Jeremaia 24:10 - Intas Etipup

¹⁰ Ekpu ati nedoa vai ra ainyak, im numlaig has, im nemehe has, um yetpan an nopan iyehki uhpu auahas ehni ra an pece inig kis alupai ra ainyak im lep ilpu retpora.

Jeremaia 24:10 Iomraidhean Croise

1 Ilpu Atimarid 14:15

Etpu idim auud nup Isreel a Ihova, et idivaig nieg et amaamai iran wai, etpu ehped nup Isreel aien an pece upene inigki, is alupai ilpu retpora aien, um imiterimterim ra an nahaijin nofowai itac, va nedo ura, nikavaig, eris ago niji uarin itap ura ara um auahas inliinmopoi Ihova.

Aiseya 51:19

Et yetpam iram nitai eraigki; etpu imitaig euc a di? uhpu eduaraprap irai itai unyum um auahas euc; etpu eteuc numlaig has im nedoa iram: etpu tas upene ehelum a di? ainyak ache.

Jeremaia 14:12

Eru wit atwakam ara, ekpu eti atahaijeg nahlaig ura ainyak; eru wit ahlap ara an nitai ahlap atnamud, ka nitai ahlap er caig, etpu eti upene inliinmopok vai ra ainyak: ja ekpu auahas ra ainyak an nedoa, im numlaig has, im inmas alupas.

Jeremaia 15:2

Etpu idim uco, el era ika ehelum ara, Ecrupu atga eda aijama? namu ika ehele ra aiek, Et ika a Ihova; Ara, er atcijai ra mika eri emesmas, erupu emesmas ara; im lep ra er atcijai ra mika eri atgei ra an nedoa, uhpu atgei ra an nedoa; im lep ra er atcijai ra mika eri emesmas an numlaig has, erupu emesmas ara an numlaig has; im lep ra er atcijai ra mika eri imiapan ra an taka pece, uhpu imiapan ra an taka pece.

Jeremaia 16:4

erupu emesmas irai mas alupas ara; erupu eti imitaig ra natimi; um eti atelmoi ra; erupu idivaig nohok ara an nuarin nobohtan: uhpu auahas ra an nedoa, im lep an numlaig has; etpu itai caig nohura incai niji man an nauanohatag, im niji itai eklim edo irai pece.

Jeremaia 19:7

Ekpu auahas intas anacanac u nup u Juta im nup u Jerusalem ainyak an nuarin inigki; ekpu ika ainyak eri atgei ra an nedoa a ilpu atimi tak atimi ira ra, im ilpu atimi iji ig era ika ara eri atgei ra: ekpu atcijaig nohura emesmas ainyak, mika yi itai caig incai niji man an nauanohatag, im niji itai eklim edo irai pece aleg.

Jeremaia 21:9

Ara asega erupu amen an maliyum inigki ara erupu emesmas ara an nedoa, im lep an numlaig has, im lep an nemehe has: ja ara asega erupu apan itac ara, um leh imi nup u Kaltia iji ig era arehed iramia ara um ago nedoa vai caua, erupu umumoh ara, naiheuc u Atua nigki.

Jeremaia 27:8

Et ika a Ihova ehele nup urai pece iji ig, im nup urai elcau iji ig, era ika ara erupu eti aheca u Nebukatnesar natimarid an pece Babelon ara, um eti ikni niji auinwara ithai asore u natimarid an pece Babelon, ekpu aru nedo o nup urai pece iji igki ainyak an nedoa, im lep an numlaig has, im lep an memehe has, um yetpan an nopan iyehki ekpu auahas ehni ra ainyak an nikman.

Jeremaia 29:17

Ekpu lep ahau pan ra ainyak an nedoa, im lep an numlaig has, im lep an nemene has, ekpu i lep atcijai ra ainyak mika eri imiapan ra irai iji pece asega an nobohtan, mika eri itai ohocred vaig, im nitai imiali vaig, im nitai amcel vaig, im nitai ehcamai vaig, irai tiji elcau asega ek mun ahau pan ra iran ainyak:

Jeremaia 29:18

et ika a Ihova, Vaig inig nikavaig, era mun eti atahaijeg intas unyak iji ig ara kis asaig ehele ra ainyak vai ilpu aheca unyak ilpu profeta, kis atidai an nuhialeg ainyak um abrai ra; ja, et ika a Ihova, akis esjum aijaua par atahaijeg.

