Jeremaia 22:3 - Intas Etipup

³ et ika a Ihova; Akumu tas alep atoh aijaua um ago nedo upene, um imiaras ra sji igki er ehcerucai ra va nikmai ilpu atimi atoraliak itai ura: um jim ago tah nedo efaifa vai ilpu atimi irai taka pece, im ilpu umnij, im ilpu takata eris emesmas a ilpu atamnyura, um jim ehcerucai ra, um jim atgei ilpu atimi et ti nedo has ura an nuarin inigki.

Jeremaia 22:3 Iomraidhean Croise

2 Samuel 23:3

is asaig ehelek a Atua u nup Isreel; is asan tas aktit ehelek a Inhehteuc u nup Isreel; um ika, Etmu atoh nedo o natimi inig et atimarid ira atimi aien; etmu ecen vai Atua aien an natimi alupas o un;

2 Ilpu Atimarid 24:4

im lep vai inmas irai ilpu atimi upene is atgei ra aien: is ohua Jerusalem vai inja irai ilpu atimi upene is atgei ra aien; is ika a Ihova yi aru vaig.

Nitaasviitai u Job 22:9

Na mun atcijaig ilpu takata aiek eris emesmas a ilpu atamnyura, jam eti alupai ra tah nitai; na mun esvi neduon nikmai ilpu umnyij.

Nitaasviitai u Job 24:9

Era atipagki inhalav inig au nadai risin ara, is mas a etman, um arore ilpu atimi igpa.

Saam 68:5

Et etmai ilpu umnij a Atua, et lep aminjinaig ilpu takata eris emesmas a ilpu atumnyura aien, an nuarin itap o un.

Saam 82:4

Akumu imiatamaig ilpu atimi auatialidi im ilpu ihki atimi aijaua: um iknipagki ra an nikmai ilpu atimi auatatimi.

Saam 94:21

Era telohteloh pan ara ehele ilpu atimi et atoh nedo ura, um ika eri atgei ilpu atimi upene.

Saam 94:6

Era atgei ilpu takata ara eris emesmas a ilpu atamnyura, im nup urai taka pece; era lep atgei ilpu umnij ara.

Eksotus 22:21

Akumu jim ehcerucai tah natimi an taka uarin aijaua, um jim ago nedo has vai yin: akis atimi an taka uarin aijaua an pece Ijipt.

Eksotus 22:22

Akumu jim auoh ohocred aijaua tah intakata is mas a na-tamnyu un, ka tah numnij.

Niji tas Arapakau 23:10

Namu jim atipagki aiek nitai asjaaicnaig vai uari obohtan o un tah eris ati itu acen; um jim apan u umai ilpu umnij:

Niji tas Arapakau 6:17

natimi inig et acen nesgaimtan aien va nijinies u inliinmopon; im lep yin et ahcil intas o un; im lep yin et atgei natimi inig aien et eti ago nedo has aien;

Aiseya 1:23

era atimi imipalea a ilpu atimi alupas unyum; era atau imi ilpu atimi atoraliak itai ara; era merit va niji itai tup ahtai ara asega, um ahilek nimtan: era eti imiatamaig ilpu umnij ara, et eti yetpan ira ra jutas ugyi ra u ilpu takata iji ig era emesmas a ilpu atumnyura.

Aiseya 58:6

Natwakam inig ek merit vaig ainyak nigki, nikavaig, eri ahiyi niji wau u nedo has, um apijadi niji itai arore irai itai ahelwei; um atcijai ilpu atimi auoh oplecoplec, um lep ahtasvi niji itai ahelwei asega.

Aiseya 58:7

Im lep inig, mika an alaa ilpu atimi ehtele ra nitai caig aiek, um imiapam an nimnim unyum ilpu ihki atimi iji ig era amen ehcid ara; nau wit ecet tah natimi tup atga aiek, napu lep aso yin ira apelumai aiek; napu lep eti adenaig euc aiek vai ilpu atimi ehpan iram.

