Jeremaia 21:4 - Intas Etipup

⁴ Et ika a Ihova Atua u nup Isreel; Akumu ato aijaua mika, ekpu imiadumoij pan nij va atimi iji ig ainyak et amen irai ikmamia, eka ago nedoa iran aijaua vai natimarid an pece Babelon, im lep vai nup u Kaltia iji ig, era arehed an maliyum itac ara um ago nedoa vai caua, ekpu lep asjapicnai ra ainyak juju an niblan maliyum inigki.

Jeremaia 21:4 Iomraidhean Croise

Aiseya 10:4

El era eti atpuse ara ehele ilpu atimi iji ig er arore ra an nedoa, erupu eropropse ara ehele ilpu atimi iji ig er atgei ra. Et eteuc nitai iji igki asega, ja et eti imiadumoij intavaitap o un aien, et lep atgeig yi apidi nikman aien.

Aiseya 13:4

Er ahgei inmotjan nasjapicnaig u atimi irai iji edoon, et idvaig inmotjan natimi et ahinag; inmotjan nasjapicnaig u nup urai iji elcau im nup urai iji pece era asjapicnaig ara: et esiaig niji pak irai edoa o un a Ihova esjilid acen.

Aiseya 5:5

Va nitai inigki el et upene iramia, inki asuptecnaig ainyak ehelemia nedo inig, ekpu ago ainyak vai nokoro vaine unyak; ekpu atipagki nirahed o un ainyak, uhpu lep acaig vaig ehni; ekpu alcapdicraig nathatahau o un ainyak, uhpu lep auwihise asega:

Jeremaia 20:4

Et ika a Ihova. Namu ato aiek mika, ekpu ika ainyak an itai imtitaig alupas vaig aiek imtam, im lep imi ilpu apa unyum: erupu atgei ra a ilpu atimi tak atimi ira ra, napu alum ra aiek: ekpu atcijaig nup u Juta asega ainyak, an nikmai natimarid an pece Babelon, etpu arore ra aien um imiapan ra an pece Babelon, etpu lep atgei ra aien an nauitoga.

Jeremaia 21:3

Is um ika ehele rau a Jeremaia, Arumu ika ehele Setekaia aijaurau:

Jeremaia 32:24

et idim ubutpotet u inmaliyum niji edoon an nobohtan ura eris uctaig ara, mika eri atoraliak; eh mun atcijaig inmaliyum pan an nikmai nup u Kaltia iji ig era aat iran ara, va nedoa, im lep va numlaig has, im lep van mas alupas: et idim eteuc nitai inig as upyi asaig aiek; na idim almoi aiek.

Jeremaia 32:3

Is atapnes yin eahki a Setekaia natimarid an pece Juta, um ika, Na a uri aiek par asuptecnaig intas, um ika, Et ika a Ihova, Akumu ato aijaua mika, ekpu atcijaig inmaliyum inigki ainyak an nikmai natimarid an pece Babelon; etpu idim atoraliak aien;

Jeremaia 32:5

et lep ika a Ihova, etpu imiapan Setekaia Babelon aien, etpu amen eahki aien um yetpan an nopan iyehki ekpu ateghe yin ainyak: aku wit ago nedoa vai nup u Kaltia aijaua, akupu eti esjilid ira ra aijaua.

Jeremaia 33:5

Era mun ham ara mika eri ati nedoa vai nup u Kaltia, ja etpu ohua iran nohui ilpu atimi iji ig, ek mun atgei ra ainyak an nedemda unyak im lep an tavaitap unyak, im lep inig, ek mun adenaig nesganimtak ainyak vai inmaliyum inigki vai nedo has asega ura.

Jeremaia 35:17

va nitai inigki et ika a Ihova Atua esjilid acen, Atua u nup Isreel; Akumu ato aijaua mika, ekpu imiapam ehele nup u Juta ainyak, im lep ehele ilpu atimi asega amen Jerusalem nohocred; asega inig ek mun asaig vai ra ainyak: vaig inig nikavaig, ekmun tas ehele ra ainyak, ja era! mun eti atahaijeg ara; ek mun; ahlaig vai ra ainyak, ja era mun eti ho ara.

Jeremaia 39:3

Eris apam anliin maliyum a ilpu atimi alupas asega u natimarid an pece Babelon, um ateuc an neucse nathatahau juju, nan, Nercal-Sarisar, im Samcar-nibo, im Sarsekim natimi alupas u ilpu aheca esjilid, im Nercal-sarisar natimi alupas u ilpu atimi arapakau, im ilpu atimi alupas asega is eche u natimarid an pece Babelon.

Jeremaia 52:18

Eris lep imiapan Babelon niji ipjiuru ara, im niji itai acale, im niji itai ehteti, im niji ipjiitai, im niji spuun, im niji ipjiitai bras asega eris auanaheca iran ara.

Niji tas taigtai 2:3

Et mun atipagki nemda u nup, Isreel aien an tavaitap alupas o un: et mun asvahteuc pam nikman inmatan aien ahes an nuhup u ilpu atimi tak atimi ira ra, is ere intavaitap o un vai ilpu mapoi Jekob, et idivaig incap alaume inig et atnamud inpece marehed mihtag.

Niji tas taigtai 2:5

Is idivaig natimi tak atimi ira ra a Natimarid: et mun atleg nup; Isreel aien, et mun atleg niji imnim atimi asega ura aien: et mun auahas niji imnim emda ura aien, et! mun ika aien yi alupas nehtigtaig im naunyauwaig u nup u Juta.

Niji tas taigtai 2:7

Et mun udei natau va nahlap o un a Natimarid, et mun amcel vai nimnim itap o un aien, et mun atcijaig niji athatahau u nimnim atimi o un aien pan an nikmai ilpu atimi tak atimi iran; et mun acreh nohrara ara an nimnim u Ihova, et idivaig nasjapicnaig alupas u atimi an nopan itap.

Esikiel 39:3

Ekpu ethaigse inceen nefana unyum ainyak na apos aiek an nikmam inmauum, um ika yi etjose niji idjan efana na apos aiek an nikmam inmatam.

Hosia 9:12

Ja el era aminjinaig ilpu hal ura ara, ekpu iknipagki ra ainyak, inyi eti amen tah ra: kaiheuc vai ra eku wit udei ra ainyak!

Sekaraia 14:2

Ekpu idim asjapicnaig nup urai iji pece asega ainyak par ati nedoa vai nup u Jerusalem; erupu atoraliak inmaliyum ara, um tup lucsei itai iraili eom, um auahas ilpu takata; erupu arop irai nahaiji atimi an maliyum ara um imiapan ra an taka pece, ja nahaiji atimi et eche erupu eti iknipagki ra an maliyum ara.

Madius 22:7

Is wat ato a natimarid, is atavaitap aien: um abrai ilpu eucsupo o un, mika eri apan ara um auahas ilpu atimi atgei atmas, um atnamud nuarin-pece ura.