Jeremaia 24:6 - Intas Etipup

⁶ Ekpu alum ra ainyak um aiheuc vai ra, ekpu lep imiapam ra ainyak an pece inigki: ekpu uctai ra ainyak, um eti alcapdicrai ra; ekpu ahwai ra ainyak, um eti atecrei ra.

Jeremaia 24:6 Iomraidhean Croise

Jenesis 44:21

Ak natimi alupas, as asaig ehelema aiek, Akumu imiapam yin ehelek aijaua, mika ki alum yin ainyak.

2 Niji Tas Eled 16:9

Et aes jipe nesganimtai Ihova an nobohtan asega, par atau imi ra et upene inliinmopora ara vai yin. As ago nedo ahnag aiek an nedo unyum inigki: va nitai inigki etpu eteuc nedoa vai euc.

Nihemaia 5:19

Aktaktai nyak, ak Atua unyak, um acis yi alwai nyak, et idivaig nitai iji igki asega kis ago ainyak va natimi iji igki.

Saam 34:15

Et alum ilpu atimi upene a Ihova; et lep atgeig pam intikgan aien vai nahlaig ura.

Saam 44:2

As ahlo nup urai iji pece aiek an nikmam, um ikni aktit ra; as auwihi se atimi iji ehki aiek, um ika eri ahinag acen ara.

Aiseya 14:1

ETPU idim aiheuc vai ilpu mapoi Jekob a Ihova, etpu lep aketo aien um ehtai nup Isreel, um ika eri amen an pece ura ara: erupu ehramen ehele ra a nup urai taka pece; erupu lep apol nai ilpu mapoi Jekob ara.

Aiseya 60:21

Erupu upene a ilpu atimi unyum, ara asega marom: erupu ohuun nobohtan ara irai iji mesese, era idivaig nehlancai inig ara ek mun ahwaig ainyak, im nauritai an nikmak, mika eri imiahpas nyak.

Jeremaia 1:10

Namu ato aiek mika, ek mun ati euc ainyak an nadiat inigki mika an esjilid aiek irai nup urai iji pece im lep nup urai iji elcau, par atecrei itai, um alcapdicrai itai, um auahas itai, um amejatpuh itai, um lep uctai itai, um ahwai itai.

Jeremaia 12:15

Etpu idim uco, eku wit iknipagki ra ainyak ekpu adumoij pam ainyak, um aiheuc vai ra, um lep imiapam ra asega irai iji uari obohtan ura, im lep irai iji pece ura, athi um athi ehni.

Jeremaia 16:15

ja, Et umoh a Ihova inig is lucsei nup Isreel aien an pece inig et ahes narutu iran, im lep irai iji pece asega iji ig is ahau pan ra iran aien: ekpu lep lucsei ra ainyak um imiaridji pam ra igcaki an pece inig kis alupai ilpu retpora ainyak.

Jeremaia 21:10

Et ika a Ihova, Ek mun alum inmaliyum inigki ainyak va nitai has, jameti va nitai upene: uhpu atcijaig an nikmai natimarid an pece Babelon, etpu atnamud aien an cap.

Jeremaia 23:3

Ekpu lep asjapicnaig nahri pak irai siip unyak ainyak irai iji pece asega iji ig kis mun ahau pan ra iran ainyak, ekpu lep imiadumoij pam ra ainyak irai irahed ura; erupu ahad ara um ahinag.

Jeremaia 29:10

Et ika a Ihova, Et idim inveijec, aku wit amen aijaua irai mesese inyi sevente an pece Babelon, ekpu ateghe caua ainyak, etpu ehneijid intas upene unyak ainyak ehelemia, ekpu imiadumoij pam caua ainyak an nuarin inigki.

Jeremaia 31:28

Et ika a Ihova, Ek mun idim aminjinaig ra ainyak, mika ki atecrei ra, um alcapdicrai ra, um amejatpuh ra, um auahas ra, um ehcerucai ra; etpu idim uco, ekpu aminjinaig ra ainyak, mika ki lep uctai ra, um ahwai ra.

Jeremaia 31:4

Ekpu aketo ainyak um uctai euc, uhpu lep uctai euc, ak inhalav atahig u nup Isreel: napu aketo aiek um aso upene euc, um ehcohos pam, um aliaujai ehele ilpu atimi imiacitak.

Jeremaia 32:37

Akumu ato aijaua mika, ekpu asjapicnai ra ainyak ahes irai iji pece asega iji ig, ekmun ahau pan ra iran ainyak an nedemda unyak, im intavaitap unyak, im nehniv alupas unyak; ekpu lep imiadumoij pam ra ainyak an nuarin inigki, um ika eri amen upene iran ara:

Jeremaia 32:41

Im lep inig, ekpu imiacitak ra ainyak par ago nedo upene vai ra, ekpu lep ikni aktit ra an pece inigki ainyak an liinmopok asega im lep an nesgak asega.

Jeremaia 33:7

Ekpu imiadumoij pam nup u Juta iji ig ainyak im lep nup Isreel iji ig eris imiapan ra irai iji taka pece, um ikni aktit ra, et idivaig an nopan uhup.

Jeremaia 33:9

Erupu itai imiacitak ara vai nyak, im lep nitai cediaig, im nitai esjilid, an nuhup u nup urai iji pece asega an nobohtan iji ig, erupu ahgei intas vai itai upene asega iji ig ara ek alupai ra ainyak: erupu lep imtitaig ara um eucjeucjeucaij vai niji itai upene asega im namen upene asega inig ek leh vai ra ainyak.

Jeremaia 39:12

Namu leh yin aiek, um aminjinaig upene yin, um jim ago tah nedo has vai yin; jam ago vai yin et idivaig intas inig etpu asaig ehelum aien.

Jeremaia 42:10

El eka idim amen an pece inigki aijaua, ekpu uctaig caua ainyak, um eti alcapdicraig caua, ekpu ahwaig caua ainyak, um eti atecrei caua: vaig inig nikavaig, ek adumoij an liinmopok ainyak va nohocred inig ek mun ati vai caua ainyak.

Esikiel 36:24

Ekpu iknipagki caua ainyak ehele ilpu atimi apat, um asjapicnaig caua ehele nup urai iji pece asega, um imiapam caua an pece unyimia.

Emos 9:14

Ekpu lep imiadumoij pam nup Isreel unyak ainyak eris lucsei pan ra, erupu lep imiatidai niji maliyum ahyuahyu ara, um amen iran; erupu lep ahwaig ahapol vaine ara, um umnyi nide vaine; erupu lep ago ahapol irai iji itai ara, um caig ohwan.

Tyuteronome 11:12

inpece et aktaktai vaig a Ihova Atua unyimia: et amen nesganimtai Ihova Atua unyimia iran irai iji adiat im niji mesese.

1 Pitrus 3:12

et idim alum ilpu atimi atoh nedo ura a Natimarid, et lep atahaijeg nalaigaheni ura aien; ja et aiji nesganimtai Natimarid ira ra era ago nedo has ara.”