Jeremaia 19:4

Vaig inig nikavaig, era mun udei nyak ara, um auahas nuarin inigki, um atnamud nitai auanipin upene vai ilpu atmas iji ig irai taka pece, eris eti ato ra ara im ilpu atmil ura, im ilpu atimarid an pece Juta, um atgei atmas ilpu atimi upene is ahinag an nuarin inigki;

Jeremaia 21:12

Et ika a Ihova, Ak ilpu mapoi Tevit; Akumu tas alep atoh an nuhialeg aijaua, um imiaras ra sji igki er ehcerucai ra va nikmai ilpu atimi atoraliak itai ura, vai yi jim ehcohos pam intavaitap unyak et idivaig incap, um atnamud mika etpu elika vaig tah par ahni, va nedo has inig eka ago aijaua.

Jeremaia 22:17

Ja na almoi nitai inigki ache aiek, um aktaktai nedo inigki ache, um lep ago, nikavaig, et has iram itai, na atgei ilpu atimi et ti nedo has ura aiek, um ehcerucai atimi, um atoraliak itai ura.

Jeremaia 26:16

Eris lep ika a ilpu atimi alupas im lep natimi asega ehele ilpu atimi ahlap im ilpu profeta; Et idim eti upene mika yi mas a natimi inigki: et mun idim tas eheleija aien an nidai Ihova Atua uja.

Jeremaia 5:28

Era idim alupas ara, um athod: maiya, era lep esjilid irai ilpu atimi auatatimi ara va nedo has ura: era eti atahaijeg upene intas ara, intas u ilpu umnij marom, ja era amen upene ara; era lep eti atahaijeg upene intas o ilpu ihki atimi ara.

Jeremaia 7:23

ja kis lep asan tas alep inigki ehele ra ainyak, um ika. Akumu atahaijeg intas unyak aijaua, ekpu Atua unyimia ainyak, akupu lep ilpu atimi unyak aijaua: akumu lep atga aijaua irai efalaig asega iji ig ek mun asan tas alep vaig ehelemia ainyak, mika aki amen upene aijaua.

Jeremaia 9:24

ja aien et ispun tas aien etmu ispun tas aien va nitai inigki, nikavaig, et aktaktai aien um ato nyak, mika ek Ihova ainyak, ek ago nedo aiheuc an nobohtan ainyak, im nedo atoh, im nedo upene: et lep ika a Ihova, Ek imiacitak nitai iji igki ainyak.

Niji tas taigtai 3:36

Et eti merit a Natimarid par ago nedo efaifa vaig tah natimi.

Esikiel 18:12

um ehcerucai ilpu atimi ohocred im ilpu ihki atimi, um atoraliak itai o un tah, jam eti imiadumoij nitai asjaaicnaig an neti aru itai o un tah, is aespan niji atmasimai aien, um ago nedo inig er amcel vaig,

Esikiel 18:7

um eti ehcerucai tah natimi, jam imiadumoij nitai asjaaicnaig au neti aru itai o un tah, um eti atoraliak itai o un tah, jam alaayi ilpu atimi ehtele ra nitai caig o un incara, um aso ilpu atimi tup atga au napelumai o un;

Esikiel 22:7

Era amen ehelemia a ilpu atimi amcel vai ilpu etmara im ilpu risra: era amen ehelemia a ilpu atimi ago nedo acalacal vai ilpu atimi an taka pece: era amen ehelemia a ilpu atimi ehcerucai ilpu umnij im ilpu takata eris emesmas a ilpu atamnyura.

Esikiel 45:9

Et ika a Natimarid Ihova; Ak ilpu atimarid au pece Isreel, ago nedo et tau upene um atoh, akumu udei nehcerucai atimi unyimia aijaua im natoraliak itai ura unyimia, um ago neruvaig atoh im neruvaig inveijec; et lep ika a Natimarid Ihova; Akumu udei aijaua par ehtipidai ilpu atimi unyak.

Joel 3:19

Etpu umaruma inpece Ijipt, etpu amasacen inpece Itom um ahyuahyu, va nedo ipjin ura vai nup u Juta, eris idim atgei ilpu atimi upene ara an pece ura.