Jeremaia 32:24

et idim ubutpotet u inmaliyum niji edoon an nobohtan ura eris uctaig ara, mika eri atoraliak; eh mun atcijaig inmaliyum pan an nikmai nup u Kaltia iji ig era aat iran ara, va nedoa, im lep va numlaig has, im lep van mas alupas: et idim eteuc nitai inig as upyi asaig aiek; na idim almoi aiek.

Jeremaia 32:25

Ja na mun ika ehelek aiek, ak Ihova Natimarid, Namu aua-nimtan nuarin nobohtan inigki aiek irai mune, um lucsei ilpu atimi mika eri ecetai; ja eh mun atcijaig inmaliyum pan an nikmai nup u Kaltia.

Jeremaia 34:17

Va nitai inigki et ika a Ihova; Akis eti atahaijeg nyak aijaua, par asuptecnaig intup eklim amen ehele ilpu etwamia, im ilpu atimi eblaamnem unyimia, aijaua asega athi um athi ehni: akumu ato aijaua mika, ek atcijaig pan caua ainyak an nedoa, im lep an mas alupas, im lep an numlaig has; ekpu lep ika ainyak eri imiapan caua irai iji elcau asega an nobohtan. Et uce intas o Ihova.

Jeremaia 42:17

Etpu idim uco va atimi asega iji ig era imiisjis ara par apan an pece Ijipt mika eri amen eahki; erupu emesmas ara va nedoa, im lep va numlaig has, im lep vai inmas alupas: etpu eti amen tah et ethi um eti ahapan tah et ethi va nohocred inig ekpu ati vai ra ainyak.

Jeremaia 42:22

Va nitai inigki akumu idim ato aijaua mika, akupu emesmas aijaua an nedoa, im lep va numlaig has, im lep van mas alupas, an pece iyehki eka merit aijaua par apan mika aki amen eahki aijaua.

Jeremaia 5:12

Eris ateri Ihova ara, um ika, Et ti aien; inyi eti yetpam irama nitai has; ecrupu idim eti ecetai nedoa ka numlaig has aijama:

Jeremaia 9:15

et ika a Ihova esjilid acen, Atua u nup Isreel; Va nitai inigki ekpu alayi nup igcaki ainyak nitai caig acen incara, im lep alumara inwai acen mika eri umnyi ara.

Jeremaia 9:16

Im lep inig, ekpu imiterimterim ra ainyak ehele nup urai pece iji ig eris eti ato ra ara, im lep ilpu retpora: ekpu lep ika ainyak eri ahau ra an nedoa, um yetpan an nopan iyehki ekpu auahas ehni ra ainyak.

Esikiel 33:27

Etmu uce intas unyum ehele ra, Et ika a Natimarid Ihova; Ek umoh ainyak, et idim uco, uhpu atgei ra sji ig era amen irai uarin umaruma ara an nedoa, ekpu atcijaig ra ainyak era amen anliin pece ara imi niji itai eklim edo irai pece aleg incara, erupu emesmas an nemehe has ara sji ig era amen irai uarin ehka ara, im lep irai mai ij.

Esikiel 6:11

Et ika a Natimarid Ihova; Namu ahpoi jipe an nikmam aiek, um auwihi nobohtan an neduom, um ika, Kaiheuc vai ra, va niji itai has asega er amcel vaig u nup Isreel! erupu emesmas ara an nedoa, im lep an numlaig has, im lep an nemehe has.

Esikiel 7:15

Et amen nedoa itac, et eteuc nemehe has im numlaig has anliin maliyum; etpu mas aien an nedoa et amen anliin pece aien; etpu lep auahas yin numlaig has im nemehe has et amen anliin maliyum aien.

Tyuteronome 28:21

Etpu ika a Ihova yi apol iramia nemehe has, um imihum pan an nopan iyehki etpu auahas ehni caua aien an pece iyehki, akupu apan iran aijaua par ohuun.

Nitai ehvaig 6:8

Kis almoi ainyak, um ecetai hors yag: nidan natimi iyehki is ateuc iran Inmas, is apitac yin Umatmas. Eris alupai rau nemda an nuarin et ethi irai uarin et for an nobohtan, mika eru atgei atimi an nauitoga, im numlaig has, im nemehe has, im lep niji itai aleg an nobohtan.