Jeremaia 21:5 - Intas Etipup

⁵ Ekpu lep ago nedoa vai caua ainyak an nikmak inig ek adaigjai ainyak, im nikmak emda, im lep an nehniv unyak, im intavaitap im nedemda alupas.

Jeremaia 21:5 Iomraidhean Croise

Eksotus 6:6

Va nitai inigki namu asaig ehele nup Isreel aiek, mika ek Ihova ainyak, ekpu iknipagki caua ainyak va nauritai ehka u nup Ijipt, ekpu lep imicoho caua ainyak va nauaraheca ura, ekpu imiatamaig caua ainyak an nikmak emda, im lep an nedo emda esjilid unyak:

Eksotus 9:15

Ekpu atgeig yi apidi nikmak ainyak an nopan inig, um auud euc, im nup uran pece unyum an nemehe has; uhpu auahas euc an nobohtan.

Aiseya 10:4

El era eti atpuse ara ehele ilpu atimi iji ig er arore ra an nedoa, erupu eropropse ara ehele ilpu atimi iji ig er atgei ra. Et eteuc nitai iji igki asega, ja et eti imiadumoij intavaitap o un aien, et lep atgeig yi apidi nikman aien.

Aiseya 5:25

Va nitai inigki et mun ere intavaitap u Ihova vai ilpu atimi o un, is mun ada nikman aien vai ra, um auud ra: is lep omoi niji edoon, is idivaig nohok nohura an niblai efalaig. Is eteuc nitai iji igki asega ja et eti adumoij pan intavaitap o un, et lep adaigjai nikman aien.

Aiseya 63:10

Eris imipalea ara, um auahas inliinmopoi Nesgan Upene: va nitai inigki is par ahidaig pan yin aien, um ika yi tak atimi ira ra, is lep ati nedoa vai ra aien.

Aiseya 9:12

erupu uhup ira ra a nup u Siria, erupu apitae ira ra a nup u Filistia; erupu auahas alupas nup Isreel ara. Et eteuc nitai iji igki asega, ja et eti imiadumoij intavaitap o un aien, et lep atgeig yi apidi nikman aien.

Aiseya 9:17

Va nitai inigki inyi eti imiacitak ilpu takuras ura a Natimarid, um eti aiheuc vai ilpu umnij ura im ilpu takata ura era mun emesmas a ilpu atumnyura: era idim atimi efaifa ara asega um atimi ago nedo has, et asan tas maumau nipjineucsera asega. Et eteuc nitai iji igki asega, ja et eti imiadumoij intavaitap o un aien, et lep atgeig yi apidi nikman aien.

Aiseya 9:21

era auahas nup Ifreem a nup u Manasi; era lep auahas nup u Manasi a nup Ifreem: era lep ehrauahas nup u Juta ara sji ehki. Et eteuc nitai iji igki asega, ja et eti imiadumoij intavaitap o un aien, et lep atgeig yi apidi nikman aien.

Jeremaia 32:17

Awe, ak Ihova natimarid! as idim ago nohatag aiek im lep nobohtan an nemda alupas unyum, im lep an nikmam as atgeig yi apidi aiek, et lep eti ehka vai euc tah nitai:

Jeremaia 32:37

Akumu ato aijaua mika, ekpu asjapicnai ra ainyak ahes irai iji pece asega iji ig, ekmun ahau pan ra iran ainyak an nedemda unyak, im intavaitap unyak, im nehniv alupas unyak; ekpu lep imiadumoij pam ra ainyak an nuarin inigki, um ika eri amen upene iran ara:

Jeremaia 36:7

Kit erupu atpuse ara an nuhup u Ihova um alaigaheni vai yin, um lep adumoij pam um udei efalaig has ura, athi um athi ehni: et idim alupas nedemda im intavaitap is asuptecnaig a Ihova vai nup igcaki.

Jeremaia 37:10

El eka atgei inpak an nedoa asega u nup u Kaltia iji ig aijaua era aat iramia ara; el era amen a ilpu atimi eris erep ra ache, athi um athi ehni, irai eom atga ura, el erupu atidai ara, um atnamud inmaliyum inigki an cap.

Jeremaia 6:12

Erupu lucsei niji eom ura a ilpu atimi et eche, im lep umara im ilpu ehgara: et ika a Ihova, Ekpu idim adan nikmak ainyak irai ilpu atimi amen an pece inigki.

Niji tas taigtai 2:3

Et mun atipagki nemda u nup, Isreel aien an tavaitap alupas o un: et mun asvahteuc pam nikman inmatan aien ahes an nuhup u ilpu atimi tak atimi ira ra, is ere intavaitap o un vai ilpu mapoi Jekob, et idivaig incap alaume inig et atnamud inpece marehed mihtag.

Esikiel 39:3

Ekpu ethaigse inceen nefana unyum ainyak na apos aiek an nikmam inmauum, um ika yi etjose niji idjan efana na apos aiek an nikmam inmatam.

Esikiel 5:8

va nitai inigki, et ika a Natimarid Ihova; Akumu ato aijaua mika, ek idim edemda vai caua ainyak, ekpu lep ago neruvaig iramia ainyak va nedo has unyimia an nuhup u nup urai iji pece.

Tyuteronome 4:23

Akumu aktaktai upene aijaua, va aki jim eti imiehva intas etipup u Ihova Atua unyimia, is asaig ehelemia aien: um ago natmasimai, ka nalmui tah nitai is acaiji caua a Ihova Atua unyimia.

Tyuteronome 4:34

Is lep eti ika a Ihova yi apan um iknipagki nup uran pece is ethi imi yin an pece is eche, irai ohocred, im niji itai asjaaicnaig, im nedoa, im nikman emda, im nikman adai, im nedo er imtitaig alupas vaig, et idivaig is ago vai caua a Ihova Atua unyimia an nuhup unyimia.