Jeremaia 21:10 - Intas Etipup

¹⁰ Et ika a Ihova, Ek mun alum inmaliyum inigki ainyak va nitai has, jameti va nitai upene: uhpu atcijaig an nikmai natimarid an pece Babelon, etpu atnamud aien an cap.

Jeremaia 21:10 Iomraidhean Croise

Jeremaia 44:11

Va nitai inigki et ika a Ihova esjilid acen, Atua u nup Isreel; Ekpu alum caua ainyak mika aki ohocred aijaua, ekpu lep atgei nup u Juta asega ainyak.

Emos 9:4

el era imiapan ra an taka pece a ilpu atimi edemda vai ra, ekpu ati nedoa ainyak eahki, uhpu lep atgei ra: ekpu alum pan ra ainyak mika eri ohocred ara, jam eti amen upene.

Jeremaia 44:27

Akumu ato aijaua mika, ekpu atpaijinai ra ainyak mika eri amen an nohocred ara, jam eti amen upene: uhpu auahas nup u Juta asega iji ig era amen an pece Ijipt ara an nedoa, im lep an numlaig has, erupu atiih ara.

Esikiel 15:7

Ekpu edemda vai ra ainyak; erupu ahes an cap inyi ethi ara um aha, ja etpu auahas ra incap inyi eche; akupu ato aijaua mika ek Ihova ainyak; eku wit edemda vai ra ainyak.

Jeremaia 52:13

Is atnamud neom u Ihova aien, im nimnim u natimarid; is lep atnamud niji inmim asega Jerusalem an cap aien, niji imnim alupas asega marom:

Jeremaia 39:8

Eris lep atnamud nimnim u natimarid an cap a nup u Kaltia, im lep niji imnim u atimi, um alcapdicraig niji athatahau Jerusalem.

Jeremaia 38:18

ja el et eti apan itac aiek ehele ilpu atimi alupas u natimarid an pece Babelon, uhpu atcijaig inmaliyum inigki an nikmai nup u Kaltia, erupu atnamud an cap ara, napu lep eti aha vai nikmara aiek.

Jeremaia 38:3

Et ika a Ihova, Uhpu idim atcijaig inmaliyum inigki an nikmai ilpu eucsupo u natimarid an pece Babelon, erupu atoraliak ara.

Jeremaia 34:2

Et ika a Ihova, Atua u nup Isreel; Namu apan aiek um tas ehele Setekaia natimarid an pece Juta, ura ika ehelen, Et ika a Ihova, Namu ato aiek mika, ekpu atcijaig inmaliyum inigki ainyak an nikmai natimarid an pece Babelon, etpu lep atnamud au cap aien:

2 Niji Tas Eled 36:19

Eris ahli neom u Atua ara, um alcapdicraig nathatahau an maliyum Jerusalem, um atnamud niji imnim asega u natimarid, um auahas nipjiitai upene asega iran.

Jeremaia 38:23

Erupu imiapan itac ehele nup u Kaltia ilpu ehnaa asega unyum ara im lep ilpu hal unyum: napu eti aha va nikmara aiek, ja uhpu arop iram an nikmai natimarid an pece Babelon: uhpu atnamud inmaliyum inigki an cap vai euc.

Saam 34:16

Et alum ilpu atimi auatatimi a Ihova, um auahas ehni ra, mika eri eti imiehva ra an nobohtan.

Levitikus 26:17

Ekpu aat iramia ainyak, uhpu atgei caua an nuhup u ilpu atimi iramia: erupu esjilid iramia natimi iji ig era amcel vai caua ara; akupu aha aijaua etu wit eti ahau caua tah.

Levitikus 17:10

El et caig tah inja irai itai tah natimi irai up Isreel, ka irai up urai taka pece, era amen ehelemia ara; ekpu amcel vai natimi iyehki ainyak et caig inja irai itai aien, um atipagki yin ehele ilpu atimi o un.

Sekaraia 1:6

Is idim uhum pan ilpu retpomia niji tas unyak im niji tas alep unyak, kis asaig ainyak ehele ilpu aheca unyak, ilpu profeta marom; va nitai inigki eris adumoij pam ara, um ika, Is ago iraija a Ihova esjilid acen is idivaig inmerit o un iyehki, is ika aien yi ago vai caija, is idivaig nedo uja, im nauritai uja.

Jeremaia 34:22

Et ika a Ihova, Akumu ato aijaua mika, ekpu tas alep ainyak um imiadumoij pam ra an maliyum inigki; erupu aat iran ara, um atoraliak, um atnamud an cap: ekpu ika ainyak yi ahyuahyu niji maliyum an pece Juta inyi eti amen iran tah natimi.

Jeremaia 26:6

ekpu ago nimnim inigki ainyak mika yi idivaig Sailo, um ago inmaliyum inigki mika eri asaig intas ahlaijaig vaig a nup urai iji elcau asega an nobohtan.

Jeremaia 17:27

Ja el eka eti atahaijeg intas unyak aijaua um apos upene nadiat atumop yi uce, par eti apos nitai ahelwei, um etiapam irai eucse athatahau Jerusalem an nadiat atumop; ekpu ati incap ainyak irai eucse athatahau iran, etpu auahas niji eom esjilid Jerusalem, uhpu eti lep ahni.

Jeremaia 33:5

Era mun ham ara mika eri ati nedoa vai nup u Kaltia, ja etpu ohua iran nohui ilpu atimi iji ig, ek mun atgei ra ainyak an nedemda unyak im lep an tavaitap unyak, im lep inig, ek mun adenaig nesganimtak ainyak vai inmaliyum inigki vai nedo has asega ura.

Jeremaia 39:16

Namu apan aiek um tas ehele Ibet-milek nup Idiopia, um ika, Et ika a Ihova esjilid acen, Atua u nup Isreel; Namu ato aiek mika, ekpu imiapam intas unyak ainyak an maliyum inigki va niji itai has, jam eti va niji itai upene; uhpu lep ehneijid an nopan iyehki an nuhup unyum.

Esikiel 24:11

Ja par apitac um atijai nipjiuru an cap jam ti nitai iran, mika yi ehre um aplo bras iran, im lep mika yi ahtitiri nitai has iran, um cas nohok has iran.

Emos 2:5

ja ekpu ati incap an pece Juta ainyak, etpu cas niji imnim atimi an maliyum Jerusalem.

Jeremaia 38:17

Is um ika a Jeremaia ehele Setekaia, Et ika a Ihova Atua esjilid acen, Atua u nup Isreel; El et idim apan itac aiek ehele ilpu atimi alupas u natimarid an pece Babelon, napu umoh aiek, uhpu eti atnamud inmaliyum inigki an cap; napu umoh aiek, im lep nup an nimnim unyum: