Jeremaia 21:1 - Intas Etipup

¹ INTAS inig is ahes ehele Ihova um yetpam ehele Jeremaia nigki, is wat abrai Pesur inhal u Melkaia, im Sefanaia inhal u Measia natimi ahlap, a Setekaia natimarid mika eri apan ehelen, um ika,

Jeremaia 21:1 Iomraidhean Croise

2 Ilpu Atimarid 22:13

Apan aijaua um ahodai Ihova vai nyak, im lep vai natimi, im lep vai nup u Juta asega, vai intas an nitaasviitai inigki er ecetai: et idim esjilid intavaitap u Ihova vai caija, va nedo o ilpu retpoija, nikavaig, eris eti imiaiji intas an nitaasviitai inigki ara, um eti ago nitai iji igki asega eris aged vai caija.

1 Iji Tas Eled 3:15

Ilpu hal u Josaia ji igki; nan, Johenan inmeto, im Jehoiakim sekunt, im Setekaia dirt, im Sallum ford.

1 Iji Tas Eled 9:12

im Ateaia inhal u Jeroham; is hal u Pesur a Jeroham; is inhal Malkaija a Pesur; im Measeai hal u u Eti el; is hal u Jasira a Etiel; is hal u Misullam a Jasira; is hal u Misillemid a Misullam; is hal u Imin er a Misillemid;

2 Niji Tas Eled 36:17

Va nitai inigki is imiapam natimarid an pece Kaltia ehele ra aien, is atgei ilpu takuras ura aien irai auitoga anliin neom itap ura, um eti aiheuc vai ilpu takuras im ilpu atahig, im ilpu fatimi, im ilpu atimi acvacva va nefatimi ura: is atcijai ra asega imi yin aien.

Nihemaia 11:12

Im ilpu etwara eris auanaheca an neom ara, eris eet huntret im twente tu (822) ara, im Ateaia inhal u Jeroham, inhal u Pelalaia, inhal u Amsai, inhal u Sekaraia, inhal u Pesur, inhal u Malkaia,

Jeremaia 29:25

Et tas a Ihova esjilid acen, Atua u nup Isreel, um ika, Vaig inig nikavaig, na mun imiapan itaasviitai aiek an nidam imi atimi asega Jerusalem, im lep imi Sefanaia inhal u Measiya natimi ahlep, im lep imi ilpu atimi ahlap asega, um ika,

Jeremaia 29:29

(Is esvi nitaasviitai inigki a Sefanaia natimi ahlap ehele Jeremaia naprofeta.)

Jeremaia 35:4

kis imiapan ra ainyak an nimnim u Ihova, an nuarin neom inig u ilpu hal u Henan, inhal u Ictalaia, natimi u Atua, is asgeig pan an nuarin neom u ilpu atimi alupas an pece, is eteuc ijinies nuarin neom iyehki, ja is eteuc itlian nuarin neom u Measiya inhal u Sallum, natimi aminjinaig neucse nathatahau:

Jeremaia 37:1

IS atimarid a Setekaia inhal u Josaia, um isjeupigmoig Konaia inhal u Jehoiakim, aien ahki is ati yin a Nebukatnesar natimarid an pece Babelon mika yi atimarid an pece Juta.

Jeremaia 37:17

is abraig pan atimi a Setekaia natimarid mika eri atipagki yin ara: is echim ahodaig yin a natimarid an neom o un, um ika, Et mun yetpam tah intas ehele Ihova, ka oʼo? Is ika a Jeremaia, Et mun yetpam: et lep ika aien, uhpu atcijaig pan euc an nikmai natimarid au pece Babelon.

Jeremaia 37:3

Is asaig a Setekaia natimarid ehele Jehukal inhal u Selemaia im Sefanaia inhal u Measiya natimi ahlap mika eru apan ehele Jeremaia naprofeta arau, um ika, Namu alaigaheni aiek vai Ihova Atua uja vai cama.

Jeremaia 37:7

Et ika a Ihova, Atua u nup Isreel; Arumu ika aijaurau ehele natimarid an pece Juta inig, et mun abrai caurau aien mika aku apam ehelek aijaurau par ahodai nyak; Namu ato aiek mika, erupu adumoij pan an pece ura an pece Ijipt inpak an nedoa u Fero iji ig, era apam ara par atau imi caua.

Jeremaia 38:1

ERIS ahgei intas o Jeremia a Sefataia inhal u Matan, im Cetalaia inhal u Pesur, im Jukal inhal u Selemaia, im Pesur inhal u Malkaia, intas iji igki marom is asaig aien ehele atimi asega, um ika.

Jeremaia 38:14

Is abraig pan atimi a Setekaia natimarid, um imiapan Jeremaia naprofeta ehelen an nefalaig esjilid iyehki is eteuc an nimnim u Ihova: is ika ehele Jeremaia a natimarid, ekpu ahodai euc van tas inyi ethi ainyak; namu jim adenaig tah nitai vai nyak aiek.

Jeremaia 52:24

Is apan a natimi alupas u ilpu eucsupo, um lucsei Sereaia natimi esjilid an nahlap, im Sefanaia natimi ahlap esjilid, im natimi is dri ehtijis aminjinaig neucse neom ahtaij.