Jeremaia 23:3 - Intas Etipup

³ Ekpu lep asjapicnaig nahri pak irai siip unyak ainyak irai iji pece asega iji ig kis mun ahau pan ra iran ainyak, ekpu lep imiadumoij pam ra ainyak irai irahed ura; erupu ahad ara um ahinag.

Jeremaia 23:3 Iomraidhean Croise

Saam 106:47

Namu imiatamaig cama aiek, ak Ihova Atua unyima, um asjapicnaig cama ehele nup urai iji pece, mika ecri ago naaurinig aijama vai nidam upene, um imiacitak par imiahpas euc.

Jeremaia 16:15

ja, Et umoh a Ihova inig is lucsei nup Isreel aien an pece inig et ahes narutu iran, im lep irai iji pece asega iji ig is ahau pan ra iran aien: ekpu lep lucsei ra ainyak um imiaridji pam ra igcaki an pece inig kis alupai ilpu retpora ainyak.

Jeremaia 29:14

Et ika a Ihova, Akupu ecet nyak aijaua: ekpu lep imiadumoij pam caua ainyak, ekpu lep asjapicnaig caua ainyak irai nup urai iji elcau asega, im lep irai iji uarin asega iji ig ek mun ahau pan caua iran ainyak; et lep ika a Ihova, Ekpu lep imiapam caua ainyak an nuarin inig kis ika ainyak eri arore caua iran um imiapan caua an taka pece.

Jeremaia 30:10

Et ika a Ihova, Va nitai inigki namu jim imtitaig aiek, ak Jekob, naheca unyak, namu jim eucjeucjeucaij aiek, ak Isreel: vaig inig nikavaig, ekpu imiatamaig euc ainyak an pece itac acen, im lep ilpu hal unyimia an pece inig eris imiapan ra eahki; etpu adumoij pam a Jekob, etpu atumop aien, etpu amen igpa aien: etpu eti imiimtacimtac yin tah.

Jeremaia 30:3

Et ika a Ihova, Etpu idim yetpam nopan iyehki ekpu imiadumoij pam ilpu atimi unyak ainyak nup Isreel im nup u Juta iji ig eris arore ra um imiapan ra irai taka pece: et lep ika a Ihova, ekpu imiadumoij pani ra ainyak an pece inig kis alupai ilpu retpora ainyak, erupu idim ohuun ara.

Jeremaia 31:7

Et ika a Ihova, Akumu acesaces nohranitai aijaua um imiacitak vai ilpu mapoi Jekob, um asaig intas cediaig ehele nup urai pece iji ig era esjilid ara: akumu asuptecnaig aijaua, akumu imiahpas Atua aijaua, um ika, Ak Ihova, namu imiatamaig ilpu atimi unyum aiek, ilpu ahri nup Isreel marom.

Jeremaia 31:8

Akumu ato aijaua mika, ekpu lucsei ra ainyak an pece inig et ahes iran narutu um imiapam ra, ekpu lep asjapicnai ra ainyak irai tid an nobohtan, erupu ahced ra a ilpu atimi apat nesganimtara, im ilpu atimi asvahteuc neduora, im ilpu takata opoc, im ilpu takata iji ig erupu ika ara eri apos ilpu hal ura: erupu ehradumoij pam igcaki niji ira atimi inyi alupas.

Jeremaia 32:37

Akumu ato aijaua mika, ekpu asjapicnai ra ainyak ahes irai iji pece asega iji ig, ekmun ahau pan ra iran ainyak an nedemda unyak, im intavaitap unyak, im nehniv alupas unyak; ekpu lep imiadumoij pam ra ainyak an nuarin inigki, um ika eri amen upene iran ara:

Jeremaia 46:27

Ja akumu jim imtitaig aijaua, ak ilpu aheca unyak ilpu mapoi Jekob, akumu jim etehto aijaua, ak nup Isreel: akumu idim ato aijaua mika, ekpu imiatamaig caua ainyak an pece itac acen, im lep ilpu hal unyimia an pece inig eris imiapan ra eahki; erupu adumoij pam a ilpu mapoi Jekob um atumop, erupu amen upene ara um eti imtitaig vaig tah.

Jeremaia 50:19

An nopan iyehki ekpu ika ainyak eri adumoij pam au nuarin amen iran ura a nup Isreel, erupu lep caig ara Karmel im Besan, erupu geije ara an nedoon Ifreem im lep Cileat.

Jeremaia 8:3

Et ika a Ihova esjilid acen, Etpu esjilid inmerit vai inmas irai inmerit vai nitai umoh iran u nahri ilpu atimi iji ig era amen ara ehele nup uran pece has inigki; era amen ara irai iji uarin asega iji ig ek mun ahau pan ra iran ainyak.

Esikiel 11:17

Va nitai inigki namu ika aiek, Et ika a Natimarid Ihova; Ekpu asjapicnaig pam caua ainyak ehele nup urai iji pece, um imiapam caua ahes irai pece iji ig eris terimterim iramia iran, ekpu lep alupai caua inpece Isreel ainyak.

Esikiel 36:11

ekpu ika ainyak eri ahinag natimi iramia, im lep niji itai eklim edo irai pece; erupu asvalav ara inyi ahinag: ekpu ika ainyak akupu amen aijaua et idivaig namen unyimia an nopan iyehki, ekpu ago nedo upene vai caua ainyak um esjilid iran yehki akis wat atupun aijaua: akupu ato aijaua mika ek Ihova ainyak.

Esikiel 36:24

Ekpu iknipagki caua ainyak ehele ilpu atimi apat, um asjapicnaig caua ehele nup urai iji pece asega, um imiapam caua an pece unyimia.

Esikiel 36:37

Et ika a Natimarid Ihova; Erupu lep ahodaig nyak a nup Isreel va nitai inigki, mika ki ago vai ra ainyak; ekpu ika ainyak eri ahinag natimi ura um idivaig inpak irai siip.

Levitikus 26:9

Ekpu aktaktai upene vai caua ainyak, um ika aki asvalav aijaua, um ahinag; ekpu lep ati aktit intas etipup unyak ehelemia ainyak.

Maika 2:12

Ak ilpu mapoi Jekob, ekpu idim asjapicnaig caua asega ainyak; ekpu idim asjapicnaig nahri nup Isreel ainyak; ekpu ikni ra ainyak yi tup ethi ache, et idivaig inpak irai siip an pece Bosra, um idivaig inpak irai itai eklim edo irai pece anliin nokoro ura; erupu atamerit alupas ara va nahinag u atimi.

Maika 7:12

An nadiat iyehki erupu apam ehelemia ara ahes an pece Asiria um yetpan an pece Ijipt, ahes an pece Ijipt um yetpan an nofowai, ahes an jap et ethi um yetpan an jap et eche, ahes an nedoon et ethi um yetpan au nedoon et eche.