alep inigki ehele ra ainyak, um ika. Akumu atahaijeg intas unyak aijaua, ekpu Atua unyimia ainyak, akupu lep ilpu atimi unyak aijaua: akumu lep atga aijaua irai efalaig asega iji ig ek mun asan tas alep vaig ehelemia ainyak, mika aki amen upene aijaua.

Esikiel 11:17

Va nitai inigki namu ika aiek, Et ika a Natimarid Ihova; Ekpu asjapicnaig pam caua ainyak ehele nup urai iji pece, um imiapam caua ahes irai pece iji ig eris terimterim iramia iran, ekpu lep alupai caua inpece Isreel ainyak.

Esikiel 14:11

mika eri eti lep ahnag a nup Isreel um udei nyak, um eti lep auahas nitap ura va nedo imipalea asega ura; ja, et ika a Natimarid Ihova, erupu ilpu atimi unyak ara, ekpu Atua ura ainyak.

Esikiel 16:62

Ekpu ati aktit ehelum intas etipup unyak ainyak; napu lep ato aiek mika ek Ihova ainyak:

Esikiel 37:23

erupu eti lep auahas ra ara irai iji atmasimai ura, im lep irai iji itai ura er amcel vaig, im lep iran tah nedo imipalea ura: ja ekpu imiatamai ra ainyak va niji uarin amen iran ura asega, eris ago nedo has iran ara, ekpu lep yiri ra ainyak: erupu ilpu atimi unyak ara, ekpu lep Atua ura ainyak.

Esikiel 37:27

Etpu lep amen nimnim unyak ehele ra: maiya, ekpu Atua ura ainyak, erupu lep ilpu atimi unyak ara.

Esikiel 39:22

Erupu ato a nup Isreel mika ek Ihova ainyak Atua ura ahes an nadiat iyehki um imihum pan.

Hosia 2:22

etpu atahaijeg nobohtan vai korn, im nide vaine, im narakei oliv; erupu atahaijeg vai Jesriil nitai iji igki.

Sekaraia 13:9

Ekpu imiatga nahaijin dirt an cap ainyak, ekpu ahre nohok ira ra et idivaig er ahre nohok irai silver, ekpu asjaaicnaig ira ra ainyak et idivaig er asjaaicnaig irai colt: erupu arohwai nidak ara, ekpu lep atahaijeg ra ainyak: ekpu ika ainyak, Era ilpu atimi unyak ara: erupu lep ika ara, Et Atua unyima a Ihova.

Sekaraia 8:8

ekpu imiapam ra ainyak, erupu amen an maliyum Jerusalem ara: erupu ilpu atimi unyak ara, ekpu Atua ura ainyak, an nedo inveijec im lep an nedo atoh.

Nupu Roma 6:17

Jai naaurineig vai Atua, akis idim ilpu aheca u nedo has aijaua an naopan iyehki, ja akis par apitac aijaua um imyiaiji nedo an nesege ineigki anliinmopomia eris ikni caua iran;

Ilpu Hibru 11:16

ja era idim ahilek inpece esjilid imi ra ara, an nohatag marom: va nitai ineigki et eti ehcamai vai ra a Atua naniv yin vaig mika Atua ura: is idim yecrei nuarin-pece imi ra aien.

Ilpu Hibru 8:10

Et lep asaig a Ihova, um ika, Et wit ti pan itac nadiat iji ehki, ekpu ati intas-etipup ineigki imi nupu Isreel ainyak; Ekpu ikni intas alep unyak ainyak irai esgara, um lep aged irai liimopura; ekpu Atua ura ainyak, erupu lep ilpu atimi unyak ara:

1 Samuel 7:3

Is tas a Samuel ehele nup Isreel asega, um ika, El eka adumoij pan ehele Ihova aijaua an liinmopomia asega, akumu iknipagki ilpu atmas irai taka pece ehelemia aijaua, im lep niji atmasimai, um ago upene inliinmopomia vai Ihova, um aheca o un ache: etpu imiatamaig caua aien vai nikmai nup u Filistia.