Jeremaia 24:1 - Intas Etipup

¹ IS wat arore Jekonaia inhal u Jehoiakim natimarid an pece Juta a Nebukatnesar natimarid an pece Babelon, um imiapan yin ahes Jerusalem um yetpan Babelon, aien, im ilpu atimi alupas an pece Juta, im ilpu atimi ared cai, im ilpu atimi auud pas, is ehvaig ehelek nohwan ateg a Ihova, kis almoi napurapura is ero ainyak eris ati a nuhup u neom ahlap u Ihova.

Jeremaia 24:1 Iomraidhean Croise

2 Ilpu Atimarid 24:10

Eris apan a ilpu dualep u Nebukatnesar natimarid an pece Babelon an nopan iyehki, um ati nedoa vai nup u Jerusalem, eris arehed an maliyum ara.

2 Niji Tas Eled 36:10

Is wat ti pan itac inmesese iyehki, is abrai atimi a Nebukatneser natimarid, mika eri imiapan yin Babelon im lep nipjiitai upene an neom u Ihova, um ati Setekaia etwai etman mika yi atimarid aien u nup u Juta im nup u Jerusalem.

Aiseya 13:1

INTAS eduahpan vai nup u Babelon nigki, is ahuumtidec iran a Aiseya inhal u Emos.

Jeremaia 13:19

Uhpu atapnes niji maliyum an pece inig et ahes nuritoga iran, etpu eti asalgei tah: uhpu imiapan nup u Juta asega au taka pece, uhpu idim imiapan ra asega an taka pece.

Jeremaia 27:20

is eti lucsei a Nebukatnesar natimarid an pece Babelon is wat arore Jekonaia inhat u Jehoiakim natimarid an pece Juta aieu Jerusalem, um imiapan yin Babelon, im lep ilpu atimi alupas asega an pece Juta im lep Jerusalem;

Jeremaia 28:4

et ika a Ihova, Ekpu imiadumoij pam ainyak an nuarin inigki Jekonaia inhal u Jehoiakim natimarid an pece Juta, im lep nup u Juta asega, eris arore ra um imiapan ra Babelon: ekpu idim ahtasvi nasore u natimarid an pece Babelon ainyak.

Jeremaia 29:1

NIJI tas an nitaasviitai inig ji igki is aged an maliyum Jerusalem a Jeremaia naprofeta, um imiapan imi ilpu ahri ilpu atimi alupas iji ig eris arore ra um imiapan ra, im lep imi ilpu atimi ahlap, im ilpu profeta, im lep atimi asega iji ig is arore ra Jerusalem a Nebukatnesar um imiapan ra Babelon;

Jeremaia 29:2

(ja is mun upyi udei Jerusalem; a Jekonaia natimarid, im natimarid; takata, im ilpu aheca urau, im ilpu atimi alupas an pece Juta im lep Jerusalem, im ilpu atimi ared cai, im ilpu atimi auud pas;)

Jeremaia 37:1

IS atimarid a Setekaia inhal u Josaia, um isjeupigmoig Konaia inhal u Jehoiakim, aien ahki is ati yin a Nebukatnesar natimarid an pece Babelon mika yi atimarid an pece Juta.

Esikiel 17:4

is asvi intiklan cai aien ijinies, um imiapan an pece inig er ahtai itai iran; is ati aien an maliyum u ilpu atimi auarimtai itai.

Esikiel 19:9

Eris ati yin an neom ipjin ura ara um athai yin ira atauhat, um imiapam yin ehele natimarid an pece Babelon: maiya, eris ati yin ara anliin neom ipjin, mika eri jim lep ahgei nohran irai edoon an pece Isreel.

Emos 3:7

El et ati tah nohocred a Ihova Natimarid, etpu uhup aien um asuptecnaig naktaktai o un vaig ehele Ilpu aheca o un, ilpu profeta marom.

Emos 7:1

IM lep inig, is ehvaig ehelek nitai inigki a Ihova Natimarid; nikavaig, is ika aien yi eteuc inheled an numoh uhup u efelelicai apitac; is idim umoh apitac iyehki is ti pan itac nopan ucsei efelelicai vai natimarid.

Emos 7:4

Is lep ehvaig ehelek nitai inigki a Ihova Natimarid: nikavaig, is ika a Ihova Natimarid eri aru ira atimi an cap, is um tup tiih pan namilvai alupas vaig, eris lep auahas nahaijin pece.

Emos 7:7

Is aketo a Ihova um ehvaig ehelek nitai iji igki: nikavaig, is aiji a Natimarid ijinies an nathatahau is aiji atoh, is amen inya asjaaicnaig an nikman.

Sekaraia 1:20

Is ehvaig ehelek ilpu atimi auritai is for a Ihova.

Sekaraia 3:1

IS ehvaig Josua natimi esjilid an nahlap imi nyak aien, is aiji aien an nuhup u nagelo o Ihova, is lep aiji a Satana an matan mika yi atapnes yin aien.