Levitikus 19:15

Akumu jim ago nedo inig et eti atoh an tas alep unyimia aijaua, um jim aiheuc vai ilpu ihki atimi, um jim ecen vai ilpu atimi esjilid: ja namu tas alep atoh aiek vai natimi eblaamnem unyum.

Emos 5:15

Akumu esjum aijaua vai nedo has, jam merit vai nedo upene, um asaig intas alep atoh an neucse nathatahau: kit etpu aiheuc vai nahri ilpu mapoi Josef a Ihova Atua esjilid acen,

Emos 5:24

Ja etmu yah intas atoh et idivaig inwai, im lep nedo atoh et idivaig nofowai alupas.

Maika 3:11

Era tas alep a ilpu atimi alupas iran va nimtan, era esege imi atimi a ilpu atimi ahlap iran va naga, era ahidan tas a ilpu profeta iran vai mune: ja era lep asgeig irai Ihova ara, um ika, Et idim amen eheleija a Ihova; inyi eti yetpam iraija tah nohocred.

Maika 6:8

Ak natimi inigki, et mun ehvaig ehelum a Atua nitai inig et upene; et idim merit a Ihova va nitai iji igki ache ehelum, mika an ago nedo atoh aiek, um merit alupas va nedo aiheuc, um apol ira Atua unyum an liinmopom upoupo.

Malakai 3:5

Et ika a Ihova esjilid acen; Ekpu apam ubutpotet ehelemia ainyak par aru iramia; ekpu auroauro ainyak um asuptecnaig vai nedo o ilpu atimi araces, im ilpu atimi ago ingeijid, im ilpu atimi asig yi aktit intas jam ahcil, im lep vai ilpu atimi iji ig era ehtipidai ilpu aheca ura ara va nimtan, im ilpu takata iji ig eris emesmas a ilpu atamnyu ura, im ilpu umnij, im lep vai ra era eti ago nedo atoh vai nup urai taka pece, um eti imtitaig nyak.

Madius 23:23

Aʼa, auwe vai caua, ak ilpu atimi esege im ilpu Farisi, eka ilpu atimi efaifa aijaua! eka ahtai nefelelecai auanipin upene aijaua im nefelelecai acas, jam ude niji itai esjilid an tas alep, nedo atoh, im naiheuc va atimi, im nedo inivaijec: et upene vai caua nagovaig nitai iji eigki, jam eti ude nedo iyehki.

Tyuteronome 10:18

et ago nedo atoh aien vai ilpu umnij, im ilpu takata eris emesmas a ilpu atamnyu ura, um aiheuc vai nup urai taka uarin, um alupai ra nitai caig im nitai aso ra.

Tyuteronome 24:17

Namu jim tas alep has aiek vai nup urai taka uarin, im ilpu umnij; um jim leh napelumai u intakata is mas natamnyu un nimtan:

Tyuteronome 24:7

El er ato mika et ehneg tah ilpu etwan irai up Isreel tah natimi um asaig naheca ehelen, ka ahtai yin; etmu idim mas a natimi iyehki et ehneg atimi aien; um atipagki nedo has iram.

Tyuteronome 25:1

EL era imiisjisitai natimi, um apan ehele ilpu atimi alupas mika eri tas alep vai ra ara; erumu atcijaig ilpu atimi upene ara, jam asuptecnaig nimtan imi ilpu atimi auatatimi.

Tyuteronome 27:19

Uhmu ahlaijai yin et tas alep has aien vai nup urai taka pece, im ilpu umnij, im ilpu takata eris emesmas a ilpu atamnyu ura. Erumu lep ika natimi asega, Emen.

Jakobus 1:27

Nalaigaheni inivaijec um upene an nuhup u Atua Etmaija neigki, nikavaig, nateghe ilpu umnyij im ilpu takata eris emesmas a ilpu atamnyura an nohocred ura, m naminjinai yin vai yi jim has aien an nobohtan.